กำลังแสดงผล 1 ถึง 4 จากทั้งหมด 4

หัวข้อ: เอิ้นสั่งสาว

  1. #1
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    เอิ้นสั่งสาว

    บ่อยากพลัดพรากหน้าจำห่างนางหนี
    อยู่นำกันหลายปีบ่อยากหนีไกลเจ้า
    การมายุ่งงานหลวงมาไล่
    แม่นว่าโตบ่ใกล้แต่ใจอ้ายหากอยู่นำ
    บ่อยากไกลห่างน้องเวรมาจ่องจำไป
    พอเมื่อตาเวนสายอ้ายสิไกลไลเจ้า
    คันแม่นบุญเคยสร้างผลาเฮ่าเคยฮ่วม
    บุญเฮาเคยได้ร่วมไปแล้วกะต่าวคืน - ดอกนา
    บ่อยากพลัดพรากข้างไกลห่างนางหนี
    ย่านแต่มีชายชมจากชายผู้ไกลบ้าน
    คันแม่นฮอดมื่ออื่นสิไกลท่อนิ้วมือ
    ฮอดมื่อฮือสิไกลท่อนิ้วก้อย
    ไกลมื่อเล็กมื่อหน่อยกะเลยซ้ำล่ำบ่เห็น - น้องเอ้ย
    อ้ายนี้บ่อยากเว้าอกสิเน่านูมใน
    บ่อยากไขวาจาอกสิเพภังท์ม้าง


  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    เอิ้นสั่งซู้ ผู้เคยอยู่ในจิต
    แสนระทมความคิด คั่งคาบ่จาได้
    บ่อาจไขความเบื้อง ย้านเคืองคำหนำใจส่ง
    จิตประสงค์เที่ยงหมั่น แสนกลั้นสิเล่าทน
    หนีจากม้ม คงหายซ่วงทรวงอุก
    คงบ่อมพะนำทุกข์ ต่อตามคือยามนี้
    อยากสิหนีไกลพ้น สถานคนบ่เทียวท่อง
    หลบหลีกจากพี่น้อง ผองเจ้าเผ่าพันธุ์ แท้แหลว

  3. #3
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961


    บ่อยากเอิ้นสั่งน้อง ผู้ข้องอยู่ในหัวใจ บ่อยากไกลนวลนาง ทางสิไกลคิดถึงเจ้า

    จักสิหาคำไดเว้า จักสิเอาคำได๋ว่า ขอห่างแต่ดวงหน้า บ่ลาร้างห่วงหัวใจ

    หากแม่นไผมาจาเอิ้น ส่งบัตรเชิญด้วยยิ้มส่ง หวังอนงค์คิดพ้ออ้าย ผู้กลายหน้า ว่าห่างเหิน (แน่เด้อ)

    บนทางเดินว่าฮักเจ้า สิมาเหงาทางใจพี่ แค่เศษส่วนวินาที ซ่ำเป็นปีพุ้นเด้อหล่า ยามป๋าข้างระหว่างกัน

    สายสัมพันธ์ อย่าหวนขาด วาดความหวังยังคงที่ ใจที่มีแต่ฮักเจ้า ทุกคำเว้าว่าฮักเด้อ




    ขอเอิ้นสั่งนำแน่เด้อ ท่านปรมาจารย์ ทั้งสองเอ๊ย สิไปเอิ้นน้องแพร มาเว้าไส่ดอกเด้อ สั่งเหมิดแล้วกะดาย ฮ่า ๆ ๆ

  4. #4
    แบ่งปันความรู้และประสบการณ์
    วันที่สมัคร
    May 2007
    กระทู้
    184
    สิพากันหนีไปไสน้อ ซุมผู้บ่าวดน สอง สาม คนหนิกะดาย คือพร้อมใจกันมาสั่งลาแทะน้อ จ้า อ้าย ๆ ที่น่ารักกะดาย


    ยามสิไลห่างไกลหน้า ฝากความจามาเด้อพี่
    ฝากคิดฮอดคนทางนี้ ยามหนีข้างมื้อห่างกาย
    ย่านหลายเด้คิดฮอดอ้าย เบิ่งเดือนหงายสิพอส่วง (บ่น้ออ้าย)
    ย่านลมลวงหลอกล้อ มาหย๋อข้างอ้ายห่างใจ
    สายลมไหวเบิ่งใบพร้าว ย่านลมหนาวมื้อขาดพี่
    ไผสิฮี่ผ้าห่มตุ้ม กุมมื้อน้อง จ้องหน่วยตา น้ออ้ายเอ้ย

    ::)

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •