หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

หัวข้อ: +คึดนำอ้าย..ยามคืนเดือนหงาย+

  1. #1
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23

    ดูวีดีโอ YouTube ออนไลน์ +คึดนำอ้าย..ยามคืนเดือนหงาย+

    สายลมพัดอิ่งอ้อยลมวอยๆใจไหวสั่น
    อกสิเพสำกันนั่งคะนิงนำอ้าย
    คืนเดือนหงายจันทร์จ้าหัวใจพาอุกอั่ง
    คึดพ้อนำควมหลังคำเคยฟังนำอ้าย
    เคยได่จาปากไว่ว่าอยากนั่งเฮียงสอง
    กอดประคองลูบผมพานั่งซมดวงอิเกิ้ง
    บุญบ่เถิงผลาอ้ายมาแหนงหน่ายห่างไกล
    ได่นั่งจ้องส่องเดือนหงายอ้ายลาไลบ่อได่ข่าว
    ห่วงคะนึงแต่นำเจ้าทุกแลงเซ่ายังจ่มหา..อ้ายเอ้ย

  2. #2
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    นั่งอยู่เถียงนาน้อยงอยนอกซานหยืดคอส่อง
    ได้ยินเสียงฟ้าฮ้องคือเสียงน้องเอิ้นสั่งลา
    มืออ้ายคัวเอาผ้าแพวามาตุ้มห่ม
    ยามหัวลมพัดต้องหนาวเนื้อสะเม่นคีง
    เถียงกะเถียงนาฮ่างฝนตกมาหลังคาฮั่ว
    ฝาบ่มีสิแอ้มบ่มีหม่องบ่อนนอน นางเอ้ย
    จงเอาชนะในความยาก มิฉะนั้นความยากจะชนะท่าน

  3. #3
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,229
    บล็อก
    5

    เรื่องฮิตน่าอ่าน

    อ้างถึง "..เคยได่จาปากไว่ว่าอยากนั่งเฮียงสอง
    .............กอดประคองลูบผมพานั่งซมดวงอิเกิ้ง..."


    ***************************************


    ป้าดด...สุดยอดแท้น้อท่านจารย์ส้ม...จินตนาการได้ดีคัก..คึดฮอดผู้บ่าวจะของเด้น๊อ..::)

    ต่ายขอเอาไปจ่ายให้ซุม กลุ่ม พระจันทร์ป่วงของต่ายแน่เด้อ..มันเข้ากันพอดีแม๋เอื้อย..
    อัน..กลุ่มพระจันทร์ป่วง ของต่าย..สิพากันนั่งซมอีเกิ้ง..ทุกวันพระจันทร์เต็มดวงตั้ว..
    คือสิได้จ้างจารย์เอื้อย...ไปจ่ายผญาคั่นรายการ...ค่าโตแพงบ่น้อ...ฮ่าๆๆๆ::)
    ม่วนหลายๆจ้า...ต่ายชอบมากๆผญาบทนี้...สุดยอดทั้งจารย์โป้ยจารย์ส้ม...8)

  4. #4
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    139
    สาวส้มป่อยเพิ่นจ่มเล่น คืนเดือนหงายเป็นอุกอั่ง แท้น้อ
    แม่นเป็นหยังคือทรงเศร้า เหงาแท้ต่างแต่หลัง
    คิดเห็นคนเคยนั่ง เฮียงกันเบิ่งจันทร์แจ่ม
    ตกหว่างจันทร์ยามแรม ซ่างมาคิดถวิลโอ้ โอนอน้องเจ้าซ่างเป็น
    แม่นบ่เห็นซายนั้น มาแนมจันทร์กะตามซ่าง เถาะนอนาง
    พี่ยังคอยอยากอยู่สร้าง เฮียงน้องอยู่ซู่วัน
    บ่มีจันทร์คืนนี้ ให้แนมเบิ่งดวงดาว เอาเด้อ
    พอสิพอบรรเทาทุกข์ อุกกะใจลงได้
    .......................................................

    อดเอาเด้อ คันบ่มีไผนั่งเบิ่งนำโทรมาซวนเอาเด้อ สิไปนั่งเฮียงดอกเอื้อย

  5. #5
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,781
    แสงอีเกิ้งพอฮุมฮู่อ้ายนั่งอยู่หม่องกลางเดิ่น
    อกสะเทิ้นใจสะท้อนย้อนคึดนำแต่น้องหล่า
    คึดเห็นแต่นารถน้องน้อยลอยเด่นอยู่ในตา
    คึดเห็นแต่หน้าของเจ้านงเยาว์งามละออ


    บุญบ่สมสร้างฮ่วมพะนางดอกคนโก้
    อ้ายมันคนโสถิ่มหน้าบ่ยิ้มมีแต่งอ
    เคยได่เกาะกอดกุ้มงุมไว่กะบ่พอ
    เคยได่จาจ้อเว้าบอกฮักเจ้าดอกเหลือหลาย

    ควมฮักมาเพฮ่างแตกม่างบ่ฮ่อนดี
    เคยวจีหวานล้ำคึดนำแต่คนไกล
    เหลือแต่ควมโศกเศร้าควมเหงาเข้ามาไล่
    อุกเด้ใจ อุกอั่งแท้ หาทางแก้กะบ่มี..น้องเอ้ย

    ไม่เข้าถ้ำมอง เหตุไฉนจะได้มอง...http://img198.google.co.th/img198/6016/iinjiisjiisj.gif

  6. #6
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    คึดฮอดอ้ายยามเดือนหงายสาดส่อง ว่านอ
    ย้านแต่มากล่าวย้องยออ้างอวดคำ
    ยามฟ้าดำเดือนแต้มจันทร์แฮมบ่โอ้อ่าว
    บ่ได้ข่าวอีหล้ามันไกลฟ้าห่างสะเทิน
    แสนสิฮ้องเฮียกเอิ้นเกินกว่ากำลังเถิง
    คึดไปมาเฮิงเฮิงได้ฮ่ำหาหวนฮ้อง
    คอยแต่จันโทต้องเติมแสงขึ้นมาส่อง
    ว่าโอนอหนึ่งน้องนางน้อยซ่างบ่เห็น พี่แหลว
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  7. #7
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    ยามไกลแรมห่างหล้าเกินวาจาเอิ้นกล่าว
    อย่าลืมสาวไกลบ้านคนเคยขานเว่าอ่อย
    บ่อแม่นลืมกันจ้อยนางหล่าน้อยคนคอยหา
    อ้ายเคยพาท่องเหล่นเบิ่งตะเวนฟ้าแดง
    ยามฟ้าแจ้งตะแคงลงอ้ายยังคงอยู่เคียงกาย
    บัดฟ้าแห้งเดือนหงายอ้ายบ่ก่ายแม้แต่น้อย
    ปล่อยนางคอยจนหงอยไห้..จำบ่ได่แหล่วน้อ..อ้ายเอ้ย..

  8. #8
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,065
    บล็อก
    3
    เหอะๆๆๆ กะลังคึด นำอ้าย ..(ศรี) อยู่ กะเลย นำมาอ่านไปซั่นละ ::)
    :heart: ไทอุบล คนเมืองนักปราชญ์:heart:

    http://up.how2phin.com/pictures/a46ce89bb69277bd7b1a2f0912d7cb05.gif

  9. #9
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    บู๊ยย คึดนำอ้าย..(ศรี) พะนะ อย่าทำท่า เหอ ๆ ๆ ฮู้เด้อว่า..บ่แม่น อิ อิ

    คึดนำอ้ายชายศรีเว้ามีเงื่อน แท้นอ
    ทำกลบเกลื่อนหยอกเหล่นเป็นแท้บ่แน่จริง
    ไผสิเหลียวหล่ำสิ่งแนวเห็นลิงเป็นค่าง
    เห็นหนูบ่างว่าเก้งกวางไก้ไก่กระทา เหอ เห่ย เจิ๊ด
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  10. #10
    แบ่งปันความรู้และประสบการณ์ สัญลักษณ์ของ Tid Sri
    วันที่สมัคร
    Jul 2007
    กระทู้
    249
    สายลมวอยพัดต้อง ผิวกายอ้ายหนาวสั่น
    นั่งแนมจันทร์อยู่ฟ้า คิดเห็นหน้าอยู่บ่เซา
    คำพี่ชายเคยหยอกเว้า แต่คราวก่อนหนหลัง
    นางสิจำบ่น้อคำ ที่เฮาเคยสัญญาไว้
    คืนเดือนหงายสายตาจ้องน้องบอกพี่บ่ลืมไล
    ถึงสิไกลบ่ลืมกัน ฝากหน่วยจันทร์แทนตาน้อง
    ยามพี่มองขึ้นเทิ่งฟ้า คือสองตาเจ้า จ้องมองพี่
    รอแหน่เด้อคนดี อีกบ่ดนสิต่าวโค้งไปหาน้องผุนั่งคอย

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •