ปิ้งปลาแห้ง +ตำส่มบักกอ + ตำขนมเส้น

[ขอโทษที่คิดถึง...เด็กดื้อ]

กลับบ้านคราวนี้ได้กินอีหยังหลายอย่างตามที่ตั้งใจไว้จ้า โดยเฉพาะปิ้งปลาแห้งจ้าพี่ แซ๊บ ๆๆๆ อิอิอิ บ่ได้กินโดนแล้วเห็นอ้ายไทพังโคนเพิ่นปิ้งแมะ อยากจ้า กลับบ้านเลยซื้อมาปิ้งกิน มาตอนนี้มันคือเพลงแท้ฮึ ในจาน 30 บาทเด้อนั้น

พอไปถึงบ้านตอนตี 5 วันที่ 15 ต.ค.51 ได้มั้ง พักหน่อยหนึ่งเห็นบักกอ กะอยากสั่นแล่วกะเลยตำกินเลยจ้า ...แซ๊บ ๆๆๆ แล้วกะไปตักบาตรเทโวอยู่วัดผาเกิ้ง อยู่บนเขาจ้า ห่างจากบ้านเด็กน้อยไป ประมาณ 8 กม. พอกลับจากวัดเห็นหลานว่าสิตำส้มอีก กะเลยบอกว่าตำแล้ว ๆ เอิ่นแนะเด้อ ไปนอนก่อนง่วงพอหลานตำแล้วกะปลุกมากิน กินเสร็จไปนอนต่อ...อิอิอิ แล้วตื่นขึ้นมาตำกินอีก เป็น 3 ครกเลย

ตอนมื้อ 18 ต.ค. 51 มื้อเดินทางกลับ กทม.จ้า บักกอเบิด มีขนมเส้นกับซุปหน่อไม้ คิดเห็นเมรี่เพิ่นเอาป่ามาให้กินกะเลยตำลองเบิ่งจ้า กะใส่กระหล่ำไปนำ...แซบเด้อล่ะ...อิอิอิ