กำลังแสดงผล 1 ถึง 10 จากทั้งหมด 10

หัวข้อ: ......ลืมเขาได้ บอกอ้ายแน่เด้อ ........

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ......ลืมเขาได้ บอกอ้ายแน่เด้อ ........

    อย่าสุเฮ็ดเป็นปากแข็ง หรือสิแกล้งบ่เสียใจ แนมเบิ่งไปอ้ายกะฮู้ ว่าผู้นั้นเจ้าบ่ลืม

    เว้าบ่ซึมว่าบ่เศร้า ไปหลอยเหงาน้ำตาเหี่ย อ้ายบ่เชื่อดอกเด้อหล่า แนมตาเจ้ากะแม่นเห็น

    อย่าปากเป็นหลายเด้อเจ้า บอกว่าเซาหัวซาเพิ่น ทรงทำเมินเฮ็ดหลอกล่อ ใจเจ้าจ้อถ้าแล่นวน

    คิดเหลือตนคักเอาฮ้าย เห็นใจหลายคอยเป็นห่วง สิไปทวงคืนให้เจ้า จักสิเว้าว่าจั่งได๋

    คิดเห็นไผบ่น้อหล่า คอยเว้าจาถ่าเป็นหมู่ ไคแต่ยู้ปัดแขนอ้าย เจ้าส่ายหน้าแล้วย่างหนี

    เฮ็ดวิธีได๋น้อหล่า ซ่อยดำนาพอเป็นแน่ เรื่องเหลียวแลปรอบใจเจ้า จักสิเว้าว่าจั่งได๋

    พออยากไปเป็นน้ำล้าง หว่างหัวใจเจ้าเปื้อนหม่น ดีแต่ทนเป็นหมู่เศร้า กับเทียวเว้าว่าเฮ็ดใจ

    ขอฝากคำรำพันไว้ ว่าเต็มใจมาแทนที่ เป็นคนมีฮักให้เจ้า ไผสิเว้ากะซ่างตาม

    ขอพยายามลืมให้ได้ พักหัวใจมื้อล้าหล่อย อ้ายสิคอยถ้าเบิ่งเจ้า ลืมเขาได้ บอกอ้ายแน่เด้อ....


    ....... อ่านแล้วกะคือบ่โดนแหม๋ ไผว่าจั่งได๋กะพิจารณาซ่อยแน่เด้อครับ.......................
    ....... แต่งทิ่มไว้หลายโพด สิทยอยลงมาให้อ่านเล่นเรื่อย ๆ ครับผม อันได๋บ่ม่วนกะทนเอา ฮ่า ๆ ๆ ..........


  2. #2
    โอ้ยยยยย....ตำใจแฮงอ้ายบ่าวโจ่โล่ อยากแต่งเป็น ม่วนๆคืออ้ายเด้ มาปึกแท้น้อผู้ข้า....

  3. #3
    เขาท่าอยู่ดอกอ้าย ลืมเขาใด่บอกอ้ายแน่ซึงอยู่อ้าย:g:g:g อยากแต่งเป็นนำเด่น้อ

  4. #4
    สาวเมืองชล
    Guest
    คือมาถูกใจหลานแท้ล่ะอ้าย

  5. #5
    คนเมืองน้ำดำ
    Guest
    .....................................
    ชีวิต...น้อ...
    ฮั่นลืมเขาได้อีหลีกะบอกข่อยนำแน่เด้อ!!!!!!!อิอิ

  6. #6
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,197
    บล็อก
    3
    คั๊ก ๆๆ อ้าย ไว้ ให่ มีรมณ์ กวี กั่วนิ สิมาต่อนำอ้ายอยู่ดอก
    .
    .
    ลืมเขาได้แล้ว อะ เฮ็ดจะได๋ .... บอกอ้ายโจ่ นิละ (t (t (t

  7. #7
    Maximum learning
    ศิลปิน นักเขียน
    สัญลักษณ์ของ khonsurin
    วันที่สมัคร
    Apr 2008
    ที่อยู่
    ท่าตูม สุรินทร์
    กระทู้
    9,605
    บล็อก
    197
    จังได๋ ถูกใจคักแท้น้อ

  8. #8
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ขอขอบคุณสำหรับแรงใจ

    ขอขอบคุณ สำหรับการให้คำขอบคุณเด้อครับ เป็นกำลังใจให้คนเขียนนำยุดอก พอได้คิดต่อว่า สิเขียนหยังแต่ ผมอ่านเบิ่งแล้ว คือสิแม่นกลอนลำเนาะ คือสิบ่แม่นลาย ผญา นำพี่น้องเผิ่นดอกครับ ฮ่า ๆ ๆ ๆ
    ::) ::) ::)

  9. #9
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    สุดยอดแล้วอาว อาว ๆ ข้อยคึดออกแล้ว เฮาเอากลอนนี้หละไปลำขอข้าวทางอุบล แล้วกะเลยไป ทางน้ำโสมอุดรธานี แต่ว่าบ่แวเด้อกะสิน ข้อยอยากอาย เดียวอีนางไก่มันท้วงแล้วเอาไปเว้าพื้นอีก อิ อิ

  10. #10
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    อย่าสุไปเถาะหมอ ทาง น้ำโสมคะเจ้าบ่เฮ็ดไฮ่เฮ็ดนาตั้ว
    เพิ่นพากันเฮ็ด เหมืองแร่ เหมืองเพชร เหมืองพลอย ตั้วหมอ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •