มาฟังคำพอจำได้ ถ้อยคำใด พระสอนสั่ง หยังบ่ซ่ำหม่องนี่ มีพื้นที่อยู่นิดเดียว
แม่นสิเทียวหาไกล ไกล้ สุขอยู่ไส พี่น้องว่า อยู่ใจเฮาหนิหล่ะน่า สุขเกินหน้ากะแม่นใจ
ทุกข์อันได๋ ไผสิเว้า ทุกข์ใจเฮา นี่กะแม่น ทุกข์สุดแสนประมาณได้ ทุกข์ใจนี้ อีกย่างเด้อ
อีกแนวหนึ่งกะว่าเอ้อ ดีใจเด้อ ถ้าเว้าไส่ พ้อของขัวญชิ้นได๋ มะซิไคซ่ำนี้ ดีใจแท้ กะแม่นใจ
หนักอันได๋มะสิเท่า หนักใจเฮาเผิ่นกะว่า หนักสุแนวเหมิดแผ่นฟ้า กลุ้มเป็นบ้ากะแม่นใจ
เบาอิหยังกะเบาใด้ เบาอันได๋มาสิถ่อ เบาใจน้อพี่น้อง บ่มีหม่องสิห่วงหา
อีกอย่างหนึ่ง เผิ่นกะว่า แพ้หยังนาสิโรราบ แพ้จนกราบเผิ่นได้ กะแพ้ใจแม่นบ่น้อ
เสียทรัพย์สิน หรือสิ้นท่า เสียน้ำตาเรื่องบ่ใหญ่ แต่เสียใจหนิคักแท้ แนวมันแย่กว่าใดอย่างได๋
เป็นหลักธรรมให้จำไว้ สิยิ่งใหญ่บันดาศักดิ์ หรือเสียหลักจนขอทาน บ่อนสำราญอยู่ใจนี้
เป็นคติหลักธรรมหมั่น ให้คิดกันอันได๋แม่น แต่สุดแสนสิยากใฮ้ ขอให้ท่านชนะใจ...เจ้าของเด้อ
อ้างข้อความนี้
Bookmarks