หน้าที่ 10 จากทั้งหมด 10 หน้า หน้าแรกหน้าแรก ... 8910
กำลังแสดงผล 91 ถึง 97 จากทั้งหมด 97

หัวข้อ: คึดฮอดน้อง

Blogger
  1. #91
    คิดฮอดเด้นกเขา เพิ่นเผ้าอ่านคักแน่
    เพิ่นแอบหัวยิ้มแป้ แลน้องเจรจา
    ออกมาเบิ่งก่อนหน้า น้องท่ายุเด้ชาย
    อย่าสุอายหลบหนี ทำลี้ทรงคือแท้
    นั่งหน้าเฮ็ดแท้แล้ อ่านแต่กาพย์จะของ
    ให้เจ้าลองมาดู ต่อยเบิ่งดู่ผญ๋าน้อย


  2. #92
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,710
    บล็อก
    23
    คึดฮอดอ้ายยามบ่ส่งวาจา
    เคยได่ยินคำว่าฮักนางแต่ผู่เดียว
    คือมาปล่อยให้ทางเทียวฮกรากหญ้าแก่น..แท้น้อ
    ส่างบ่หล่ำคึดพ้อ..คำเจ้าเคยเว่าส่ง
    นางผัดหลงคอยถ่า..แต่อ้ายใจตั้งต่อ..ซั่นเด้

  3. #93
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    โอเด้ ความที่คึดฮอดน้อง ได้ยืนส่องแนมทาง
    บ่เคยจางลืมจิต คิดบ่เซาซงแค้น
    อยู่ไกลแดนคนก้ำ ยังคึดนำบ่เว้นหว่าง
    เหลียวแต่ทางจอบพ้อ กอไม้-ไผ่พง
    ใจประสงค์เห็นหน้า เถิงเวลายามเจ้าต่าว
    ฟังแต่ข่าวสืบเรื่อง เคืองฮ้อนบ่อนใจ
    คันแม่นสมนึกได้ อยากเหาะเสิ่นบินบน
    พอได้นำหาคน ผู้ฮักแพงไกลกว้าง
    ทะเลหลวงสิหมายข้าม ดงนาทามสิหมายใส่
    ฮกป่าไฮไกลป่าแต้ สิแวน้องบ่ท่องหนี แท้แหลว

  4. #94
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8
    คำแพงเอ้ย

    คำที่อ้ายเคยเว่า สองเฮายังคิดต่อ
    ว่าสิมาพบพ้อ พอสอเอื้อนสิอวยคืน
    บ่อยากขืนขัดข้องหมองใจอ้ายสิห่าง
    เป็นลายต่างจางไปจ้อย บักหอยไข้บ่เอ่ยคำ น่อ อ้ายข้อยเอ้ย

  5. #95
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,710
    บล็อก
    23
    คึดฮอดอ้ายยามบ่ม่ายมาหา
    บ่อห่างเพียงท้องฟ้าใจอ้ายกะห่างนำ
    บาดแต่ทางฝ่ายก้ำทางน้องหลงคองคอย
    วาสนานางน้อย..หลงคอยถ่ากะเปล่าดาย..น้ออ้าย

  6. #96
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    โอเด...อ้ายหากคิดฮอดน้องยามเมื่อลมหนาว
    แนมหมู่ดาวเดือนแสงหุ้มเฮียงพระจันทร์เกิ้ง
    เวฬุไหวไกวเนิ้งยามลมตีสีกิ่ง
    สุดคะนิงห่วงน้องวาโยต้องสะเหม่นกาย
    คึดฮอดหลายอยากเห็นหน้าจารจาเว้าปาก
    เทียวแต่ฝากกล่าวต้านสารน้อยอ่อยคำ นี้แหลว


    หมายเหตุ เกิ้ง : พระจันทร์ ,วงรัศมี/เวฬุ : ไม้ไผ่/จารจา : เจรจา/สาร : จดหมาย,หนังสือ
    แก้ไขครั้งสุดท้ายโดย ศรีสะท้าน; 15-12-2011 at 15:56.

  7. #97
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,710
    บล็อก
    23



    น้องนี่คิดฮอดอ้ายยามเพ็ญหงายเดือนส่อง
    ไกลกันเพียงหอห้องแต่ใจน้องบ่ห่างลา
    ดนปานได๋บ่เห็นหน่าทางใจน้องยังคือเก่า
    ฝากเพียงเสียงเพลงเว่า "แทนใจ"น้องแน่เด้อ..อ้ายเอ้ย




    ลิขสิทธิ์บน YouTube Credit By : https://www.youtube.com/watch?v=e561cZY2yC8



กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •