กำลังแสดงผล 1 ถึง 2 จากทั้งหมด 2

หัวข้อ: .....อ้ายฮู้โตยุเด้อหล่า.......

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    .....อ้ายฮู้โตยุเด้อหล่า.......


    อ้ายฮู้โตยุเด้อหล่า บุญผลาเพียงเหลียวเบิ่ง สิทธิ์บ่เถิงไปจับจ้อง สิจองได้กะแค่ฝัน

    ฐานะสองเฮานั้น ร่วมทางฝันคงเหมิดท่า ซ่ำเบิ่งตาบ่กล้าจ้อง แอบมองแล้วกะชื่นใจ

    เห็นยามได๋ได้เพียงว่า อยากถามจาตอนเดินผ่าน กะบ่หานไปกล่าวเว้า เหลียวเบิ่งเจ้าแค่ย่างกาย

    แค่ทักทายในใจแล้ว แนวตัวไกล้แต่ใจห่าง ขอเจียมโตกับฝันฮ่าง บ่หวังสร้างไปคู่เคียง

    กะพอเพียงสิทธิ์ของอ้าย แค่เหลียวกายกับเพียงคิด ขอใช้สิทธิ์เพียงท่อนี้ กะฝันดีแล้วตั๊วนาง



  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    อ้ายฮู้โตอยู่ดอกหล่า ซินซาตาบ่คาดฮ่วม
    ปี้นต่าวคืนหมื่นข่วม ความเว้าเจ้าบ่จริง
    หมุนเลี่ยนไปดั่งหมากกลิ้ง บ่หลิงหล่ำคำสัตย์
    บ่อาจหาแนววัด แทกวาหาพื้น
    เจ้าทนฝืนกับโตอ้าย ซายหากเห็นฮู้ฮ่อม
    แต่หากยอมเซื่องส่น ย้านคนเว้าว่าขวัญ
    บาดสิม้วนมวลหม่ายลาหนี กลับบ่มีความดีสั่งโอยโดยอ้าง
    เจ้ามาไกลหนีข่าง ตามทางที่เคยเล่า
    เลยลืมซายผู้เค้า หนีไปเว้าผู้อื่นไกล

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •