.....โสดบ่พออย่ามาหล่อให้มัก.....

[น้องแพรจ้า]

อย่ามาแซวหลายเด้ออ้าย โสดบ่หลายล่อให้มัก พราดเสียหลักหลงฮักอ้าย จักสิย้ายไปอยู่ไส

ทิ่มแต่คำ หวานเอาไว้ ฝากหัวใจมื้อร้อยเทื่อ เก่งเอาเหลือคำหลอกล่อ ขอโอกาสแล้วบ่เป็น

เหลียวบ่เห็นกะว่าเศร้า เดี๋ยวว่าเหงาอ้ายขาดคู่ ไผสิฮู้นำน้ออ้าย เสี่ยงดีฮ้ายเรื่องสั่วนโต

เอาใจโชว์หลายคำออ้น เฮ็ดวิงวอนออ้นดีคัก พอหลงมักกะหาโม้ โชว์อวดเพื่อนไปเกลื่อนเมือง

กว่าเจ้าของสิฮู้เรื่อง เคืองหลายคักมักแฟนเขา สิโทษไผได้นอเฮา สิแม่นเยาถ่อนตั๊วอ้าย

โสดบ่หลายเปอร์เซ็นหน่อย ร้อยเปอร์เซ็นจั่งมาแซ่ว จั่งมาแซวขอเตือนไว้ โสดบ่ได้เจ้าอย่ามา

ย่านเจ็บใจจนเป็นบ้า ย่านเสียหน้าว่าตั๋วง่าย คนขี้ล่ายหากแม่นน้อง เจ็บสิต้องเข้าแล่นตำเด้ออ้ายเอ๊ย

[ศรีสะท้าน]

บู๊ยยย ผญาเพิ่นแมะ มาเป็นตาเอาไปเฮ็ดแนวคือข้าวปลูกแท้ ป๊าด ๆ ๆ

บ่ได้แซวเสียงซร้อง ให้แพรหมองอีหยังดอก
แต่อยากบอกจั่งซี้ ว่าทางพี้โสดจริง
โสดมิดคักอิ้งติ้ง บ่ติงต่อยอไผ
โสดและสดตลอดใบ ป่งเขียวขจีพั้ว
บ่มีตั๋วแกมเหล่น ใหเธอเหม็นหมางหน่าย
บ่เคยคึดสิ่งฮ้าย หมายเมี้ยนต่อพะอวน
มีแต่คึดสิซ้วน พะอวนโอบยอสูง
คือดังยูงยางดง ป่าพงพันธุ์พร้าว
ใจพี่ชายแหมห่าว อยากเห็นสาวมาเผยแผ่
มักสาวแพรแล้วบาดนี้ ศรีสะท้านย้านบ่ยัง เหอ ๆ ๆ คิก ๆ ๆ

[คนเมืองแปะ]

แม่นไผ๋น้อไปหาเว้าหยอกเพิ่นนั้นนะ...อย่าไปหาตั๊วเพิ่นหลาย อ้ายทิด อิอิ อั่นคำว่า โสดมิดคักอิ้งติ้ง มันหมายถึงหยังละคับ :g:g

[หนุ่มน้อยเมืองเพชร]

:g แวะเข้ามาอ่านศึกษาคำผญาครับ คล้ายกลอนแปด หรือ กลอนสิบ
อะไรทำนองนั้น ใช่เปล่าน้อ ฮิฮิ แต่ความหมาย บางคำแปลบ่ ได้คร๊าฟ::)
รู้สึกว่าแต่งได้ดีทั้งสองท่าน คร๊าฟ อยากฝากตัวเป็นศิษย์ได้บ่น้อ::):g

[โป้ยก่าย]

แพรเอ้ย
บ่ได้มาเว้าเหล่นหากเป็นจริงเหมิดสู่อย่าง
หลูโตนบ่าวพ่อฮ้างเมียถิ่มปล่อยหนี แน่เหปี๋ยง (แน่เป็นหยัง)
บ่ได้มาเยาะเย้ยติถะเล่ยคำแถลงตั้วหละคำ
อ้ายคึดนำพอตายอย่าว่าซายลวงล้อ
สมหัวใจของอ้ายพออยากตายให้คนซ่า
ตายนำนาฮ่อมน้อยให้คนเว้ากล่าวขัวญ หล้าเอ้ย

[บ่าวข้าวปั้นน้อย]

