กำลังแสดงผล 1 ถึง 10 จากทั้งหมด 10

หัวข้อ: ......เป็นแฮงใจคนไกลบ้าน.......

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    ......เป็นแฮงใจคนไกลบ้าน.......


    เป็นแฮงใจคนไกลบ้าน ถิ่มเฮือนซานคนพรากถิ่น หนีจากดินเคยอยู่เย้า ได้ความเศร้าเป็นหมู่เฮียง
    ได้ยินเสียงหมอลำจ้าว เสียงแคนห่าวใจไหวหวั่น ใจรำพันคิดฮอดบ้าน ดนนานมื้อที่ห่างเฮือน
    บ่เคยเลือนจากใจได้ ลมพัดไหวคิดฮอดท่ง คิดฮอดลงนาเกี่ยวเข้า เอาปลาข่อนต้อนและไซ
    ที่พักใจยามเมื่อยล้า ขออาศัยบ้านมหา หม่องพบพาคนไกลถิ่น มาจากดินอิสานเค้า ได้มาเข้าเป็นหมู่กัน พี่น้องเอ๊ย

    ขออนุญาตเชิญ ท่านศรีเวฬุคามมุนี มาซ่อยต่อ ซ่อยต้อนให้แน่เด้อท่าน กับท่านปรมาจารย์อื่น ๆ เป็นกำลังใจ ให้คนไกลบ้าน ทางบ้านเฮาแน่ครับผม ขอบคุณหลายๆ ครับ

    เขียนมาเพิ่มเติมให้อ่านครับผม จักสิวางไว้หม่องได๋เนาะ เขียนใหม่ พี่น้องบอกว่า เรียงกันไว้แน่ ลังคนกะว่า เอาไปต่อของเก่าพะนะ ผมกะจักสิเอไปไว้หมอ่งได๋ดอก กะเลยเอาไปกองไว้สองหม่องเด้อ เอามาเพิ่มของใหม่ กับ เอาไปต่อ ผู้อื่นไว้ซะเนาะ ฮ่า ๆ ๆ ขอบคุณสำหรับ คำติชม ทุกท่าน ทุกคนเด้อครับ


    คิดเห็นเด๊-แกงหน่อไม้ ซาวเด็ดไส่-ยอดผักหวาน ฝานบักบวบ-ลงไปนำ พร้อมแจ่วตำ-แมงดาด้วย

    แกงฮ้อนฮ้อน-ตักลงถ้วย ฉวยข้าวเหนียว-หนึ่งสุกไหม่ ปั้นเป็นไอ-ข้าวกะฮ้อน เฮ็ดเป็นก้อน-จ้ำแจ่วตาม

    มื้อได๋ยาม-สิพ้อหน้า กินฮ่วมพา-พ่อกับแม่ คิดฮอดเจ้า-สองเฒ่าแท้ ฝีมือแม่-แม่นมักหลาย

    ยังคิดพ้อ-น้องและอ้าย เคยร่วมบ่าย-ข้าวกับปลา อยู่เถียงนา-ห่มสะแบง ฮอดยามแลง-ไปหลกกล้า

    ได้กินปลา-ยามฝนเข้า กินลาบเทา-ยามฝนอ่วย ฮอดยามเสียง-สะนูด้วย ลมพัดย้วย-กะแม่นหนาว

    ดอกสีขาว-กะยอมขึ้น หอมสดชื่น-ทางตีนดง ชวนกันลง-ไปเคาะข้าว เฮาลงแขก-ไปซ่อยงาน

    เหมิดปัดลาน-ข้าวขึ้นเหล้า มาเอาบุญ-กฐินต่อ เฮ็ดขนม-ต้มเป็นหม้อ พอห่อตุ้ม-กะแม่นตอง

    ยังคิดเห็น-เด้อพี่น้อง ผู้ไปท่อง-อยู่ทางไกล เป็นจั่งได๋-อย่าเหมิดแฮง อยากส่งแรง-ใจไปช่วย

    คิดเห็นนา-คิดเห็นห้วย คิดเห็นควาย-กับเฮือนเก่า เคยไส่บาตร-ยามมื้อเซ้า ก่อนแดดเจ้า-สิป่อนแสง

    ขอเป็นแรง-ทางใจให้ สิแม่นไผ-กะตามซ่าง ยามหัวใจ-เจ้าเวิ้งว้าง ทางบ้านนี้-สิเบิ่งแยง พี่น้องเอย
    (บ้านนี้คือบ้านมหาหนิหล่ะครับ)

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  2. #2
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    8,954
    บล็อก
    9
    8) (t
    เป็นแฮงใจคนไกลบ้าน ถิ่มเฮือนซานคนพรากถิ่น หนีจากดินเคยอยู่เย้า ได้ความเศร้าเป็นหมู่เฮียง
    ได้ยินเสียงหมอลำจ้าว เสียงแคนห่าวใจไหวหวั่น ใจรำพันคิดฮอดบ้าน ดนนานมื้อที่ห่างเฮือน
    บ่เคยเลือนจากใจได้ ลมพัดไหวคิดฮอดท่ง คิดฮอดลงนาเกี่ยวเข้า เอาปลาข่อนต้อนและไซ
    ที่พักใจยามเมื่อยล้า ขออาศัยบ้านมหา หม่องพบพาคนไกลถิ่น มาจากดินอิสานเค้า ได้มาเข้าเป็นหมู่กัน พี่น้องเอ๊ย
    บ้านมหาดอทคอม เว็บไซต์ส่งเสริม ศิลปะ วัฒนธรรมไทย ศิลปิน ความรู้ออนไลน์
    st1: มิตรภาพและรอยยิ้ม กับดีเจคนไกลบ้าน st1:

  3. #3
    แบ่งปันความรู้และประสบการณ์ สัญลักษณ์ของ ศรีเวฬุคามมุนี
    วันที่สมัคร
    Aug 2008
    กระทู้
    64

    เห็นใจคนไกลบ้าน

    นับแต่ออกจากบ้านสถานถิ่นเคยเนาว์ มาตามเงาความฝันมิ่งวิมานอยู่เคียมฟ้า
    ได้จากนาโนนน้อยจากดอยขี่กระต่าย ลาจากความทุกข์ฮ้ายไปตายหน้าบัดฮ่าดี
    ตกมาฮอดบัดนี้หากอิดอ่อนทอนแฮง คิดเห็นแพงสองเขือลูกบ่เมือคืนบ้าน
    ไผสิหลกต้นหว่านหัวหวานให้แม่อ่อม ไผสิยอยกน้อมออมน้ำให้พ่อกิน ฯ

  4. #4
    เป็นกำลังใจให้ทุกคนเด้อคับที่ไกลบ้าน :g:g

    ไกลขอให้ไกลแต่บ้าน ฮั้วไฮนาสวน
    ไกลขอให้ไกลแต่มวลหมู่เฮากับเจ้า
    ส่วนว่าวาจาเว้า สองคนเฮาอย่าสิได้ห่าง
    ต่างคนแม่นสิอยู่ต่างบ้าน ความเว้าอย่าห่างกัน........
    ...เปรียบแม่เช่น โคมทองของชีวิต

    ช่วยชี้ทิศ ช่วยนำทาง ช่วยสร้างสรรค์

    ให้ความรัก ให้ความรู้ ชูชีวัน

    ลูกจึงมั่นกตัญญูบูชาคุณ..........เพื่อแม่ แพ้บ่ได้

  5. #5
    ศิลปิน นักร้อง นักแสดง สัญลักษณ์ของ ไอ้เก่ง คนเลย
    วันที่สมัคร
    Feb 2008
    กระทู้
    176
    ม่วนเนาะ...................ม่วนอิหลีครับ

    :g

    :g

    :g

    :g
    ท่องคำว่าทำใจ

  6. #6
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    โพสไว้ทั้งบน ทั้งล่างพี่น้องเอ๊ย จักสิว่าแนวได๋ เอาใจคนอ่าน ฮ่า ๆ ๆ

    เขียนมาเพิ่มเติมให้อ่านครับผม จักสิวางไว้หม่องได๋เนาะ เขียนใหม่ พี่น้องบอกว่า เรียงกันไว้แน่ ลังคนกะว่า เอาไปต่อของเก่าพะนะ ผมกะจักสิเอไปไว้หมอ่งได๋ดอก กะเลยเอาไปกองไว้สองหม่องเด้อ เอามาเพิ่มของใหม่ กับ เอาไปต่อ ผู้อื่นไว้ซะเนาะ ฮ่า ๆ ๆ ขอบคุณสำหรับ คำติชม ทุกท่าน ทุกคนเด้อครับ


    คิดเห็นเด๊-แกงหน่อไม้ ซาวเด็ดไส่-ยอดผักหวาน ฝานบักบวบ-ลงไปนำ พร้อมแจ่วตำ-แมงดาด้วย

    แกงฮ้อนฮ้อน-ตักลงถ้วย ฉวยข้าวเหนียว-หนึ่งสุกไหม่ ปั้นเป็นไอ-ข้าวกะฮ้อน เฮ็ดเป็นก้อน-จ้ำแจ่วตาม

    มื้อได๋ยาม-สิพ้อหน้า กินฮ่วมพา-พ่อกับแม่ คิดฮอดเจ้า-สองเฒ่าแท้ ฝีมือแม่-แม่นมักหลาย

    ยังคิดพ้อ-น้องและอ้าย เคยร่วมบ่าย-ข้าวกับปลา อยู่เถียงนา-ห่มสะแบง ฮอดยามแลง-ไปหลกกล้า

    ได้กินปลา-ยามฝนเข้า กินลาบเทา-ยามฝนอ่วย ฮอดยามเสียง-สะนูด้วย ลมพัดย้วย-กะแม่นหนาว

    ดอกสีขาว-กะยอมขึ้น หอมสดชื่น-ทางตีนดง ชวนกันลง-ไปเคาะข้าว เฮาลงแขก-ไปซ่อยงาน

    เหมิดปัดลาน-ข้าวขึ้นเหล้า มาเอาบุญ-กฐินต่อ เฮ็ดขนม-ต้มเป็นหม้อ พอห่อตุ้ม-กะแม่นตอง

    ยังคิดเห็น-เด้อพี่น้อง ผู้ไปท่อง-อยู่ทางไกล เป็นจั่งได๋-อย่าเหมิดแฮง อยากส่งแรง-ใจไปช่วย

    คิดเห็นนา-คิดเห็นห้วย คิดเห็นควาย-กับเฮือนเก่า เคยไส่บาตร-ยามมื้อเซ้า ก่อนแดดเจ้า-สิป่อนแสง

    ขอเป็นแรง-ทางใจให้ สิแม่นไผ-กะตามซ่าง ยามหัวใจ-เจ้าเวิ้งว้าง ทางบ้านนี้-สิเบิ่งแยง พี่น้องเอย
    (บ้านนี้คือบ้านมหาหนิหล่ะครับ)

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    บู๊ยย เพิ่นคือสิคึดออดบ้านแฮงอยู่ดอก เบิ่งผญาพรรณาเพิ่นแมะสุดยอดอาว สุดยอด บรรยายจนเห็นภาพถ่วยแจ่วเลยเนาะ เว้ามาน้ำลายไหล


    คึดพ้อตอนเคยจ้ำแมงละงำandแมงอีด
    ขั่วจี่หลีดจี่หล่อน้อย หมากหอยจี้ตี่ฝา
    หมากหอยนากับตำส่ม เลาะหางมเอานำท่ง
    กะแยงป่งสอดก้าน เครือเกี้ยวอยู่แจ
    นำคันแทหญ่าเขียวอั้ว ผักลืมผัวดอกแหล่ก่ำ
    กินกับตำหมากหุ่งน้อย กับทั้งก้อยแม่มดแดง
    ถึงยามแลงจะนาฮ้อง แอะแอแอ๊กแอ๊ก
    หมกปลาแดกใส่ถ่วย ตองกล้วยห่อไฟ
    หม่อเข่าหนึ่งตั้งไว้ ฟืนใส่ให้มันหม
    สุกพอดีมือโจม ส่ายคนอายฮ้อน
    ตาออนซอนวิถีเค้า อีสานเฮาตั้งแต่ก่อน
    ฝากเป็นกลอนกล่าวอ้าง วางไว้ให้คึดนำ แหน่ถอน


    หอยจี้(หอยกาบ) ตี่(แบะ,แงะออก) จะนา(เขียดจะนา) หม(ระอุ) โจม(ยก) ส่าย(พลิก,ทำให้กระจายออก) อาย(ควันไอ)
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  8. #8
    ร่วมถ่ายทอดความรู้สู่สังคม สัญลักษณ์ของ หลานพระรถ
    วันที่สมัคร
    Aug 2008
    ที่อยู่
    เมืองพระรถธานี, ชลบุรี
    กระทู้
    343
    อ๊ะหึยยยยย...อารมณ์ผู้คิดฮอดบ้านเป็นแนวนี่เน๊าะ
    คือคิดฮอดแต่แนวอยู่แนวกินคัก...
    หลานพระรถอยู่ใกล้บ้าน กะขอเป็นแรงใจให้ผู้อยู่ไกลบ้าน
    ทุกๆ คนนะคะ
    รักษาสุขภาพกายให้ดี รักษาสุขภาพจิตให้เข้มแข็ง
    ยามเหนื่อยล้าก็ยิ้มเป็นกำลังใจให้กับตัวเอง
    แล้วพลังนั้น จะช่วยให้สดชื่นขึ้นจ้า...
    สู้ๆๆๆ เด้อค๊า ผู้อยู่ไกลบ้าน...

  9. #9
    หนุ่มลุ่มหนองหาร
    Guest
    ม่วนคัก แฮ่งคึดฮอดบ้านคัก:g

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •