อย่าถาม

[ศรีสะท้าน]

อย่าถามว่าประเทศบ้าน ให้หยังแหน่กับเฮา
อย่าสิหมายเพียงเอา แต่ผลผลาตั้ง
ตราบใดยังคงไว้ ผืนดินไทยอาณาเขต
เฮาได้เฮ็ดสืบสร่าง อีหยังบ้างคิดเบิ่งกัน
หลายคนคึดสั่นสั่น หมายหม่อแต่พอตัว
แนมแต่หาทางคัว ยาดซิงเส็งซ้อน
บ่ออนซอนการร่วม องค์รวมบ่หันใส่
ผู้เฮ็ดไปกะเมื่อยล้า หลังหล่าหลาบจำ
คนกระทำเพียงท้อ โอนอปานใดหน่อ
ดนปานใด๋จังสิพ้อ ทางแจ้งสว่างใส ท่านเอย

ผลผลา(ผลประโยชน์,สิ่งตอบแทน) สั่นสั่น(สั้นๆ,ตื้นๆ) หม่อ(ใกล้ๆ,หมิ่นเหม่) คัว(คว้า) ยาดซิง(แย่งชิง) เส็ง(แข่งขัน) ออนซอน(สนใจ) หล่า(ล่า,ภายหลัง) หลาบ(เข็ด)

[ไก่น้อย]

อ้ายเอ้ย....บ่ได้ไลลืมทิ่มการเฮือนประเทศซาติ
บ่ประมาทลบคุ้นบุญคุณบ้านแฮ่งจือจำ
การกระทำเฮดสร้างทุกสิ่งอย่างบ่เบียดไผ
บ่ให้ไลทางเสีย แฮงเฮือนเนายั้ง
แต่ลำพังโตน้อย แฮงหน่อยกะเฮดค่อย
บ่ได้คอยเบียดฟ้า ยังหันหน้าเบิ่งดิน ........นั่นแหล่ว.....

[ศรีสะท้าน]

อ้างถึง : อ้ายเอ้ย....บ่ได้ไลลืมทิ่มการเฮือนประเทศซาติ
บ่ประมาทลบคุ้นบุญคุณบ้านแฮ่งจือจำ
การกระทำเฮดสร้างทุกสิ่งอย่างบ่เบียดไผ
บ่ให้ไลทางเสีย แฮงเฮือนเนายั้ง
แต่ลำพังโตน้อย แฮงหน่อยกะเฮดค่อย
บ่ได้คอยเบียดฟ้า ยังหันหน้าเบิ่งดิน ........นั่นแหล่ว.....

มาแต่ไสนอเพิ่นนี้ คือบ่เคยเห็น อิ อิ อิ เอาใหม่..มันเป็นสีขัดๆอยู่ สัมผัสผญาเจ้าหนะ

อ้ายเอ้ย....บ่ได้ไลลืมทิ่มการเฮือนประเทศซาติ
บ่ประมาทกล่าวต้าน บุญคุณบ้านแฮ่งจือจำ
การกระทำเฮ็ดสร้าง ทุกสิ่งอย่างบ่เบียนไผ
บ่มีใจบิดเบือน แฮงเฮือนเนายั้ง
หากลำพังโตน้อย แฮงถอยกะไปค่อย
บ่ได้คอยเบียดฟ้า ยังหันหน้าเบิ่งดิน ........นั่นแหล่ว.....

[ไก่น้อย]

คาราวะ 1 จอก ทั่น อาจาน ..( เป็นคำพ้องเสียง ท่าน อาจารย์)

สบายดีเด้ออ้าย ซายผุดียุเมืองต่ำ
ไปขุดคำผุทางไต้ พอได้ไซ้แน่บ่น่อ ..... แฮะๆ

[รวงข้าว]

ป๊าดดดด อ้ายมีแปลให้นำเนาะ มาจอบฟังซื่อดอกจ้า

[โป้ยก่าย]

พี่น้องเอ้ย
คนผู้มีศีลสร้างมีคณธรรมเพิ่นหนีไปอยู่ป่า
คนผู้ใจลดเลี้ยวได้ครองบ้านนั่งเมือง
อาศัยอำนาจถ่อยโกงกินประเทศชาติ
เงินบาทลอยอยู่ฟ้าราคาซ้ำอยู่ดิน

[ศรีสะท้าน]

รวงข้าว : ป๊าดดดด อ้ายมีแปลให้นำเนาะ มาจอบฟังซื่อดอกจ้า

ฮ่วยย มาหาจอบเบิ่งกันแท้ บ่แม่นเห็นเหมิดแล้วบ่ เหอ ๆ ๆ

[พล พระยาแล]

เห็นว่าเวียงจันทน์ฮ้าง เป็นโพนขี่หมาจอก
บัดฮาบางกอกฮ้าง คือสิฮ้ายกั่วเวียง
เห็นว่าเวียงจันทน์เส่า สาวเอ้ยอย่าฟ่าวว่า
มันสิโซคบั้นหล่า แตงซ่างหน่วยปายเด้ละนาง

"หากคนในประเทศ ไม่มีวินัย และไม่สร้างความสามัคคีให้เกิดขึ้นในชาติ"

อะไรจะเกิดขึ้นอีก 10 ปี มาดูกันครับ


ปล. ขอบคุณศรีสะท้านหมอธรรมประจำบ้าน (ซำบายดีบ่เฮยหมอ)

[รวงข้าว]

เห็นหมดล่ะอ้าย บ่ยัง ฮ่าๆๆ

[คนเมืองแปะ]

แต่งบ่เป็นนำเพิ่นดอก แต่เข้ามาให้กำลังใจเพิ่นเนาะ8):g:g