ผญา ขอลาแล้ว

**บ่าวคนเดิม** · 08-10-2008, 19:24

น้องเอ้ย เดือนเก้าปลายมาฮอดแล้ว โตอ้ายนี่ซิขอห่าง ละเด้
อันหว่าหนทางเถีียว โงคดเคี้ยวต้องห่างหนี
คำหว่าเฮือนมหานั้น ให้ฮักกันดอกคือเก่า เด้อ
ซิลาไปจักสองวัน ย้อนหว่าหลวงขอโตอ้าย....

( ผญาลางาน ) ผญา ขอลาแล้ว

**คนเมืองแปะ** · 08-10-2008, 20:51

ว่าแม่นสิลาไปทางได๋เนาะอ้ายบ่าว ::)::)

**ไก่น้อย** · 08-10-2008, 22:25

คั่นแม่นไปไกลน้อง ไปสองอย่ามาหนึ่งเด้อ อ้ายเด้อ
ถึงแม่นไกลฝากฟ้า ใจน้องสิส่งหา.....พุ้นแหล่ว.......
แนวได้กินลาบก้อย อย่าลืมต้นกะเดาต่ำ
คั่นแม่นได้ทองคำ อย่ามัวนำสาวผู้โก้ ........ ให้คืนย้อนถิ่น อุบล เด้อ.....พะน๊า... :g

Queenie · 09-10-2008, 07:19

ไปทำงานในหน้าที่ มีความสุข
ไม่ต้องห่วงทางนี้ จะคอยดูแลให้
คอยกวาดบ้านดูแลเอาใจใส่
คอยต้อนรับผู้มาเยื่อนด้วยน้ำเย็น
อิอิอิอิ ............

**ตรี ศรีเมืองใหม่** · 09-10-2008, 07:54

ยกโล่ใว้สูงๆเด้อท่าน ระวังแหน่แต่หนังสะติ๊ก อิอิๆๆ(บ่อแน่อาจสิไปคือกันฮั่นละหน้าทําเนียบ อิอิๆๆ ฟลุ๊คจั่งพ้อกัน)

**บ่าวดอนโบม** · 31-10-2008, 02:36

ว่าแมนสิลาไปใส
บัดได๋ลาไปนอนเว็น
::)

**ศรีสะท้าน** · 03-11-2008, 20:13

บัดนี้ อ้ายสิเอิ้นสั่งน้อง ตองตาดตาวตาล
บุญสมภารเพียงพบ ครบกระบวนจวนแล้ว
บ่มีแนวใดค้าง ทางในไห่หวังหว่าง
มาสุดทางท่องแท้ แวเวิ้งแตกเคิ่งกัน
คึดมื้อนั้น คำออดอ่อยออยเสียง
หากเป็นศัพท์สำเนียง แค่เพียงลมเว้า
ยามใดเหงาจั่งมาพ้อ โอนอซินนะซาติ
บ่สมปารถน์แม่นแม้ง แถลงเว้ากะผ่านไป
บุญพี่ซายบ่คาดได้ สิไลจากลาหนี
ค่อยอยู่ดีพะอวนองค์ ค่อยประสงค์เพียรตั้ง
ฐาปะนังถนอมสร่าง แปลงทางสืบต่อ อย่าได้ก่อเหตุเรื่อง เคืองเศร่าให้เก่าใจ

**เจ้าซายน้อย** · 12-11-2008, 12:54

ก่อนสิออกจากบ้าน อย่าลืมห่อเอาแจ่วบอง...เด้ออ้ายเด้อ
ลางานเดินทางไกล เมื่อยยามได๋กะกินได้
อาหารไทอีสานนี่ ของดีกะแม่นแจ่ว
บองดีๆอัดใส่กระป๋องแล้ว พายขึ้นขี่เครื่องบิน...ถ่อนแหลว

**เจ้าซายน้อย** · 12-02-2009, 16:36

ตกกะเทิน ว่าสิไปสาแล้ว ให่เอาคุไปนำเด้อ
ทั้งบักจกและสวิง ให่แบกไปเตรียมพร้อม
ปั้นคูขึ้น ฟ้าวสา ให่น้ำขอด
น้ำขอดแล้ว ลงจุ้มจับปลา ฮั่นถ่อน

ได้ปลาแล้ว อ่อมแกง ต้มส้ม
แล้วซดน้ำโก๊กโก๊ก หลงฮ้อง แซบหลาย
น้ำลายไหลแล้วบ้อ คนอ่านผญาแหม
อยากแอ้มแป๋ กะเชิญมา แวะกินนำกันนี่

(ลางานไปสาปลา)

**บ่าวคนเดิม** · 12-02-2009, 22:17

มาต่อให้อีกจังหน่อยก่อน...ตอนลงบ่ค่อยม่วนหูปานได่

น้องเอ้ย เดือนเก้าปลายมาฮอดแล้ว โตอ้ายนี่ซิขอห่าง ละเด้
อันหว่าหนทางเถีียว โงเคี้ยวต้องห่างหนี
อันวาเฮือนมหานั้น ให้ฮักกันดอกคือเก่า เด้อ
ซิลาไปจักสองวัน ย้อนหว่าหลวงขอโตอ้าย....

หากวาเสร็จการงานแล้ว ซิฟ้าวคืนกลับเฮือนฮ่อง ดอกนา...นางเอ้ย Re: ผญา ขอลาแล้ว