จักสิเฮ็ดหยังสู่พี่น้องกินดี เฮ็ดไปเฮ็ดมากะเบิดมุขหละ มื้อนี่ง่ายๆแต่แซบเนาะ คอหมูย่าง
เนื้อคอหมู หั่นชิ้นหนาเติบ ทุบๆแหน่จักหน่อยใส่อ่างหมัก เกลือ พริกไทย ซิอิ๊วขาว น้ำมันหอย
ผงนัวนิดหน่อย งา หมักถิ่มไว้จักชั่งโมง แล้วกะย่างจนสุก บ่มีหยังหยุ่งยากเลย อิอิ
ย่างเนื้อใกล้สุกกะจัดการ ตำหมากหุ่งปลาแดกใส่หมากกอกเนาะ แซบหลาย อันนี่กะง่ายๆ
หมากหุ่ง+แครอทขูดเส้น ตำพริก+กระเที่ยม พอแหลกใส่น้ำตาลปิ๊บนิดหน่อย ใส่หมากเขือเทศ
น้ำปลาแดก น้ำปลา หมากกอก น้ำหมากนาวนิดหน่อย ผงนัวพร้อม เอาสากคนพอเข้ากัน หอมแล้ว 555++
ใส่หมากหุ่ง+แครอท ตำพอเข้ากันตักใส่จานเนาะ ง่ายๆ บ่มีหมากถั่วไกลร้านไทย พอปานนี่หละพี่น้อง...
ในระหว่างที่ย่างเนื้ออยู่กะนึ่งข้าวเหนียวไปนำ ทุกอย่างเรียบร้อยแล้วกะหาพาข้าวพี่น้อง
เชิญแซบจ้า อาหารง่ายๆ....แต่แซบ
บางมื้อกะคร้านสุดยอด ต้มไข่ เยาะน้ำปลา ข้าวเหนี่ยว....::)
2ฟองอีกแล้ว โอ้ยยยน้อ กะกินไข่ยามใด๋กะ2ฟองทุกเทือเนาะ...::)
ลูกสาวกะหิวหลาย บอกว่าให้ถ่ายรูปก่อนค่อยกินกะบ่ฟัง ลักจ้ำก่อนกันจนได้ เฮ้อ....เอิ๊กกกกส์ๆ
Bookmarks