ยามตะเว่นคำยห่อย(ย้อย) ลอยลงซู่ปายขาม
มักซิเกิดคำถามว่ายหาม(ยาม) ใด๋ซิได่คู่
จั๊กยหาม(ยาม) ใด๋กะบ่ฮู่ยหั่ง(ยัง)หดหู่อยู่ซั่นแหลว...
อยู่ภูเดียวกะหลายปีแล่วหั่งยหั่ง(ยัง) จั้มแจ่วกับลวกผัก
อยากซิมีคนฮักมาแกงไก่ไซ่บักฟั๊ก คือซิคัยก่อลวกผักกับจั้มแจ่ว...
ซาดนี่ซิมีบ่แหลว ย่านแม่นแล่วแลงยห่อนจั้มแจ่วกับหลวกผัก ...คื่อเก่าซั่นดอกหวา...เหอๆๆ

[ศรีสะท้าน]

:g แวะเข้ามาอ่านศึกษาคำผญาครับ คล้ายกลอนแปด หรือ กลอนสิบ
อะไรทำนองนั้น ใช่เปล่าน้อ ฮิฮิ แต่ความหมาย บางคำแปลบ่ ได้คร๊าฟ::)
รู้สึกว่าแต่งได้ดีทั้งสองท่าน คร๊าฟ อยากฝากตัวเป็นศิษย์ได้บ่น้อ::):g

แล้วแต่มักครับ สิเอาแบบกลอนแปด ก็ได้ กลอนสิบก็ได้ แต่งสิบมันสิมีลูกเอื้นได้หลาย หาคำมาใส่ง่าย เหมาะสำหรับหัดใหม่ หรือผู้บ่ทันได้ฮู้ศัพท์หลาย ส่วนแต่งแปด ก็สิยากขึ้น เพราะจำนวนคำพยางค์มันน้อยมันบังคับ ต้องหาคำมาลงให้ลงตัวและได้เอกโทเพื่อเป็นทำนองให้กลอน ต้องฮู้ศัพท์ ภาษเก่าหลายๆ หรือเฮาสิแต่งแบบผสมก็ได้คือกันแล้วแต่ลูกเหล่น สำหรับผมกะบ่ได้เก่งหยังดอก เพียงแต่มักแล้วกะมีโอกาส เวลาให้แหน่ บางกลอนที่เป็นพิธีการก็สิละเอียดตามบังคับเลย แต่ที่เห็นๆส่วนมากที่ผมแต่ง มักสิเป็นกลอนสด แต่งเพื่อโต้ตอบกับสมาชิกเพิ่นที่เข้ามา ซึ่งอาจสิบ่ดี บ่ม่วน ถืกต้องตามบังคับเท่าใด แต่ส่วนตัวผมมักแบบกลอนสด เพราะมันท้าทายดี สนุกตื่นเต้น เป็นการฝึกสมองไปนำ อีกประการหนึ่ง ผมบ่ค่อยมีเวลาหลายพอสำหรับการแต่งกลอนยาวๆหรือละเอียดมากนัก

(ข้อความด้านบนนี้ เป็นเพียงประสบการณ์และความคิดเห็นส่วนตัวของผู้โพสต์เท่านั้น ไม่ใช่บัญทัดฐานสากลแต่อย่างใด ท่านผู้อ่านโปรดใช้วิจารณญาณในการเชื่อถือ)

[กลางทุ่งสารคาม]

ผมยังโสดเด้อครับ .........

[น้องแพรจ้า]

ขอขอบหลายเด้อจ้า นำควมจามาเว้าต่อ คำยกยอพอกล่าวเว้า ผู้บ่าวเฒ่ามาต่อกลอน (คริ ๆ )

หลงออนซอนนำคนโสด มีคนโผดกลายเป็นบ่าว เห็นผู้สาวซ่ำน้อย มาออยเว้าเข้าไส่หลาย

เห็นพี่ชายคนโก้ เผิ่นพาโลเว้านีน่ำ ผู้คิ้วต่ำตัดผมสั้น หน้าผากนั้นจักแม่นหลาย (ลักเป็นบ่าวแม่นบ่จ๊ะลุง โอ๊ะอ้าย)

ผู้ลางคนชื่อโป่ยก่าย คือหนุ่มหลายแท้น้อพี่ อุ้มเอาตุ๊กกะตาหมี คือดูดีตอนถ่ายภาพ บ่อาจทราบอายุไข (แม่นโสดบ่ได้ตั้งใจบ้ออ้าย สงสัยอ้่ายคนเหงา กับ บ่เฒ่าโป๊ยจ๊ะ คล้าย ๆ กันหรือผู้เดียวกันน้อจ๊ะ)

บ่าวสารคามน่ารักใคร่ อยู่ทางได๋น้อคุณพี่ แม่นเจ้าโสดอิหลี หรือมาตีคำลวงล่อ พอจาเว้าแล้วผ่านเลย คนโสดทั้งหลายเอย


ขอแซวอ้าย ๆ ที่น่ารักแน่ะเด้อจ้ะ

::)

[somchaimrc]

สวัสดรครับลองโพสดูนะครับ