หลังจากสอบแล้วล่ะ พี่น้องครับ พงศ์น้อยขอโตนฮ้านเมือยามบ้าน ยามแม่ ยามยาย หอบกระเป๋าเสื้อผ้าออกจากหอ มาขึ้นรถ บขส อยู่ บขส รังสิต คนกะหลายๆดอกพี่น้อง ได้ขึ้นรถช่วงห้าทุ่มครับ ดีน่ะที่บ่ได้ยืนจนฮอด อิอิ หน่ายหลาย ตลอดทางกะฟังเอมพีสามไปนำ เป็นรายการอัดบ้านมหาเฮานี่ล่ะพี่น้อง ม่วน หุหุ นั่งรถสาย กทม...นครพนม ฮอดกสินเจ็ดโมงครึ่งครับ แจ้งจ่างป่าง ฟ้าสางที่บ้านเฮาครับ อากาศข้างทางทุ่งนา กะมีหมอกบางๆครับ ช่วงปลายฝนต้นหนาวน้อครับ หารถแดงกลับบ้านถ่อนแหล่วบ่าดนี่ อิอิ อยากนอนคัก กลับมาฮอดบ้านกะไหว้แม่กะยายช่ะ เอาโชคเอาชัย แม่ลาวเฮ็ดกับข้าวไว้ถ่าล่ะพี่น้อง มามาๆๆๆ ครับ มากินข้าวส่ะก่อน จั่งไปหาเฮ็ดแนวอื่น
แนวกินมื้อนี่กะมี ตำปลาเข็งครับ (ปลาหมอ) ตำบักถั่ว กะ ปิ้งไก่น้อย (โตมันเหงาๆนั่นล่ะหล่า แม่ว่า อิอิ ) ฮ่วยยยแม่
ติดตามครั้งต่อไปสิพาไปฟาดเอาข้าวดอ อิอิ (ได้พอสองถุงปุ๋ยบ่บุ้หล่า ยายว่า แนวข้าวตายแลงจั่งมาน้ำท่วม เหอๆๆ)
ปล. เน็ตช้าพี่น้อง บ้านนอกแหน่จั้กหน่อย ต่อกะโทรศัพท์เมียถือ อิอิ
เอ่าล่ะบาดนี่ กินอิ่มแล้วงานมื้อนี่กะคือ ไปหาฟาดเอาข้าวดอ บ่หลายดอกครับพี่น้อง ตายแล้งเหมิด ส่งฟาดเอามาเฮ็ดข้าวหลามมื้ออื่นครับ มาเบิ่งไทกสินตีข้าวเด้อบาดเนี่ย
เหมิดแรงล่ะ ขอนอนต่อน่ะแม่น่ะ อิอิ กรูกกก
หลังจากตื่นขึ้นมากะไปหาหย่างเลาะท่งครับพี่น้อง ไปพ้อฮูอั่นนี่ เบิ่งๆๆ
ได้แนวไปฝากอ้ายตวงกับอ้ายชายน้อยแกล้มเหล่าแล้ว มื้อสิกลับจั่งสิมาขุดมัน อิอิ หนีเร็วๆเด้อ แหย๊ เอ่ยยยย อิอิ
บรรยากาศท่งนา ฮ้อนๆๆๆ อยากแก้ซ่งแล่นลงโตนน้ำห้วยเด้น้อออ อิอิ
มื้อต่อมากะคือเก่าล่ะพี่น้อง หาทางมาลงภาพให้พี่น้องเบิ่ง เนตกะช้าๆๆ ต่อทอสัยเมียถือ เอาหยังหลาย มื้อนี่สิพาไปเลาะนาเด่พี่น้อง ตื่นขึ้นมามื้อนี้ ได้กินข้าวทิพย์พี่น้อง เป็นข้าวที่เพิ่นกวนช่วงออกพรรษาครับ ยายจ่งไว้ให้ลูกหลานครับ อิอิ แช่บ หวาน มัน
มาฮอดนาแล้วพี่น้อง อิอิ สภาพ
ช่วงนี้หมากเล็บแมวยังบ่สุกครับ ต้องเป็นช่วงเกี่ยวข้าวใหญ่ครับ หนามเล็บแมวก้อขา เอ่อ เจ็บ
ใบตองกุงครับ บ่กล้ำ รอ เรือ อีสานขนานแท้ครับ
นี่กะเป็นความเชื่อครับพี่น้อง บ้านผมสิเอาข้าวต่องแต๋ง (ข้าวสากข้าวประดับดิน มาห้อยไว้นำไฮนาครับ เพื่อเลี้ยงผีนา ให้ได้ข้าวหลายๆ
บ้านผมปลูกมันสำปะหลังครับ และ กะปลูกข้าวโพดแชมไปนำ
ข้าวจ้าวครับ ว่าแม่นสิตายเหมิดแล้ว แล้งคักครับ พอดีฝนตกมาใส่ให้ อิอิ ดีใจหลาย
นี่กะอีกนาหนึ่งของพงศ์น้อยครับ อยู่ไกลบ้านหลาย
กระท่อมน้อยคองนางครับ กระท่อมทำใจ หม่องนอนเว็นเด่นี่ครับ ลมพัดส่วยๆ
กลับมาจากนาไกลๆ แม่ล่วกะหาแหน๋งหนอไม้มาไว้ท่าแกงมื้อแลงครับ
ต่ะว่าช่วงนี้เลาะท่งเมื่อยล่ะ มากินข้าวเที่ยงนำกันเด้อบาดนี่ แนวกินกะพื้นบ้านเฮานี่ล่ะพี่น้อง ปิ้งปลาข่อน้อย ตกต้อนอีแม่มื้อเช้า ตำบักถั่วครับ และกะมีข้าวโพดที่ปลูกแชมกับมันสำปะหลังนั่นล่ะพี่น้อง มาเด้อดีเจเด็กน้อยมากินข้าวโพด อิอิ มาๆๆครับ กินข้าวนำกัน จั่งสิไปหาเฮ็ดแนวใหม่
สถานที่โพสต์ครับ อิอิ
อาหารเย็นมื้อนี้กะคือ แกงหน่อไม้ (แหน๋งหน่อไม้ที่แม่หาหว่างเว็นล่ะครับ) และกะเนื้อแดดเดียวครับ
มื้อนี้พงศ์น้อยไปเล่นนำพระอาจารย์ครับ เลยเก็บภาพวัดดอนหลวงปู่ใหญ่ บ้านกุดครอง บ้านผมเองครับ มาฝากครับ
เป็นสถานที่ที่ศักดิ์สิทธิ์ และเคารพของชาวอำเภอดอนจาน มาดูสถานที่กันเลยครับ
ดอนเจ้าปู่เป็นดอนที่ใหญ่พอสมควร มีต้นไม้ใหญ่มากมาย
และเป็นที่อาศัยของสัตว์ป่า เช่น กะรอก ไก่ป่า แลน
นี่คือองค์หลวงปู่ใหญ่ บ้านกุดครองครับ
ตื่นเช้าขึ้นมามื้อนี้ วันอังคาร ที่ ยี่สิบเอ็ดครับ ยายปลุกแต่เช้าครับ
บอกว่าสิเฮ็ดแต่งแก้ เสียเคราะห์เสียเข็ญ ครับ เข้าพิธืกับหมอธรรมประจำหมู่บ้านผมครับ พงศ์น้อยกะตัดเล็บ ตัดผมใส่ธงพิธีล่ะครับ
ขอบคุณครับคุณยาย อิอิ อยู่ดีมีแฮงเด้อบาดนี่ เฮ็ดเพื่อเอิ้นขวัญครับพี่น้อง ไปอยู่ไกลบ้านไกลส่อง ผู้เฒ่าเพิ่นอยากให้อยู่ดีมีแฮงครับ
ไกล้เที่ยงแล่วครับพี่น้อง สิหย่างไปหาเอาปลาข่อนอยู่ปลายหัวนาก่อน
หย่างไปหย่างมา พ้อขวยหนูชิงพี่น้อง คิดฮอดยายหนูเด้ อิอิ
Bookmarks