ข้าวต้มข้าวก่ำใส่ในหมากถั่วดำ

[ศรีสะท้าน]

...มื้อนี้สิพาเฮ็ดของว่างของหวานผู้เถ่า แบบดั้งเดิม เป็นของพื้นบ้านเฮาสมัยก่อนที่สามารถหาวัสดุอุปกรณ์ได้ง่ายตามพื้นเพ ข้าวต้มข้าวก่ำใส่ในหมากถั่วดำพี่น้อง (ไผบ่ถืกกันกับถั่วดำ กะใช้ถัวแดงได้เด้อ อิ อิ) ส่วนประกอบมีดังนี้
...๑. ข้าวก่ำ(ข้าวเหนียวดำ)
...๒. ข้าวเหนียวขาว
...๓. กล้วยนีออง(น้ำว้า)สุกงอม
...๔. ในหมากถั่วดำ แช่น้ำให้อ่อน
...๕. ใบตองกล้วยนีออง หรือกล้วยทะนีใน(ตานี) ผึ่งแดดให้อ่อน
...๖. เกลือป่นนิดหนึ่ง

วิธีทำ
...ปอกกล้วยสุกผ่าซีกตามยาว สองซีก ถ้ายาวไปห่อยากเพราะใบตองแคบกะตัดเคิ่งอีก
...เอาข้าวสารทั้งสองชนิดผสมกันในอัตราครึ่งต่อครึ่ง หรือให้ข้าวสารเหนียวหลายกว่า ถ้าใช้ข้าวก่ำอย่างเดียวมันร่วนบ่จับกันเป็นก้อนเป็นมัด เพราะข้าวก่ำมันแข็งผิวมัน ใส่หมากถั่วดำที่แช่อ่อนแล้วลงพอประมาณ ใส่เกลือลงจักหน่อย คลุกเค้ากัน



...จีกใบตองออกกว้างประมาณคืบกว่าฮองกันสองชั้น กำข้าวและถั่วที่เฮาเตรียมไว้ลงไป เอากล้วยลง แล้วกำข้าวลงกลบทั้งเทิง อย่าใส่ข้าวหลายเอาพอประมาณเด้อ มันสิแตกเวลาข้าวต้มสุกและห่อยาก แล้วกะห่อ (วิธีห่อไปหาศึกษาเอาเองเด้อพี่น้อง)



...ห่อสร็จกะจัดการจัดเรียงลงในหม้อต้ม แล้วเทน้ำลงให้ท่วมมัดข้าวต้มเอาใบตองปิดเทิง เอาตั้งไฟ ต้มจนกว่าสิสุกถ้าน้ำบกลงกะคอยตื่มน้ำ

[pui.lab]

ป๊าดดดดด อ้ายข่อยมื่อนี่พาเฮ็ดข้าวต้มมัดข้าวก่ำ สุดยอดอ้ายขนมสัมยเก่า
ปล. มาคือเข่ถี่แท่ะหล่ะใส่กล้วยครึ่งซีกบ่พอยังผ่ากลางอีก::)

[หมูหวาน]

:g:g อ้ายพ่อศรีสะท้าน ขอจัก 5 มันแน่ จ้า อิอิ สุกไป๋ หนอ สินั่งถ่า อยู่ หน้าบ้านเด้อจ้า สุกแล้ว เอิ้นแน่หละ ลักกินผุ้เดียวหมด นั่งไห้ เด้ ::)::)

[หนุ่มลำซี]

ป้าด..มีแต่แนวดำๆแท้พ่อใหญ่
คนโตดำๆจังผมจังได๋สิกล้ากินนำ
ย่านดำคักก่อเก่าแม้ครับ
ซิมนำจักเปี่ยงแน่เด้อครับ ::)

[ศรีสะท้าน]

...สองชั่วโมงผ่านไปปานโกหก เฮากะจก โอ๊ะตักออกมาเทสต์ว่าสุกหรือยัง โดยมีหมาน้อยนั่งเลียปากอยู่ใกล้ๆ เตา..เส่ ฮ่วย อิ อิ คันเห็นว่าสุกดีแล้ว ตักออกมาทิ้งไว้ให้เย็น ยกมาสู่พี่น้องกิน



