กำลังแสดงผล 1 ถึง 5 จากทั้งหมด 5

หัวข้อ: ผญาพระคุณแม่

  1. #1
    หนุ่มธรรมสิริ
    Guest

    ผญาพระคุณแม่

    ว่าโอน้อพุอ่านเอ้ย…
    สวัสดีขอกราบก้ม ประนมนอบนาโถ
    บูชาองค์พุทโธธรรม พร่ำสงฆ์องค์แก้ว
    ขอให้เป็นแถวท่าน ผญาญาณตัดส่อง..แน่นเด้อ
    ขอให้เห็นป่องเว้า ทางเรื่องสิกล่าวจา
    ขออย่ามีเหตุฮ้อน ความยากถามเถิง..เด้อพุอ่านเด้อ..
    ขอให้เริง ๆ สุข อยู่ยืนยาวหมั่น
    อันว่าโรคาไข้ เจ็บเป็นปางป่วย
    มารอย่าใกล้ ภัยฮ้ายอย่าสิมี
    เทื่อนี้ข้าจักขอกล่าวเว้า ในเรื่องคุณมารดา
    สุดสิพรรณนาถึง บ่อกล่าวมีเหมิดได้
    จั่งว่ามารดาไท้ ผู้มีคุณอันประเสริฐ
    ผู้ที่เลิศล้ำฟ้า หาได้กะบ่อคือ
    ตลอดทุกสู่มื้อ เช้าค่ำแลงงาย
    เพิ่นยังมีจิตถึง บ่อมีวันเว้น
    โอ..เด้น้อลูกหล่า อยู่ใสน้อลูกของแม่
    เพิ่นคิดฮอดแท้ ๆ เป็นห่วงบ้านแน่บ่อน้อ
    หรือเจ้าคิดบ่อพ้อ ความเก่าตอนยังเด็ก
    เมื่อเจ้ายังเล็ก ๆ หนุ่มทารกาน้อย
    แม่ยังคอยป้อนข้าว กล้วยนำแถมตื่ม
    ยังได้ป้อนลูกน้อย โตเจ้าให้ใหญ่มา
    ฟังไปฮอดบ่อนนี้น้า ให้คิดเบิ่งทางคุณ
    อย่าสิพากันลืม ห้าประการดอกเด้อเจ้า
    จังว่าข้อหนึ่งนั้น ขอให้เลี้ยงพ่อแม่ท่าน
    เพียรพรากอุปถัมภ์ เอาเด้อ.. ข้อสองทำการงานช่อยการกูลเกื้อ
    ข้อสามประพฤติตนตงตั้ง ในคุณอันประกอบ
    มรดกเพิ่นสิให้ หาได้ค่อยรักษา
    ทั้งข้อสี่อีกนั้นน้า รักษาชาติวงศ์ตระกูล
    อย่าสิพากันทำ เสื่อมเสียตระกูลท่าน
    จั่งว่าข้อห้านั้น ยามเมื่อเพิ่นอ่วยโค้ง
    ถึงที่มรณา ให้เจ้าทำบุญหา
    ฮ่ำคนิงนำท่าน ขอยุติวาจาต้าน
    ผญาญาณสำนี้ก่อน จังว่าตอนหน้าพุ้น
    สิมาเว้าอีกต่อไป สาแหล่ว...


  2. #2
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    คุณพ่อแม่นั้นหนักเกิ่งธรณี
    ไผผู้ยำเกรงนบหากสิเฮืองเมือหน้า
    ว่าเป็นตอพยุงแล้วแมวสีสัวโค้น
    ว่าเป็นไม้แก่นหล่อนสังมาปี้นป้งใบ
    คันสิไปทางหน้าให้เหลียงเบิ่งก่อน
    เป็นมะลุดทุดเท้าเซาถ่อนอย่าสุไป
    คันว่าได้ขี่ซ้างอย่าลืมหมู่หมูหมา
    ห่าโขมยมาลักสิเฮ่าหอนให้มันย่าน
    ลางเทื่อกวงฟานเต้นนำดงสิได้ไล่
    คันแน่นได้ต่อนซิ้นยังสิได้ว่าคุณ ดอกเด้อ

  3. #3
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    โอ้......ป๊าดดดดดดด คือหล่อแถะ ผุตั้งกระทู้แมะ กรี๊ดดดดดดด

  4. #4
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    หนูกัดหูก จังคึดฮอดคุณแมว
    ลูกแขวนข่าง แขวนแอว
    จังคึดฮอด คุณพ่อแม

    สั้นแหล่ว อิอิอิอิ ซ่ำนี่ก็เอาดอกผุข่า

  5. #5
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    คุณแม่เพี้ยงสุเมรุเอียงก่ะบ่เกิ่ง
    นับบ่เถิงเอาโลดแสนโกฏิอสงไขย
    เทิงนภาหิมาลัยใต้สมุทรสุดแผ่น
    เทียมทดแทนแทนบ่ถ่วนเถิงม้วนกัลปาวสาน

    *******
    ที่สุดแห่งระยะเวลากัลป์หนึ่ง คือ ช่วงเวลา ๔,๓๒๐,๐๐๐,๐๐๐ ปีมนุษย์
    ระบุจำนวน ของอสงไขย ไว้ว่า เท่ากับ โกฏิ ยกกำลัง 20
    การนับอสงไขยให้เทียบเอาดังนี้
    สิบ สิบหน เป็น หนึ่งร้อย
    สิบร้อย เป็น หนึ่งพัน
    สิบพัน เป็นหนึ่งหมื่น
    สิบหมื่น เป็น หนึ่งแสน
    ร้อยแสน เป็นหนึ่งโกฏิ
    ร้อยแสนโกฏิ เป็น หนี่งปโกฏิ
    ร้อยแสนปโกฏิ เป็น หนึ่งโกฏิปโกฏิ
    ร้อยแสนโกฏิปโกฏิ เป็น หนึ่งนหุต
    ร้อยแสนนหุต เป็น หนึ่งนินนหุต
    ร้อยแสนนินนหุต เป็น หนึ่งอักโขเภนี
    ร้อยแสนอักโขเภนี เป็น หนึ่งพินทุ
    ร้อยแสนพินทุ เป็น หนึ่งอพุทะ
    ร้อยแสนอพุทะ เป็น หนึ่งนิระพุทะ
    ร้อยแสนนิระพุทะ เป็น หนึ่งอหหะ
    ร้อยแสนอหหะ เป็น หนึ่งอพพะ
    ร้อยแสนอพพะ เป็น หนึ่งอฏฏะ
    ร้อยแสนอฏฏะ เป็น หนึ่งโสคันธิกะ
    ร้อยแสนโสคันธิกะ เป็น หนึ่งอุปละ
    ร้อยแสนอุปละ เป็น หนึ่งกมุทะ
    ร้อยแสนกมุทะ เป็น ปทุมะ
    ร้อยแสนปทุมะ เป็น หนึ่งปุณฑริกะ
    ร้อยแสนปุณฑริกะ เป็นหนึ่งอกถาน
    ร้อยแสนอกถาน เป็น หนึ่งมหากถาน
    ร้อยแสนมหากถาน เป็น หนึ่งอสงไขย
    แก้ไขครั้งสุดท้ายโดย pcalibration; 31-08-2010 at 07:59.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •