กำลังแสดงผล 1 ถึง 6 จากทั้งหมด 6

หัวข้อ: ภาษิต ผญาย่อย

  1. #1
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    ภาษิต ผญาย่อย

    มหาสมุทรกลืนกินได้แสนปีบ่ฮู้อิ่ม
    ซุมมนุษย์เห็นแก่ได้กินซ้างอิ่มบ่เป็น
    พออยากกลืนกินฟ้าจักรวาลเอามาโม่ม
    ไผผู้คึดจั่งซั้นสิกินคู่สู่แนวบ่น้อ
    ไฟบ่มีคัวนฮ้อนคือไฟกองกิเลส
    เดียวนี้เผาลุกไหม่รามแล้วทั่วแผ่นดิน
    โลภะคือความฮ้อนเผาคงแปนป่า
    กำลังเผาแม่น้ำพวมแห่งเขื่อนอุบล


    ขอเชิญชวนชาติเซื้อในเมืองสยามราษฎร์
    เซื่อนักปราชญ์เด้อพี่น้องหันหน้าเข้าเพิ่งธรรม
    คันสิมัวแต่เพ้อหลงนำแนวบ่แม่น
    สิบกว่าปีสิได้อุ้มลูกน้อยบ่มีหม่องสิเพิ่งพา


    เกิดเป็นคนควรเอาศีลมาคล้องเคียนคีงจั่งสิคล่อง
    ดีกว่าเฮาสิหาซื้อสร้อยคล้องหือเจ้าว่าจั่งใด๋
    ลงเมืองหลวงไปสามมื้อกลับเมือเฮือนย่านหมาเห่า
    สมหัวใจพออยากอูบใส่ซ้ำคืนมาบ้านแม่กะหลง


  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ข้ากะเห็นดวยดี้ นำใคที่เจ้ากล่าว
    บ่าวป๊ายโก่ย โอยบอกอ้างทางนั้นผั่นค่องคือ
    ขอให่ถือคลองหมั่น สำคัญโบราณกล่าว
    อย่าสะหาวเอิดอ้าง ทางคล้อยถ่อยถุน
    ต่อแต่นี้ฮอดพู้น เถิงเขตอสงไขย
    ฝูงเวไนยควรคิด ฮ่ำกะจิตใจแจ้ง
    ธรรมแสดงปฐมตั้ง ระวังตนให้พ้นผ่าน
    เมื่อเถิงกาลฮาบส่วย บ่มรม้วยหมิ่งหาย แท้แหลว

  3. #3
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    คึดให้คักเด้อพี่น้องกินโป้มมันพาเปลือง
    กินของแพงเงินเฮาเหมิดให้ค่อยออมเอาเด้อป้า
    หาเอาผักขี้เหล็กต้มแกงกินกะแซบอยู่
    ย่องยานางแกงหน่อไม้ดีแล้วกะว่านัว - อยู่เด้


    ไผอยากไปสวรรค์ฟ้าให้กินทานนำเพิ่น - แน่เด้อ
    รักษาศีลจักแปดข้อสิไปพ้อฮอดพระอินทร์
    อยากเห็นพรหมสี่หน้ารักษาพรหมวิหารสี่
    คันรักษาได้จั่งสี้สิไปพ้อแม่นพระพรหม

  4. #4
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961


    ....ม้าป่งเขา พาเฮาแจ้น ฟ้าวแล่นบ่เหมิดแฮง....
    ....คนแสดงเป็นตาทิพย์ อยู่สิบเมืองกะเห็นพ้อ.....
    ....หลายคักน้อทางเสื้อผ้า ปานอยู่ป่ากัลพฤษ......
    ....เซ้าฮอดดึกมีเสียงงัน อยู่เหมิดวันบ่มีแล้ว......
    ....หูทิพย์แหล๋วมีทิ้งสิ้น เว้าได้ยินเหมิดทุกสิ่ง.....
    ....จริงบ่จริงโบราณอ้าง วางความเว้าตั้งแต่ดน.....
    ....อย่าได้สนนำทางล่อ ก่อกิเลสเป็นเผดใหญ่.....
    ....หาพระธรรมนำข่มใจ ทางสดใสสว่างชี้ หนีไปเฝ้าพระศรีอาน...

    .......ขอแจมนำแน่เด้อ แม่ใหญ่เว้าให้ฟังดอกเด้อครับ.......
    ::)

  5. #5
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    กุญชรช้างอัสดรคุณมาก
    ก็หากหายากแท้ทั้งค่ายบ่มี
    ส่วนว่ายุงยอยฮี้นฝูงไฮเฮียดไต่
    มันหากบ่ฮ่อนไฮ่หาได้คู่สุเฮือน

  6. #6
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,550
    กกไม้ใหญ่ แต่ใบบ่มี
    สาวผู้ดี บ่มีศีลสร้าง
    เป็นแม่ฮ้าง แล่นขึ้นแล่นลง
    เป็นพระสงฆ์ วินัยบ่คอบ
    คือผีปอบ กินตับกินไต


    เพิ่นว่าหวา

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •