ไปตลาดอีกคือเก่าหละคับพี่น้อง พ้อท้องปลากะพงเป็นตาแซบเลยเอามาต้มส้มต้มยำสั่นดอกคับ เบิ่งเลยคับผม
หั่นปลาเป็นชิ้นเป็นต่อนซะก่อนเนาะคับ เครื่องกะคือทั่วไปหละคับ ข่าตะไคร้ใบบักกรูด บักนาว บักขามเปียกจักหน่อย พริกขี้หนูบุบจักหน่อย และกะอย่าลืมคั่วพริกแห้งไว้ถ่าโฮยหน้าแหน่เด้อ ถ้าใซ้เตาถ่านกะจี่เอากะได้ มันจั่งหอมว่าซั้น
หน้าตาเป็นแบบนี้หละคับ
แจ่วพริกดิบกะคั่วพริกสด หอม กะเทียมคือเก่าหละคับ ปลาทูหอมกะห่อกระดาษฟอยล์ปิ้งเตาแก๊สเอา ย้อนว่าค้านดังไฟเตาถ่าน เห็นปลาทูขาวๆจั่งซั้นสุกอยู่เด้อคับ อย่าเข้าใจผิด อิอิ ตำแจ่วแล้วกะตักไว้ข้างๆปลาทูจั่งซี้หละ ยามจ้ำมันจั่งสิได้จ้ำนำกัน มันจั่งแซบหั่นหนา
แล้วเบิดแล้วกะหาออกมากินได้ มาเด้อพี่น้องคับ มากินข้าวนำกันคับผม 8)
Bookmarks