อย่าถาม

[ศรีสะท้าน]

อ้างถึง : ปล. ขอบคุณศรีสะท้านหมอธรรมประจำบ้าน (ซำบายดีบ่เฮยหมอ)

สำบายดีคะรับท่าน สำบายดีหมอ

[บ่าวโจ่โล่]

พี่้น้องเอ๊ย มื้อหนูซิงตาสวด มาอวดเด่นเป็นพระยา ถืออาสาแบกขวานทอง คึกคะนองย่อนเมียยู้
สิจับปูไส่กระด้ง จับผีโพงไส่กะต่า ขัวญผวาเสี่ยวปากห้อย มาคอยเฝ้าเว้ายุแยง
มาทางซุมพระยาแฮ้ง แหล่งผัวเมียกับเฮือเก่า ว่าขายทิ่มซะน้อเฒ่า ขายทิ่มซะนอเจ้า เอาทุนแขกไปแลกเสียง
หนีจากเวียงเพียงสิงห์เฒ่า สิเอาเขาไปติดบ่วง หมาจิ้งจอกพากันท้วง ปวงหมาบ้านกะเห่าหอน
ศรีธันดรสิแตกม้าง หลายซุมต่างทางคิดเห็น ไผสิเป็นผู้เบิ่งแยง สิเปลี่ยนแปงเอาเมืองบ้าน
นี่แม่นการอุปโลก มาโยกไส่กลอนผญา มาฮ่วมจาพาออกเสียง มาเบิ่งเวียงอยู่เฮียงท่าน

หนูซิงตาสวด = จักไผเกิดปีชวดเด้อพี่น้อง
พระยาแฮ้ง = อีแร้งหนิหล่ะ
เฮือ,เฮีย = สิแม่นเรือหนิตั๊วเนาะ
สิงห์เฒ่า = เจ้าป่า ผู้คุมกฎ หรือ ผู้ปรกครองดูแล เนาะ
Fox, Watchdog = หมาป่า หมาเฝ้าบ้าน จักแม่นซุมได๋หล่ะ
ศรีธัญดร = แดนดินถิ่นพำนัก ถ้าบ่แม่นถ้า ความคิดเห็นจากลุงเฒ่าคำศรีครับ
เฮียง = เคียงกัน, คู่กัน


...........เป็นอุปโลกที่ 3 สำหรับบอร์ด ผญา ...ด้วยความขอบคุณท่านผู้อ่าน และผู้ให้คำขอบคุณครับผม........