หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

หัวข้อ: .....มื้อได๋เหงาจั่งเว้านำ...(น้อยใจ)......

  1. #1
    แบ่งปันความรู้และประสบการณ์
    วันที่สมัคร
    May 2007
    กระทู้
    181

    .....มื้อได๋เหงาจั่งเว้านำ...(น้อยใจ)......


    .....มื้อได๋เหงาจั่งเว้านำ...(น้อยใจ)......อ่านแบบว่าเศร้า ๆ ให้แน่เด้อจ๊ะ

    มื้อได๋เหงาถ่อนตั๊วอ้าย คิดเห็นง่ายแท้น้อเบอร์ แล้วทำเผลอกดมาหา คำเว้าจาว่าเหงาฮ่าย

    แล้วกะหายเป็นเดือนจ้อย ได้แต่คอยถ้าคุณพี่ คิดเบิ่งตี้ผู้ถ้าเว้า น้อยใจเข้ากะว่ากัน

    บางคืนวันคิดเห็นอ้าย ยิงเบอร์ไปเงียบมิดหมี่ ฮอดบ่มีกดมาจ้อย คอยถ้าเว้าจนว่าเซ็ง

    โทษเด้อเกรงใจเด๊อ้าย หยุดมื้อได๋บ่มีข่าว สิมีคราวได้เห็นหน้า เบิ่งตาอ้ายแน่บ่น้อ

    เบอร์ขึ้นจอมื้ออ้ายว่าง ดีใจพลางน้ำตาหล่น ปนน้อยใจอยู่เด้อจ้า อยากฮู้ว่าอ้ายคิดหยัง

    สิได้ฟังคำได๋ฮ่าย เว้าทักทายเข้ามาไส่ ฟังเพลงไปก่อนเด้อเจ้า ริงโทนเศร้าบอกทดแทน

    ได้เป็นแฟนกับความเศร้า กับเหงาอ้ายคิดเบิ่ง เว้าคิดเถิง(คิดถึง)เป็นแน่อ้าย เบื่อเอาฮ้ายบอกว่าเหงาาาาา


    ขอขอบคุณทุกแรงใจที่ส่งหา และคำวิพากษ์วิจารย์หลาย ๆ เด้อจ้ะ ยินดีน้อมรับทุกข้อความคิดเห็นค่ะ

  2. #2
    ร่วมถ่ายทอดความรู้สู่สังคม สัญลักษณ์ของ หนุ่มลำซี
    วันที่สมัคร
    Jun 2008
    ที่อยู่
    เมืองปลาเค็ม
    กระทู้
    585
    เป็นกำลังใจไห่เด้อครับ 8)

  3. #3
    ศึกษาหาความรู้ สัญลักษณ์ของ บ่าวขาดำ
    วันที่สมัคร
    May 2008
    กระทู้
    44
    น้องแพรจ๋า น้องแพรจ้า
    ความคิดฮอดกว่าแผ่นฟ้า ความห่วงหากว่าท้องสมุทร
    แต่มันสุดหาทางแก้ แม้แต่น้อย คอยอ่อนใจ
    คิดฮอดหลายอยากโทรหากะบ่ ได้ คิดฮอดหลายบ่จักคำอยู่
    คิดฮอดหลายกว่าหมู่ อิดฮ้อดหลายจนสิเป็นบ้า
    อยากโทรหา แต่ บ่มีเงินเติม ตั้วหละน้องเอ๋ย น้องเอ้ย::)::)::):g

  4. #4
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    ว้ายยยยย กรี๊ดดดดดดดดดดดดดด ป๊าดดดด มหัศจรรย์พันลึก :g

  5. #5
    ดูแลตรวจสอบเนื้อหา สัญลักษณ์ของ ฝนหลวง
    วันที่สมัคร
    Feb 2008
    กระทู้
    1,235
    มักเด้ขอยืมไปไซ่แนเด้อคับน้องแพร:g:g

  6. #6
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    ฟังเด้อหล้าแพรวาอ้ายขอบอก
    ออกจากใจสี่ห้องของอ้ายผู้อยู่ไกล
    ซั่วสิโทรหาได้อ้ายหากเมื่อยพอตาย
    สายสัญญาณมันเหมิดขีดบ่พอโทรได้
    อาศัยโพนต้นไม้กกหมากโกเป็นที่เพิ่ง
    หัวคันไดก่ายขึ้นสัญญาณคลื่นจั่งค่อยมี
    มันหากเป็นจั้งซี้โดนเทื่อจั้งโทรหา ตั้วหละคำ
    เป็นนำสายสัญญาณคลื่นบ่เถิงดอกเด้อน้อง
    คันสิครองคอยถ้ายามโทรหามันแสนยาก
    รำบากหลายเด้อนาดน้องมดแดงคั้นจู่โจม
    กกหมากยมเถียงนาน้อยงอยหนองปลาหากมีอยู่
    ข้างคันคูนาไฮ่น้อยบ่มีหมั่นง่าบ่แข็ง นางเอ้ย
    จงเอาชนะในความยาก มิฉะนั้นความยากจะชนะท่าน

  7. #7
    แบ่งปันความรู้และประสบการณ์
    วันที่สมัคร
    May 2007
    กระทู้
    181



    งานหลายคักแท้บ้อจ๊า บ่โทรมาหาคือเก่า ลืมน้องสาวคนผู้เค้า คนเคยเว้าหยอกบ่น้อ

    เมื่อคืนนอนได้ฝันพ้อ แนวได๋น้อคิดเป็นห่วง จั่งได้ทวงมาถามเว้า บ่โทรเข้ามาส่งเสียง

    หวังแค่เพียงอยากถามพี่ ซำบายดีอยู่หรือบ่ มื้อห่างไกลบ่ได้พ้อ ขอให้ฮู้ว่าคิดถึง

    ยามหยิบดึงเอาเสื้อ เฟือห่มกายหมายพออุ่น หมู่ได้ซูนแซวส่อ ไผเด๊น้อซื้อฝากกัน

    เสื้อของขัวญเธอคนนั้น เป็นหยังกันบ่ส่งข่าว มือหยิบซาวมือถือไว้ ไผคนนั้นเบอร์บ่เห็น

    หากเบอร์โทรเจ้าห่างเว้น อย่าเป็นห่างเด้อทางใจ คนทางไกลยังห่วงหา ถ้าแฮงใจอยู่เด้ออ้ายยยยย


    ::)

  8. #8
    Maximum learning
    ศิลปิน นักเขียน
    สัญลักษณ์ของ khonsurin
    วันที่สมัคร
    Apr 2008
    ที่อยู่
    ท่าตูม สุรินทร์
    กระทู้
    8,063
    บล็อก
    197
    ชอบมากค่ะ เพราะจังเลยจ้า

  9. #9
    แบ่งปันความรู้และประสบการณ์ สัญลักษณ์ของ บักหล่าลูกกก
    วันที่สมัคร
    Oct 2008
    กระทู้
    158
    โอ้ย น้อ....
    แนวความคึดฮอดนั่น ปันแปดพูดกะยังเหลือ เรือจักรีฯขนแล้ว ซาวรอบยังเหลือพัน
    ทนบ่ไหวคักนั่น จั่งมือสั่นกดเบอร์มา คำคึดฮอดคึดไว้ มันประหม่าจนคอตัน ซ่ำแหล้ววววว
    พลันปากไวพลั้งเว่า โอ๊ะ ๆ ... ว่ากดเบอร์ผิด สั่นแหล้ว......
    บัดสิเว่าไปต่อ กะตันทิ่มซือ ๆ ซ่ำน้อ...

    เลยได้กดวางสายทิ่มซือ ๆ

    ซำได้ยินเสียง ฮะโหลซือ ๆ กะมีแฮงเดะเดียวนิ่... :-x

  10. #10
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    มื้อใดคึดคล้อยๆ หน่อยหนึ่งบ่มีไผ
    เพิ่นจั่งไขวาจา ฝากมาหาอ้าย
    คึดฮอดหลายคำจาเว้า อ้ายคงเหงาน้องเป็นห่วง
    คำเพิ่นลวงหล่ายเว้า ยามเศร่าจั่งเอ่ยมา
    อ้ายเป็นดั่งกะซ้า ที่เทถอกกระโถนถม
    หินศิลาในตม ที่เพิ่นงมขึ้นมาตั้ง
    ฐาปนังขึ้นเป็นเส่า กองฟืนเผามาสุมใส่
    พอข้าวสุกหนึ่งได้ กะไลล้างห่างหนี แท้นา


    กะซ้า(กะช้า,ภาชนะใส่ของ)/ถอก(รินออก,เทออก)/ฐาปนัง(ก่อตั้ง)/เส่า(เส้า,ก้อนเส้า)
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •