หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 11

หัวข้อ: .....โสดบ่พออย่ามาหล่อให้มัก.....

  1. #1
    แบ่งปันความรู้และประสบการณ์
    วันที่สมัคร
    May 2007
    กระทู้
    184

    .....โสดบ่พออย่ามาหล่อให้มัก.....


    อย่ามาแซวหลายเด้ออ้าย โสดบ่หลายล่อให้มัก พราดเสียหลักหลงฮักอ้าย จักสิย้ายไปอยู่ไส

    ทิ่มแต่คำ หวานเอาไว้ ฝากหัวใจมื้อร้อยเทื่อ เก่งเอาเหลือคำหลอกล่อ ขอโอกาสแล้วบ่เป็น

    เหลียวบ่เห็นกะว่าเศร้า เดี๋ยวว่าเหงาอ้ายขาดคู่ ไผสิฮู้นำน้ออ้าย เสี่ยงดีฮ้ายเรื่องสั่วนโต

    เอาใจโชว์หลายคำออ้น เฮ็ดวิงวอนออ้นดีคัก พอหลงมักกะหาโม้ โชว์อวดเพื่อนไปเกลื่อนเมือง

    กว่าเจ้าของสิฮู้เรื่อง เคืองหลายคักมักแฟนเขา สิโทษไผได้นอเฮา สิแม่นเยาถ่อนตั๊วอ้าย

    โสดบ่หลายเปอร์เซ็นหน่อย ร้อยเปอร์เซ็นจั่งมาแซ่ว จั่งมาแซวขอเตือนไว้ โสดบ่ได้เจ้าอย่ามา

    ย่านเจ็บใจจนเป็นบ้า ย่านเสียหน้าว่าตั๋วง่าย คนขี้ล่ายหากแม่นน้อง เจ็บสิต้องเข้าแล่นตำเด้ออ้ายเอ๊ย


  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    บู๊ยยย ผญาเพิ่นแมะ มาเป็นตาเอาไปเฮ็ดแนวคือข้าวปลูกแท้ ป๊าด ๆ ๆ

    บ่ได้แซวเสียงซร้อง ให้แพรหมองอีหยังดอก
    แต่อยากบอกจั่งซี้ ว่าทางพี้โสดจริง
    โสดมิดคักอิ้งติ้ง บ่ติงต่อยอไผ
    โสดและสดตลอดใบ ป่งเขียวขจีพั้ว
    บ่มีตั๋วแกมเหล่น ใหเธอเหม็นหมางหน่าย
    บ่เคยคึดสิ่งฮ้าย หมายเมี้ยนต่อพะอวน
    มีแต่คึดสิซ้วน พะอวนโอบยอสูง
    คือดังยูงยางดง ป่าพงพันธุ์พร้าว
    ใจพี่ชายแหมห่าว อยากเห็นสาวมาเผยแผ่
    มักสาวแพรแล้วบาดนี้ ศรีสะท้านย้านบ่ยัง เหอ ๆ ๆ คิก ๆ ๆ

  3. #3
    แม่นไผ๋น้อไปหาเว้าหยอกเพิ่นนั้นนะ...อย่าไปหาตั๊วเพิ่นหลาย อ้ายทิด อิอิ อั่นคำว่า โสดมิดคักอิ้งติ้ง มันหมายถึงหยังละคับ :g:g

  4. #4
    ร่วมถ่ายทอดความรู้สู่สังคม สัญลักษณ์ของ หนุ่มน้อยเมืองเพชร
    วันที่สมัคร
    Jun 2008
    กระทู้
    927
    :g แวะเข้ามาอ่านศึกษาคำผญาครับ คล้ายกลอนแปด หรือ กลอนสิบ
    อะไรทำนองนั้น ใช่เปล่าน้อ ฮิฮิ แต่ความหมาย บางคำแปลบ่ ได้คร๊าฟ::)
    รู้สึกว่าแต่งได้ดีทั้งสองท่าน คร๊าฟ อยากฝากตัวเป็นศิษย์ได้บ่น้อ::):g

  5. #5
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    แพรเอ้ย
    บ่ได้มาเว้าเหล่นหากเป็นจริงเหมิดสู่อย่าง
    หลูโตนบ่าวพ่อฮ้างเมียถิ่มปล่อยหนี แน่เหปี๋ยง (แน่เป็นหยัง)
    บ่ได้มาเยาะเย้ยติถะเล่ยคำแถลงตั้วหละคำ
    อ้ายคึดนำพอตายอย่าว่าซายลวงล้อ
    สมหัวใจของอ้ายพออยากตายให้คนซ่า
    ตายนำนาฮ่อมน้อยให้คนเว้ากล่าวขัวญ หล้าเอ้ย

  6. #6
    บ่าวข้าวปั้นน้อย
    Guest

    เฮ้ย......

