กำลังแสดงผล 1 ถึง 10 จากทั้งหมด 10

หัวข้อ: กุ้งสะบัดหม้อ

  1. #1
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    1,912

    กุ้งสะบัดหม้อ

    หวัดดีคับพี่น้อง มาอีกแล้ว มื้อนี้หมู่ตะหานน้ำที่ทำงานเก่ามายามคับ เลยเฮ็ดแนวกินไว้ให้หมู่กินนำ เป็นกับแกล้มหั่นหละคับ เบิ่งกันเลยคับ

    กุ้งสะบัดหม้อ
    ซื้อกุ้งมาเลยคับ โตน้อยโตใหญ่กะได้ เอากุ้งแชบ้วยเด้อคับ บ่ควรเอากุ้งกุลาดำ เพราะว่ามันเปลือกแข็ง และกะบ่ควรเป็นกุ้งฝอยเพราะว่าเสียดาย เอาไปก้อยดีกว่า อิอิ ได้มากะล้างซะก่อน ถ้าหนวดหลายกะตัดหนวดให้เรียบร้อย มันจั่งบ่ยุ่งกัน อิอิ ทิ่มไว้จักคราวให้สะเด็ดน้ำ เอาใส่หม้อเลยคับ เอาหม้อที่มีฝาปิดเด้อ บาดนี้เฮากะตำกระเทียม พริกไทเม็ด และรากผักซี ให้ละเอียด ตักใส่หม้อ ปรุงรสด้วยเกลือจักหน่อย รสดี และซีอิ๊วขาวจักหน่อย อย่าให้เค็มเป็นใซ้ได้ ปิดฝาหม้อ ยกขึ้นตั้งไฟได้เลยคับ ไฟอ่อนจักหน่อยเด้อ อย่าใซ้ไฟแฮง มันสิไหม้

    กุ้งสะบัดหม้อ
    กะเบิ่งว่าพอหม้อฮ้อนจักหน่อย เฮากะจับสะบัดๆ แบบในรูปหั่นหละคับ หมั่นสะบัดจักหน่อย ให้กุ้งมันสุกทั่วถึงกัน และให้เครื่องปรุงกระจายทั่งถึงกัน อาการสะบัดหม้อหรือว่าซิดหม้อนี้หละคับคือที่มาของซื่อว่า กุ้งสะบัดหม้อ อิอิ หรือเฮาสิเอิ้นว่ากุ้งอบเกลือกะได้ แต่มันบ่ตื่นเต้นส่ำซื่อแรกสั่นดอกหวา

    กุ้งสะบัดหม้อ
    กุ้งสุกแล้วหน้าตามันกะสิออกมาเหลืองอุ่ยหุ่ยแบบนี้หละคับ มีน้ำพอเอ๊าะเจ๊าะ เฮากะเอาไปตักใส่จานได้เลย เห็นบ่หละผมลืมตัดหนวด ซะพอมันยุ่งกันหละแหม อิอิ

    กุ้งสะบัดหม้อ
    ตักใส่จานและกะโฮยด้วยผักซี ถ้ามีกระเทียวเจียวนำกะสิหอมขึ้นอีกเป็นตาแซบขึ้นอีกคับ อย่าลืมตำน้ำจิ้มนำเด้อคับ พริก กะเทียม น้ำตาล น้ำปลา น้ำบักนาว ซิมรสชาดตามมัก

    กุ้งสะบัดหม้อ
    เผลอแป๊บเดียว เหลือเคิ่งจานแล้วคับ ไคอยู่ต้มไก่ไว้พร้อม และกะดื่มกินคุยกันไปนำ ม่วนเติบอยู่คับ

    เมนูนี้บ่ได้จำกัดอยู่แต่ว่าเป็นกับแกล้มเด้อคับ เป็นกับข้าวกะได้ น้ำหน่อยๆนั่นหละราดข้าวจ้าว แซบคือกันคับ เด็กน้อยกินได้ ผู้ใหญ่กินดี เป็นกับแกล้มแห่งดีคับ 8)

  2. #2
    ร่วมถ่ายทอดความรู้สู่สังคม สัญลักษณ์ของ หัวหน้าจ๋าย
    วันที่สมัคร
    Jul 2008
    ที่อยู่
    ทำงานอยู่แถวสะพานใหม่
    กระทู้
    298
    สนใจแก้วข้างกุ้งกับต้มใถ้วยนำ บ๊ะจิ๊บแล้วเด็ดหัวกุ้งจุ๊แจ่วเคี้ยวตุ้ยๆ ตบท้ายโดยซดน้ำต้มอุ่นๆคือสิโล่งคอดีเน้าะอ้ายกุ้กมื้อนี้ :gหวัดหายซำบายดีเล้ยแนวนี่::)::)

  3. #3
    คนคำเขื่อนแก้ว
    Guest

    เรื่องฮิตน่าอ่าน

    เป็นตาแซบอยู่ ห่าหน้าเอาเมนูอาหารป่าแน่เด้อครับ..:g8)

  4. #4
    เจ้าหน้าที่ประชาสัมพันธ์ สัญลักษณ์ของ ชายหล่ามาดามศรี
    วันที่สมัคร
    Feb 2007
    กระทู้
    762
    นำแน่อ้าย หิวเด่เน้อยังบ่ทันได่ล่องคออยุ่ ขอนำเทิงกุ้งเทิงเบียร์ละคราฟ

  5. #5
    ร่วมถ่ายทอดความรู้สู่สังคม สัญลักษณ์ของ หนุ่มลำซี
    วันที่สมัคร
    Jun 2008
    ที่อยู่
    เมืองปลาเค็ม
    กระทู้
    585
    อยากสิมีโอกาศไปนั่งร่วมวงนำเด้ ::)

  6. #6
    ร่วมถ่ายทอดความรู้สู่สังคม สัญลักษณ์ของ หนุ่มน้อยเมืองเพชร
    วันที่สมัคร
    Jun 2008
    กระทู้
    777
    ::)มื้อหน้าถ้าเฮ็ดอีก เอิ้นข่อยด้วยจั๊กคนเด้อ อยากไปกินนำ::)

  7. #7
    ร่วมถ่ายทอดความรู้สู่สังคม สัญลักษณ์ของ Boy_ubon
    วันที่สมัคร
    Jul 2006
    ที่อยู่
    ลาดพร้าว...
    กระทู้
    213
    มาคือเป็นตาแซบคักแท่ล่ะอาว.....::)

  8. #8
    Queenie
    Guest
    เป็นตาแซบน้อ เห็นอยากกิน
    มีเหล้านำน้อสุด ๆ เลย

  9. #9
    เจริญอาหารดีคักเนาะ กินไปนำ ดื่มไปนำ คือสิบ่เหงาเป็นจักเทือเนาะอ้าย...
    คนที่กล้าจะพ่ายแพ้เท่านั้น...ที่จะประสบความสำเร็จอย่างยิ่งใหญ่

  10. #10
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,490
    ฮ่า ฮ่า ฮ่า ท่าสะบัดหม้อเจ้า แสดงว่าเคยเล่นไฮโลมาก่อน อิอิๆๆ เมนูนี้น่าสิคล้ายๆกับอู๋กุ้งเน๊าะ น่าตาน่ากินแกล้มมาก
    :welcome3"...ศรีเมืองใหม่แดนธรรมประเสริฐ ถิ่นกำเนิดหลวงปู่มั่น ลือลั่นสวรรค์ภูหล่น ยลสวยหินผานางคอย ลอยล่องแก่งจุการ งามตระหง่านเสาธงวงกลมใหญ่...">>>>> www.muangmai.ob.tc

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •