กำลังแสดงผล 1 ถึง 6 จากทั้งหมด 6

หัวข้อ: ***-ผญาสอนน้อง-***

  1. #1
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,550

    รอบยิ้มพิมใจ ***-ผญาสอนน้อง-***

    เงินที่พ่อแม่ส่งมาให้ เป็นปัจจัยที่หายาก
    แสนลำบากแท้ๆ กว่าสิได้แต่สลึง
    ให้คำนึงแน่เด้อน้องหล่า ยามเจ้าเอาเงินจับใช้จ่าย
    พ่อแม่เฮาเกือบตาย เพิ่นกะเอาแฮงแลกไว้ กว่าสิได่ส่งมา...น้องเอ้ย

    ตั้งใจเล่าเรียน เหล้ายาอย่ากินหลาย (มันเปลือง) อิอิ


  2. #2
    มิสบ้านมหา 2008 - 2009 สัญลักษณ์ของ หมูหวาน
    วันที่สมัคร
    Sep 2007
    กระทู้
    1,478
    บล็อก
    5
    อิอิ ดีนะ หมูบ่กินเหล้า บ่สั้น ถูกคักๆๆ ผญานี้นะ อิอิ อ้ายชาย ::)::)

  3. #3
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,550

    รอบยิ้มพิมใจ

    น้องเอย...
    เรียนหนังสือซุมื้อนี้ ค่าใซ้จ่ายมันมีหลาย
    ขี่รถยนต์ไปเรียน บ่ย่างเดินคือกี้
    เงินบ่มีพอเฟื้อง เคืองกระเป๋าพวกพ่อแม่
    แต่ละมื้อบ่แม่นหน่อย เอาไปใซ้ค่าอยู่กิน
    ซั่วสิจบอาจสิ้น ล้านกว่าพอประมาณ
    คันบ่จบเสียเลย หนี้สิมีเป็นล้าน
    สิเอาเงินไสให้ แทนเขาพ่อแม่ว่า
    เรียนให้จบเด้อน้องหล่า ชีวาเจ้าสิฮุ่งเฮือง...น้องเอย

  4. #4
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    อ้ายสิสอนสั่งน้อง เยาวนาชคำแพง
    ยอแถลงวาจา กล่าวผญาเตือนไว้
    บ่แม่นหมายสาวไส้ ไลดีงโดยซึ่งเหตุ
    แต่แม่นปิตตุเรศเถ่า สอนเว้าอ้ายจื่อมา
    เกิดเป็นคนให่กล้า อย่าหวังเพิ่งพิงไผ
    จงมีใจหนาหนัก ดั่งหลักศิลาตั้ง
    อย่าไปหวังอาศัยท่าน จักทำการด้วยตัวก่อน
    คันหนักหนาเดือดฮ้อน การจ้อนจั่งเพิ่งพิง

    ของแนวยาวเจ้าอย่ากลิ้ง แนวของดิ่งอย่าถือขวาง
    เวียกทั้งปวงพิจาร์ณา พิเคราะห์หาหนทางแก้
    อันพอแปรปันปี้น จงตัดสีนฮอนตามฮ่อม
    สังเกตซอมผู้ฮู้ ให้เห็นแจ้งแจบกะตา
    คันสงกาจงถามส่อ ยอแถลงแจ้งสาเหตุ
    ฝึกสังเกตให้แก่กล้า ศึกษาแจ้งแล้วจื่อจำ

    อันหนึ่ง มนุษย์หลายหลากล้ำ ในโลกสับสน
    ชื่อว่าคนคนคน ป่ายปนวนเกี้ยว
    มีทั้งคนกลเสี้ยว คนเปรียวปี้นปั่น
    อย่าใจซื่อสำคัญ ฮู้จักกันบ่ขวบมื้อ สิถือเกี้ยวเป็นเสี่ยวเกลอ พระเฮยฯ

  5. #5
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,550
    น้องเอย...
    ไปโรงเรียนซุมื้อนี่ ไปเรียนแนกะยังไค
    เหลือแฮงไปนอนซม ผุบ่าวเกซายซู้
    บ่มีเลยความรู้ ไปหาเรียนการเที่ยว
    เสียมูลมังพ่อแม่ให้ เสียได้กะบ่แคร์
    เป็นจังซี่พ่อแม่เลยแย่ ส่งลูกต่อในทางเก
    ลูกทำเพให้เสียหาย พ่อแม่ตายในทางอ้อม
    ลูกซายดีลูกสาวดี ควรเตรียมพร้อมกระทำดีต่อพ่อแม่
    บ่แม่นเฮ็ดให็แย่ ไปนอนซ้อนก่อนแต่งงาน
    มันสิอายไทบ้าน ไปไสเขากะฮ้องไส่
    สิอับอายพ่อแม่เจ้า เข้าใจแล้วให้ฮิ่นตรอง...พระเฮยฯ

  6. #6
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,550

    รอบยิ้มพิมใจ Re: ***-ผญาสอนน้อง-***

    อ้ายเหยี่ยวดำขออาวเอื้อน เตือนหมู่ซุมสาว
    กำลังทาวเคลือไป ใฝ่เฮียนความฮู้
    อย่าสิลืมครูเฒ่า ผู้ลาวหาเงินมาส่ง
    พ่อกับแม่จนหลังโก่ง คอยทำงานอยู่บ้าน แฮงหน่อยเผิ่นค่อยทน
    ส่งให้ลูกผู้ต้น ไปเฮียนต่อมอสูง
    ส่วนอีนางคนปลาย ส่งให้เฮียนมอต้น
    ทนหาเงินมาให้ เหมิดปีจนว่าเมื่อย
    ขนเอามาอยู่เรื่อยๆ หาได้กะบ่อยัง
    ย้อนว่าหวังสิเพิ่งเจ้า ได้เฮียนต่อมอสูง
    ว่าสิเอาปริญญา มาต่อเติมเสริมท้าย
    หนูอย่าทำขายหน้า เฮียนวิชาไปแนวอื่น
    ยามกลางค่ำกลางคืน ไปเบิ่งหนังย่านเล่น ไปเทียวเต้นอยู่เลาะบาร์
    จักว่าซิ่งหรือว่าซ่า เด็กรุ่นใหม่แสนซน
    บ่อทันโดนผัดขอเงิน พ่อแม่โตอยู่ทาง
    หน่อยบ่อนานผัดมีท้อง มารหัวพองบ่อมีพ่อ
    เลยบ่อได้เฮียนต่อ กลับมาเลี้ยงลูกน้อย ไทบ้านสิฮุ่มฮอ
    เห็นมาแล้วอ้ายจั่งขอ พ้อมาแล้วอ้ายจั่งเว้า เจ้าอย่าลื่นคำจา
    ปริญญาความฮัก แม่นบ่อเฮียนกะมีได้
    ค่อยอยู่ไปเฮียนไป ยามเฮาเฮียนจบแล้ว
    จั่งหาเอาไห้เขาส่า
    อย่าไปขายขี้หน้า มารดาเจ้าผู้อยู่เฮือน
    เปลื้อนกะได้อยู่ดอกน่า แต่ผ้านุ่งแพรถือ
    แต่ว่าความสาวนาง อย่าให้มีแนวเปลื้อน
    บ่อทันมีเงินเดือน เฮียนบ่อทันเถิงโผ่ง อย่าหลงไปให้เข่าส่า
    เงินขายไห่ขายนา เอามาป้อมใส่เจ้า บ่อทันได้ถ่ายคืน
    บืนให้มันเถิงทาว ซาวให้มันเถิงขั่น บ่อทันโดนสิม้มฝั่ง
    พ่อแม่ฝากความหวัง ไว้กับนางแล้หล่า
    อย่าขายหน้าแม่อยู่เฮือน เฮียนสูงแล้วให้ฮ่ำเพิงเด้อ
    สาวนักเรียน นักศึกษา อนาคตของชาติเอ้ย


    จากอ้ายเหยี่ยวดำฯ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •