ยาม(ฤกษ์ยาม)หากิน

[ศรีสะท้าน]

ตารางยาม(ฤกษ์ยาม)หากินนี้ ผู้ข้าไปเห็นในหนังสือใบลาน เลยนำมาเสนอ เบิ่งๆแล้วคล้ายๆยามอุบากอง กะขอพี่น้องลองตรวจสอบเบิ่งเด้อ ว่าตารางผังยามแม่นอันเดียวกันบ่ สำหรับตารางยามนี้ เพิ่นใช้ไล่เวลาสิออกหาโชคหาลาภ ออกค้าขาย ทำมาหากินต่างบ้านต่างเมือง

อันนี้เป็นตัวอย่างตารางยามที่ถอดแบบออกมาจากต้นฉบับเดิม เพื่อให้ท่านผู้อ่านได้เข้าใจ

ตารางยาม แถวขวางแนวนอนด้านบน ช่อง ๑ - ๗ หมายถึงวันทั้ง ๗ วัน ๑ คือวันอาทิตย์ - วัน ๗ คือวันเสาร์ แนวตั้งมี ๕ ช่อง หมายถึงเวลาในแต่ละวัน มี ๕ ช่วงเวลา ซึ่งอันนี้ผู้ข้ากะบ่อาจฮู้ได้ว่าเพิ่นนับกันจังใด กะขอท่านผู้อ่านสืบเสาะหาเอาเองเด้อ ข้าน้อย

ถอดความอักขระว่าดังนี้...วัน ๑ ยามเช้ากองงายเถิงค่ายค่ำ ว่าดังอย่างนี้ วันถืก ๔ เม็ด หมาน ๒ เม็ด พอเสมอ ๑ เม็ด บ่ปานใด ถืกตีนกา อุบบาด(อุบาทว์) ไปบ่ดีแล บ่มี(ไม่มีเครื่องหมาย)ปลอด บ่พ้อพานพบแลเจ้าเฮยฯ

ความหมาย...ตก ๔ เม็ด หมาน(โชคดี) ตก ๒ เม็ด เสมอตัว ตก ๑ เม็ด ได้ไม่เท่าไหร่ ตกกากะบาท อุบาทว์ ไม่ดี ว่าง ไม่มีเครื่องหมาย ไม่ได้พานพบ ไม่ได้อะไรเลย

[หลานพระรถ]

เอ๊า...แล้วกันพ่อเสือ บ่ฮู้เวลาแล้วสิออกจั่งได๋ละบาดนี่
สิ "ซ้ายย่างหนอ ขวาย่างหนอ" หรือว่าสิโดด 2 ขาพร้อมกันน้อ? ::)

[ศรีสะท้าน]

อ้างถึง: เอ๊า...แล้วกันพ่อเสือ บ่ฮู้เวลาแล้วสิออกจั่งได๋ละบาดนี่
สิ "ซ้ายย่างหนอ ขวาย่างหนอ" หรือว่าสิโดด 2 ขาพร้อมกันน้อ

เอ๋า..มาสิยากหละนาง คันตัดสินใจลำบากกะเต้นออกไปพร้อมกันทั้ง ๔ ขา โอ๊ะ ๒ ขาคือกบโลดกะได้ตั้ว ด่งเบ๊บ ด่งเบ๊บ โลดเด้อ เหอ ๆ ๆ

[pui.lab]

หมอธรรมฺฮ้า พอสิหาฤกษแต่งงานมาได้บ่ค่ะ อีกห้าปีเด้อรอไหวบ่หล่ะค่ะหมอธรรมสุดเื่ทห๋
บุ๊ยยยยยยย รูปส่วนตัวมาคือเท่ห์หลาย บาดตาจนสิบอดแล่ว :p :p

[ศรีสะท้าน]

บ่ต้องหายากดอก อันฤกษ์แต่งหนะ ปานนี้แล้ว พร้อมมื้อใด๋กะดีเหมิดนั้นหละ เหอ ๆ ๆ

...หลายสิบปีกะสิถ่า ซาวพรรษากะสิจ่ง ใจประสงค์มาดแม้ง บ่มีแล้งหล่าลืม...ถ่าจนหัวหงอกพู้นหละ เหอ ๆ ๆ