    ยามตะเว่นคำยห่อย(ย้อย) ลอยลงซู่ปายขาม
    มักซิเกิดคำถามว่ายหาม(ยาม) ใด๋ซิได่คู่
    จั๊กยหาม(ยาม) ใด๋กะบ่ฮู่ยหั่ง(ยัง)หดหู่อยู่ซั่นแหลว...
    อยู่ภูเดียวกะหลายปีแล่วหั่งยหั่ง(ยัง) จั้มแจ่วกับลวกผัก
    อยากซิมีคนฮักมาแกงไก่ไซ่บักฟั๊ก คือซิคัยก่อลวกผักกับจั้มแจ่ว...
    ซาดนี่ซิมีบ่แหลว ย่านแม่นแล่วแลงยห่อนจั้มแจ่วกับหลวกผัก ...คื่อเก่าซั่นดอกหวา...เหอๆๆ

  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    กระทู้ต้นฉบับโดยคุณ หนุ่มน้อยเมืองเพชร
    :g แวะเข้ามาอ่านศึกษาคำผญาครับ คล้ายกลอนแปด หรือ กลอนสิบ
    อะไรทำนองนั้น ใช่เปล่าน้อ ฮิฮิ แต่ความหมาย บางคำแปลบ่ ได้คร๊าฟ::)
    รู้สึกว่าแต่งได้ดีทั้งสองท่าน คร๊าฟ อยากฝากตัวเป็นศิษย์ได้บ่น้อ::):g
    แล้วแต่มักครับ สิเอาแบบกลอนแปด ก็ได้ กลอนสิบก็ได้ แต่งสิบมันสิมีลูกเอื้นได้หลาย หาคำมาใส่ง่าย เหมาะสำหรับหัดใหม่ หรือผู้บ่ทันได้ฮู้ศัพท์หลาย ส่วนแต่งแปด ก็สิยากขึ้น เพราะจำนวนคำพยางค์มันน้อยมันบังคับ ต้องหาคำมาลงให้ลงตัวและได้เอกโทเพื่อเป็นทำนองให้กลอน ต้องฮู้ศัพท์ ภาษเก่าหลายๆ หรือเฮาสิแต่งแบบผสมก็ได้คือกันแล้วแต่ลูกเหล่น สำหรับผมกะบ่ได้เก่งหยังดอก เพียงแต่มักแล้วกะมีโอกาส เวลาให้แหน่ บางกลอนที่เป็นพิธีการก็สิละเอียดตามบังคับเลย แต่ที่เห็นๆส่วนมากที่ผมแต่ง มักสิเป็นกลอนสด แต่งเพื่อโต้ตอบกับสมาชิกเพิ่นที่เข้ามา ซึ่งอาจสิบ่ดี บ่ม่วน ถืกต้องตามบังคับเท่าใด แต่ส่วนตัวผมมักแบบกลอนสด เพราะมันท้าทายดี สนุกตื่นเต้น เป็นการฝึกสมองไปนำ อีกประการหนึ่ง ผมบ่ค่อยมีเวลาหลายพอสำหรับการแต่งกลอนยาวๆหรือละเอียดมากนัก

    (ข้อความด้านบนนี้ เป็นเพียงประสบการณ์และความคิดเห็นส่วนตัวของผู้โพสต์เท่านั้น ไม่ใช่บัญทัดฐานสากลแต่อย่างใด ท่านผู้อ่านโปรดใช้วิจารณญาณในการเชื่อถือ)

  8. #8
    แบ่งปันความรู้และประสบการณ์ สัญลักษณ์ของ กลางทุ่งสารคาม
    วันที่สมัคร
    May 2008
    กระทู้
    126
    ผมยังโสดเด้อครับ .........

  9. #9
    แบ่งปันความรู้และประสบการณ์
    วันที่สมัคร
    May 2007
    กระทู้
    184

    ขอแซวอ้าย ๆ ที่น่ารักแน่ะเด้อจ้ะ


    ขอขอบหลายเด้อจ้า นำควมจามาเว้าต่อ คำยกยอพอกล่าวเว้า ผู้บ่าวเฒ่ามาต่อกลอน (คริ ๆ )

    หลงออนซอนนำคนโสด มีคนโผดกลายเป็นบ่าว เห็นผู้สาวซ่ำน้อย มาออยเว้าเข้าไส่หลาย

    เห็นพี่ชายคนโก้ เผิ่นพาโลเว้านีน่ำ ผู้คิ้วต่ำตัดผมสั้น หน้าผากนั้นจักแม่นหลาย (ลักเป็นบ่าวแม่นบ่จ๊ะลุง โอ๊ะอ้าย)

    ผู้ลางคนชื่อโป่ยก่าย คือหนุ่มหลายแท้น้อพี่ อุ้มเอาตุ๊กกะตาหมี คือดูดีตอนถ่ายภาพ บ่อาจทราบอายุไข (แม่นโสดบ่ได้ตั้งใจบ้ออ้าย สงสัยอ้่ายคนเหงา กับ บ่เฒ่าโป๊ยจ๊ะ คล้าย ๆ กันหรือผู้เดียวกันน้อจ๊ะ)

    บ่าวสารคามน่ารักใคร่ อยู่ทางได๋น้อคุณพี่ แม่นเจ้าโสดอิหลี หรือมาตีคำลวงล่อ พอจาเว้าแล้วผ่านเลย คนโสดทั้งหลายเอย


    ขอแซวอ้าย ๆ ที่น่ารักแน่ะเด้อจ้ะ

    ::)

  10. #10
    somchaimrc
    Guest

    ลองตอบ

    สวัสดรครับลองโพสดูนะครับ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •