อิดอ่อนล้า

[ศรีสะท้าน]

อิดอ่อนล้า กายาหนักเหนื่อย
หัวใจเมื่อยก่อกลุ้ม สุมฮ้อนอ่อนระอา
พักก่อนเด้อน้องหล่า เอาเวลาหาเทียวท่อง
พักสมองมืดตื้อ พอเติมหมื่อตื่มแฮง
ออกไปเปิดฟ้าแจ้ง แสงส่องละอองสี
เป็นยาชูชีวี ได้ต่อสานงานเจ้า
อย่ามัวอึดอัดเศร่า จมความเหงาเอ้าหงำอยู่
หนีจากมืดอูดอู้ หาทางสู้ที่ส่องใส

[โป้ยก่าย]

อิดอ่อนล้า กายาบ่คือเก่านับแต่มื่อสิเฒ่าแฮงค้อยอ่อนลง
ปลงแล้วเด้อคราวนี้ชีวีนับมื่อม่อนับแต่มื่อสิพ้อทางส่วยอวยปลาย
ยามสิยกย่างย้ายตายลายบ่เห็นฮุ้งหูเทิงสองนับมื่ออึ้งทางแข้วหย่ำบ่ไหว


ม่อ แปลว่า ไกล้

[บ่าวคนเดิม]

สามสิบปลาย ย่างไปหัวนา บ่เซาห่ม สี่สิบต้นก้มลกกล้า หว่าปวดแอว
สี่สิบปลาย ตากะลาย แอวกะหล้า บาดหว่าห้้าสิบย่าง นางน้องซิบ่ห่าง บ่น้อ...อ้ายเอ้ย

[ศรีสะท้าน]

อิดอ่อนล้ากายาลำบาก
ทั้งเล่าจากหม่อมน้องหมองไหม่เมื่อยมะโน
คึดอ่าวโอ้แสนแสบ กระสันจิต
ความหมายในชีวิต บ่อาจวางเวรไว้
ใจหมายหมั่น สำคัญตั้งต่อ
อยากสิเห็นพบพ้อ ถามส่อข่าวคราว

[ศรีสะท้าน]

อ้างถึง : สามสิบปลาย ย่างไปหัวนา บ่เซาห่ม สี่สิบต้นก้มลกกล้า หว่าปวดแอว
สี่สิบปลาย ตากะลาย แอวกะหล้า บาดหว่าห้้าสิบย่าง นางน้องซิบ่ห่าง บ่น้อ...อ้ายเอ้ย

โอ๊ยเนาะ..เหมิดความสิเว้า พ่อผู้ใหญ่บ้านแมะ มาว่าคักแท้ เหอ ๆๆ ๆ

[บ่าวโจ่โล่]

มื้อเหมิดแฮงออ่นล้า ทางกายาคือหล้าหล่อย

นั่งใจลอยเหมื่อยกลุ้ม มันสุมข้างหว่างปัญหา

แฮงศัทธากะหดหู่ ดูทางได๋กะมืดมิด แท้น้อ

คิดไปไสกะบ่ม้ม คือถมแน่นระหว่างทรวง

หลับตานอนเบิ่งสักช่วง สิ่งทั้งปวง หากพ้นผ่าน แน่บ่น้อ

เก็บสังขารที่เหมื่อยล้า ปั้นแฮงฝ่ามื้อต่อไป

..... อนิจัง สังขารเป็นของไม่แน่นอน มีแล้วดับไป มีแล้วหายไป สำคัญนั้นไสร้ ให้หมั่นตรวจดูอารมณ์ .เว้าปานพระวัดป่าเนาะ........
::) ::) ::)