แม่ครัวคร้านแล้วจ้า...กินง่ายๆแบบนี่หละ อิอิ

[ติ๋ม เปอร์โย]

ไปทำงานหลายมื้อแล้ว เมื่อยหลายคร้านนำ เลยบ่ฮู้สิกินหยังดีเนาะพี่น้อง...
มื้อวานนี่ตำแตงใส่ปลาย่าง กินกับข้าวมันปูหุงแซบๆ...ทุกมื้อนี่ติ๋มบ่กินข้าวขาวแล้วจ้า เพื่อสุขภาพ...
ข้าวหุงเหลือจากมื้อวานนี่นิดเดียว...มื้อนี่กะเลยเกิดเมนู ข้าวผัดหมูใส่ไข่จ้า ง่ายๆ

เตรียมเครื่องปรุงเลยจ้า...ข้าวมันปูหุงที่เหลือจากมื้อวาน,หมูชิ้นหนึ่งประมาณ100กรัมได้บ่ อิอิ
ไข่ไก่1ฟอง,หอมแดงหั่น1หัว,แครอท+บล็อกโคลี่หั่นลวกพอสลด,หมากนัดหั่น,มะเขือเทศหั่น
น้ำมันโอลีฟออย บอกแล้วว่าเพื่อสุขภาพ55++ พริกไทย,เกลือ,น้ำตาล,ชีอิ๊วขาว ปรุงรสจ้า

จัดการผัดหอมใหญ่เลยจ้า พอเริ่มหอมใส่เนื้อหมู ผัดพอสุกปรุงรส ผัดต่อจนหมูสุก ใส่ข้าวยีให้กระจาย...
เขี่ยไปไว้ขอบกระทะ ใส่ไข่ลงไปยีให้แตก เอาข้าวลงมาผสม ผัดให้เข้ากัน ใส่ผักต่างๆเลยจ้า
ผัดต่อไป บ่ต้องโดนดอก ผักสุกมาแหน่แล้วจ้า....

ตักใส่จานเสริ์ฟกับพริกน้ำปลา1ถ้วยน้อยๆ(หรือน้ำปลาพริกหว่า สับสน5555++)
ปรุงรสกลางๆไว้จ้า บ่ต้องให้เค็ม เพราะยามกินใส่น้ำปลาเค็มเด๋...เชิญแซบจ้า...

อันนี่ตำแตงใส่ปลาย่างแห้งป่น...หมู่เอามาฝาก
เอามาเป็นโตบ่ได้จ้า ได้หน่อย เลยตากปลาย่างแห้งๆ ตำละเอียดใส่กระปุก แล้วมาแบ่งกัน...
แบบนี่หละพี่น้องไกลบ้าน ได้หยังมากะเอามาแบ่งกัน...บ่ได้เป็นโตมา บดมากะยังดี...หลูโตนเนาะ...