กำลังแสดงผล 1 ถึง 9 จากทั้งหมด 9

หัวข้อ: กินข้าวแล้วยัง

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179

    กินข้าวแล้วยัง

    กินข้าวแลงกับหยังหล่า ขอผญาถามข่าว
    ต้มปลาดุกค่อค้าว หรือขาวกั้งกะเดิดเข็ง
    หรือแม่นลาบหมู่เก้ง มวลหมู่หมูเหน
    อ่อมกระเต็นกระแตหาง บ่อนทางอีสานเค้า
    มีอาหารกับเข่า พอบรรเทาอีหยังแหน่
    อ้ายหอดหิวคักแท้ จั่งมาเว้ากล่าวถาม แท้นา


    ค่อ(ปลาช่อน) / ค้าว(ปลาเค้า) / ขาว(ปลาน้ำจืด เกล็ดขาวชนิดหนึ่งตระกูลปลาตะเพียน แต่ตัวเล็ก) / กั้ง(ปลาช่อนพันธุ์เล็กชนิดหนึ่ง) / กะเดิด(ปลากระดี่) / เข็ง(ปลาหมอ) / เหน(ชะมด,อีเห็น) / กระเต็น(นกกระเต็น) / เข่า(ข้าว)
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  2. #2
    ศิลปิน นักร้อง นักแสดง สัญลักษณ์ของ ไอ้เก่ง คนเลย
    วันที่สมัคร
    Feb 2008
    กระทู้
    176

    กินแล้ว...............แต่บ่แซบ.........หว่าซั้น

    โอเด้....อ้ายศรีเอ๊ย......กินข้าวแลงเถื่อนี้...บ่เป็นที่น่าจำจด
    ได้แต่ซดน้ำตา......บ่ายปลาโตน้อย
    ได้แต่คอยนั่งถ้า......กานดาบ่เห็นต่าว
    ได๋คือหว่าสิฟ้าว......กินแลงนี้คู่กัน
    หรือไปหลงน้ำส้มคั้น....กินเหล้าปั่นอันโหยหา
    ได้แต่สุขอุรา........โตพี่ชายสิตายแล้ว
    ไปอยู่แถวได๋น้อหล้า....ให้ฝ้าวมาน้อหาพี่
    แม่นตีสามตีสี่...กะสิคอยนางหล้า...นาถน้องกินฮ่วมกัน...ซั่นแหล่ว.....

    กินแล้ว...............แต่บ่แซบ.........หว่าซั้น

    กินแล้ว...............แต่บ่แซบ.........หว่าซั้น

    กินแล้ว...............แต่บ่แซบ.........หว่าซั้น

    กินแล้ว...............แต่บ่แซบ.........หว่าซั้น
    ท่องคำว่าทำใจ

  3. #3
    แบ่งปันความรู้และประสบการณ์
    วันที่สมัคร
    May 2007
    กระทู้
    181


    แม่นกินข้าวหล่ะยังอ้าย เป็นห่วงหลายฮู้แน่บ่

    หัวใจรอถ้าถามเจ้า จักสิเว้าสู่ผู้ได๋

    นับแต่ไกลห่างเฮือนบ้าน ได้โดยสารมือถือส่ง

    ใจประสงค์อยากกล่าวว่า คิดฮอดจ้าเป็นห่วงเด้อ

    อย่าได้เผลอแต่หาเล่น นอนแต่เว็นแน่ฮู้บ่

    สุดท้ายขอแค่กล่าวเว้า ว่าฮักเจ้าคือเก่าเด้อ

  4. #4
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    หล้านางเอ้ย ใกล้เที่ยงแล้ว หิวหอดอาหาร
    บ่พบพานแนวดี ดั่งผู้มีเงินล้น
    แนวคนจนอาศัยเข่า พอบรรเทาหนึ่งแล้วส่าย
    หมกปลาแดกเอามาบ่าย กินพอให้แล้วมื้อเป็นการยื้อต่อชีวัง
    พอสังขารอยู่ยั้ง ประทังธาตุความหิวโหย
    เพื่อได้โอยกำลังแฮง สร่างแปลงเมืองบ้าน
    พอประมาณทนได้ จำใจจำจนต่อ
    จั่งว่าอ้ายนี้นอ บุพพะกรรมก่อนกี้ คงเป็นหนี้เพิ่นหลาย


