กำลังแสดงผล 1 ถึง 4 จากทั้งหมด 4

หัวข้อ: ผญาร่วมสมัย

  1. #1
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    ผญาร่วมสมัย

    พวกหมู่ซุมซาวเซื้อนายทุนขุนศึกใหญ่
    รวยกะรวยล้นฟ้าพันล้านกะบ่พอ
    มีแต่โกยมาไว้บ่เห็นใจคนต้อยต่ำ
    งานบ่ทำมีแต่สุขอยู่ล้นคนเฮานั้นมาต่างกัน แท้น้อ
    เว้าถึงคนรวยนั้นมีกันหลายประเภท
    แต่ละเหตุส่งให้เขาได้มั่งมี
    พวกหนึ่งรวยย้อนค้าของเถื่อนหนีภาษี
    พวกหนึ่งมีเงินทองย่อนว่าขายยาบ้า
    พวกหนึ่งทำการค้าขายของประเทศอื่น
    ไปซื่อมาหน่อยหน่อยขายล้นมากเหลือ
    บางคนรวยย่อนตัดไม้ทำลายประเทศชาติ
    เขตประกาศหวงห้ามบ่มีย่านย่ำเกรง
    เลี้ยงนักเลงเต็มบ้านกฏหมู่เหนือกฏหมาย
    บ้างทลายภูเขาเอามาเป็นสินค้า
    ชาวประชาเดือดฮ้อนบ่มีว่าสิสนใจ
    คนจัญไรครองเมืองฮ่วมกันโกงกินบ้าน
    บางพ่องรวยทางเล่นการพนันขันต่อ
    เป็นเจ้าพ่อใหญ่คับบ้านคนย่านทั่วเมือง
    บางพ่องรวยทางค้าหากำไรเกินขนาด
    ขูดรีดราษฎร์ใหญ่น้อยคนห้อยละเหี่ยใจ
    ผู้ลางคนรวยย่อนเป็นเจ้ามือหวยเถื่อน
    ขายกันเกลื่อทั่วบ้านบ่มีย่านผู้ใด๋


  2. #2
    ร่วมถ่ายทอดความรู้สู่สังคม สัญลักษณ์ของ หลานพระรถ
    วันที่สมัคร
    Aug 2008
    ที่อยู่
    เมืองพระรถธานี, ชลบุรี
    กระทู้
    379
    จ่ายผญาไม่เป็นหรอกคะ
    ได้แต่จอบอ่าน...
    และเป็นกำลังใจให้คะ
    ผู้จ่ายผญาคงสิมีเจตนา
    กระตุ้นเตือนสำนึกผู้ลางคนเน๊าะ...:g

  3. #3
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,550
    อัศจรรย์ใจคูถ มวลแมงวันมาหุ้มฮ่อม
    พากันตอมวึ่นวึ่น ป่อนก้นเบ่งไข่ลง
    โยงโยงยุ้ง ฝูงหนอนชอนดูดดื่ม
    ปานว่าสุขลื่นล้น รวยล้ำของอยู่กิน
    ดิ้นยาบยาบ หม่นกินปานแซบหลื่น
    ยาบยาบแย่ง ย่านเขาได้หลื่นโต
    คือจั่งโลกากว้าง คนเฮาอาศัยอยู่
    ยื้อยาดแย่ง แก่งยื้อเข้าโต
    มีโพดโพบ่พอใช้ บ่พอใจอยากได้ตื่ม
    ย่านแต่เขาเพิ่นพุ้น ดีขึ้นหลื่นโต

    โอนอ อันว่าบุญบุญนี้ แนวดีหลายล้นหลื่น
    สังบ่มายื้อยาด สะสมสร้างกองบุญ ล่ะน้อ...


    ของดีบ่ยาด ยาดแต่ของบ่ดี พอปานหนอนยาดขี้

  4. #4
    หนุ่มธรรมสิริ
    Guest
    โอ..น้อเพิ่น..ว่าเด้.
    อัศจรรย์ใจจ้อย ไก่น้อยให้กินเหยื่อนำกา
    หมูหมาไห้ กินนมนำเสือโคร่ง
    ของสัตรูกันแท้ ๆ สังมาให้แอ่วกัน..
    อัศจรรย์ใจกุ้ง กุมกินปลาบึกใหญ่
    ปลาซิวไล่สวบแข้ หนีไปซ้นหลืบหิน
    อัศจรรย์ใจแข้ หางยาว ๆ สังบ่อได้ฮองนั่ง น้อ..
    บาดกระต่ายหางก้อม ๆ สังมาได้นั่ฮอง...
    อัศจรรย์ใจโอ้ ตักแตนโมป้องหมู่มั่ง
    เขียดจะนาป้องหมู่ช้าง ยืนเก้อยู่ทุ่งหลวง..
    อัศจรรย์ใจข่อย หลงคอยแต่ชู้เพิ่น
    แฟนกะมีอยู่โจ้โก้ สังตาส้มใส่แต่สาว...แท้..น้อ..

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •