พอดีมีหมากลิ้นฟ้าเหลือในตู้เย็น เลยสิเฮ็ดแนวกินกับคับ คิดพ้อลาบปลาดุกเลยซื้อปลาดุกย่างจากตลาดนัดมาสั่นดอกคับ
จัดการเลาะเอาแต่เนื้อ และกะสับเลยคับ แหลกหน่อยแหลกหลายแล้วแต่มัก ระวังก้างน้อยมันแหน่หละ
ผักหอมต่างๆกะซอยไว้นำคับ หอมแดง อย่าลืมข่าซอยนำเด้อคับ มันจั่งหอม
ปลาดุกสับแล้ว ผักหั่นแล้ว ต้มน้ำปลาร้าเรียบร้อยแล้ว กะสิได้ลงมือปรุงเนาะคับ
ใส่พริก ข้าวคั่ว ผงชูรส(ใส่หน่อยแซบหน่อย ใส่หลายแซบหลาย อิอิ) น้ำต้มปลาร้า อย่าใส่หลายเด้อคับ มันสิแหลว บางคนมักแข่นๆกะบ่ต้องใส่น้ำต้มปลาร้าคับ ชิมเบิ่งก่อนว่าเค็มบ่ ปรุงตามมักหละคับ
ได้รสชาดที่ต้องการแล้วกะใส่ผักหอมได้เลยคับ
แล้วๆคับ ขั้นต่อไป ปิ้งหมากลิ้นฟ้าได้เลย
ตัดให้มันสั้นลง สิได้ห่อง่ายคับ ที่ต้องห่อเพราะว่าผมปิ้งด้วยเตาแก๊สคับ ห่อแล้วค้างเตาแก๊สเลย แต่ต้องอย่าค้างไว้โดน มันสิไหม้เบิด หมั่นพลิกจักหน่อย อย่าให้ไหม้หลายคับ
พอสุกแล้วกะแกะออกมาล้างส่วนที่มันไหม้ไฟดำๆออก แล้วกะหั่นเลยคับ
หาออกมาได้เลยคับ เน้นผักคับ อิอิ ถ้ามีผักหนอกผักแพวกินกับลาบปลาดุกกะแซบหลายคือกันคับผม :g
Bookmarks