    เข่า(ข้าว) / หนึ่ง(นึ่ง) / ส่าย(กระจาย,ทำให้กระจายออก) / บ่าย(ยัดข้างใน,ยัดไส้) / โอย(อวย,ให้) / ก่อนกี้(เมื่อครั้งก่อน)
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  5. #5
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    อาหารข้าวโภชนาเขินขาดอ้ายเอ้ย
    วาสนาอี่น้องหน่อยหากินก้อยไข่มดแดง
    ยามมือแลงไปหาซื่อปลาทูพอได้ป่น
    อันความจนยากไฮ้ไผเด้สิหล่ำมอง
    คันแม่นอ้ายฮักน้องให้เอาของมาฝากแน่เด้อ
    หูฉลามว่านั้นโตน้องแม่นบ่ขีน อ้ายเอ้ย


    ตอบแทนผู้สาวให้แล้วเด้อหมอ อิอิ
    จงเอาชนะในความยาก มิฉะนั้นความยากจะชนะท่าน

  6. #6
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    บู๋ยยย..หูฉลาม พะนะ เว้าเป็นตาทุกข์แท้ แต่หางมันยังบ่มีวาสนาได้เลียอยู่แมะ คันทอดปลาทูเค็มกะพอสิมีให้อยู่ดอกน้อง อิ อิ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  7. #7
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    บาดแต่ห่างไกลหน่าอ้ายบ่จามาเว่าส่ง
    นางกินหยังกะบ่อลงหลับบ่อิ่มเต็มตา..อ้ายเอ้ย
    ย่านบ่อม่มปีหน่าก่อนแล้งดอกเด้อพี่
    อยู่ไปพอสำนี่แล้วแต่บุญกรรม
    คั่นผลบุญที่เคยทำนำคําคูณส่อง
    คงสิมีอ้ายน้องกินข้าวฮ่วมพา..น้ออ้าย


    .. เอาโตให้รอดปีหน่าพาแลงเด้ออ้ายเด้อ..หมากเขียบกะแล่นหลบให้ม่มเด้อ..;d
    มองต่าง..อย่างปลง

  8. #8
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    อ้างถึง:.. เอาโตให้รอดปีหน่าพาแลงเด้ออ้ายเด้อ..หมากเขียบกะแล่ นหลบให้ม่มเด้อ..;d

    ฮ่วย..อั่น E nang unni แหม สีกปากคนซะบ้อเหอ


    แม่นเอาปากอยู่บ่หล่า ขานวาจาคำบ่ม่วน
    อ้วยมาคึดอยากซ้วน เต๋ส่วงให้ซ่วงขา แท้นอ
    ความปากเว้านั้นน้า มันคึดฮอดหรือใด
    มันห่วงใยหรือดัดแปลง แซ่งให้ตายหายม้ม
    จั่งแม่นนอEนางส่ม แปลงคารมมาเว้าต่อ
    ศรีมาให้งึดง้อ นอนี้กะซ่างเป็น

    อิ อิ อิ ปรอบซัวะไส่มันนี้แมะ บ่ว่าดอกผญา ป้อยโลดดอก ฮึ อิ อิ อิ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  9. #9
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    กะคึดฮอดตั้วะเนาะ..บ่คึดฮอดอ้ายศรี สิไปคึดฮอดผ๋ายย..ให้พรน้องอยู่สุมื้อเว่ยยเนาะ...กร้ากกกก..
    มองต่าง..อย่างปลง

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •