[Music]jolo/Poem/Could-prasan.wma[/Music]
สายลมหนาวมายามแล้ว เห็นเป็นแนวกระเจียวท่ง เริ่มสิป่งบ่งปานแป้น แบนเต็มพื้นผักแก่นขม
ฟังเสียงลมพ้ดจ้าว จ้าว น้าวกอไผ่ไปนำกัน มื้อเหมันต์เข้ามายาม กะแม่นยามเหมิดปีแล้ว
คนแซวแซวลงเกี่ยวข้าว ชวนกันเอาข้าวดอใหม่ เสื้อกันหนาวเอาเก็บไว้ สิได้ใช้อีกเทื่อเด้อ
คิดฮอดเธอไผคนนั้น มื้อวสันต์ได้ผันผ่าน เหมันต์เข้าหนาวสะท้าน แต่นานมื้อบ่พบกัน
ตามทางฝันฮอดไสหล่า ฝากคำลานำฟ้าฮ่วน ลมหนาวชวนคิดฮอดบ้าน ใจสะท้านแน่บ่น้อ
หนทางใจได้คิดพ้อ จากคนรอบ่ฮู้ข่าว มื้อสัมผัสพัดลมหนาว คิดฮอดสาวผู้จั่งเจ้า จักสิเว้าไส่ผู้ได๋ น้องหล่าเอ้ย
บ่กล้าปล่อยหมอลำ ย่านพี่น้องบ่อ่าน ผญา สิเต้นไส่แต่หมอลำผมก่อนอ่านแหม๋ ฮ่า ๆ ๆ เปิดฟังเองเด้อพี่น้องเอ๊ย
::)
Bookmarks