...แต่คันสิกินซื่อๆ มันกะธรรมดาไปสำหรับพ่อใหญ่ศรีมักยาก อิ อิ กะเลยจัดการปอกเปลือกออกใส่ชาม เอาด้ายเส้นน้อยๆมามัดหัวโป้ตีนซ้ายไว้ มือซ้ายจับก้อนข้าวต้มไว้ มือขวาจับปลายเชือกพาดเทิงก้อนข้าวเกี้ยวเชือกแวดึงให้ข้าวต้มขาดออกเป็นแว่นๆ ก่อนเฮ็ดควรตุ้มเซิงผ้าสะโหร่งดีๆ เดี๋ยวสิมี หลุดดาราข้าวต้มมัด เหอ ๆ ๆ
...ที่เพิ่นให้ใช้ด้ายเพราะมันขาดง่าย ถ้าเอามีดตัด ข้าวต้มสิเหนียวติดคมมีดเด้อพี่น้อง



...จากนั้น กะหาเอาหมากพร้าวพอเปลือกผง(กลางอ่อนกลางแก่)มาขูดหยาบๆ กับน้ำทรายเตรียมไว้ หรือมีงาคั่วนำแฮ่งดี



...นำหมากพร้าวขูด น้ำตาลทราย งาคั่ว มาคลุกเคล้ากันกับข้าวต้ม ชิมเบิ่ง เห็นว่าแซบดี กะยกมาถวาย โอ๊ะเสิร์พกันโลด บาดนี้

[หมูหวาน]

อะ สุกแว้วววววววววววว อิอิ กินนำแน่ๆๆๆๆๆๆๆ:g

[แหลวแดง]

ตอนเฮ็ดบ่เป็นตาแซบปานได๋เนาะใหญ่ศรี เฮ้ดแล้วเป็นตาแซบขนาด ผมขอกินง่ายๆกะพอดอก แกะแล้วกะกินโลด ค้านหาบักพร้าว ค้านปอก ค้านขูด ค้านหลายกะกินธรรมดานั้นหละ เกือบได้เห็นดาราข้าวต้มมัดเนาะ อิอิ ::)::)อยากไปหัดเฮ็ดนำเด้ เคยเฮ็ดแต่สมัยเป็นบ่าวน้อย ไปห่อข้าวต้มซ่อยผู้เฒ่ายามเพิ่นเฮ็ดบุญแจกข้าว มีแต่ผู้เฒ่าบ่มีผู้สาวจักคน อาศัยว่าสิกเป็นเซียงใหม่ๆเลยเข้ากับผู้เฒ่าได้สั่นดอกคับ อิอิ:g:g

[คนตระการ...]

:g สุดยอดๆๆๆๆอ้ายศรีบ่อได้กินโดนแล้วครับ เป็นตาแซบคัก..(ย่านแต่มีแนวหลุดจากสะโหร่งลงนำเด้)::)::)

[ศรีสะท้าน]

ป๊าดดด...ยังสิหวังมีหลุดอีกเนาะ อิ อิ จ้างกะบ่ให้หลุดดอก ย้านผู้บ่หวังดีนำไปโพสต์ คร้านฟ้องศาลแมะ อิ อิ อิ

[ติ๋ม เปอร์โย]

อ้ายทิดซ่างมาล่อให้อยากนำคักปานนี่เนาะ เบิ่งลงทุนสั่งตรงมาจากไทยเลยเด๋หั่น....
แต่กะเสียใจสั่งกล้วยสุกได้กล้วยดิบ พอกล้วยสุกกะใบตองเน่าพอดี เฮ้อออออ...........
ข้าวก่ำ ถั่วดำ ได้เบิด 3มื้อแล้วกล้วยกะบ่ทันสุกคัก แล้วยามใด๋สิได้กินบุ...
แต่ดีใจได้หมากหุ่งมา2ลูก...เผือก 2หัว...แนวมักทั้งนั่นเลย สั่งหมากถั่วแหล่ บ่ได้จ้อย อดกิน...