กำลังแสดงผล 1 ถึง 9 จากทั้งหมด 9

หัวข้อ: ฝากให้พี่และน้อง

  1. #1
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    ฝากให้พี่และน้อง

    ขอเจริญธรรมถ้อยสาธยายขยายวาด
    บ่แม่นปราช์ญผู้ฮู้หากเคยได้ฮ่ำเฮียน
    หลายปีเดือนที่มาเข้าเนาคาเมนำหมู่
    มีหลายอันได้ฮ่ำฮู้เห็นแจ้งคู่สู่แนว
    ใจให้ใสดั่งแก้วอย่าให้ขุ่นมัวหมอง
    ไผผู้ครองความทุกข์ให้ปล่อยวางสาเด้อเจ้า
    หลายคนหลายความเว้าคันหูเบามันสิยาก
    หากแม่นหนักแบกไว้ใจนั้นบ่ซื่นบาน
    คันสิเว้าบ่อนบั้นมวลมนุษย์โลกา
    ปราถนาความสุขบ่ต่างกันพอน้อย
    ไปตามฮอยคำซี้พุทธองค์สอนสั่ง
    อันความหวังวาดไว้บ่มีได้ดั่งประสงค์
    จิตจำนงค์หมายหมั่นมีหลายอันพันอย่าง
    ตกหว่างมาฮอดแล้วบ่สมแม่งหน่วยมโน
    คันสิคิดอ่าวโอ้คนิงเรื่องเคืองใจ
    บ่มีไผสมหวังดั่งกันเสมอด้าม
    ยามสมใจกะหัวห้าวคราวผิดหวังผัดนั่งเจ้า
    ไฟนรกอูดเอ้าเผาไหม่อยู่บ่เป็น
    เฮียมเคยเห็นมาแล้วประสบการแปวป่อง
    ถือเอาคองบ่อนฮู้พระธรรมเข้าเพิ่งใจ
    แนวหวังบ่คาดได้นั้นบ่แม่นของโต
    เอาพุทโธกวมกังนั่งทวนให้เห็นแจ้ง
    แสงปัญญานำซี้บ่มีหยังหมั่นแก่น
    อยู่ในแดนโลกกว้างบ่มีหม่องแก่นสาร
    ยุทธการคือนามข่ามหาการโป้ยก่าย
    สาธยายพอซ่ำนี้สิหาหม่องบ่อนลง ก่อนเด้อ...


  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    แจ่มมโน โสสุดเลยท่าน เอาอีก เอาอีก

  3. #3
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    สารยายมะโนสร้างกุศลศรีสิยู้ส่ง
    จิตจำนงค์สู่ร่างทางม้างกะห่างหนี
    บารมีมอบตอบแทนให้น้ำใจใสสะอาด
    ปรารถนามาตรมุ่ง ให้สมแม้น ดั่งผไท เด้ออ้าย เด้อ.....

  4. #4
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    อ้างถึง:สารยายมะโนสร้างกุศลศรีสิยู้ส่ง
    จิตจำนงค์สู่ร่างทางม้างกะห่างหนี
    บารมีมอบตอบแทนให้น้ำใจใสสะอาด
    ปรารถนามาตรมุ่ง ให้สมแม้น ดั่งผไท เด้ออ้าย เด้อ.....

    ทางกุศลว่านี้ ศรีบ่หวังยู้ส่ง..ไผเด้อ
    ย้านมันลงโคกคล้อย ถอยเข่าบุ่งหนาม...แข่มควกๆๆ เหอ ๆ ๆ

  5. #5
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    อ้างถึง:สารยายมะโนสร้างกุศลศรีสิยู้ส่ง
    จิตจำนงค์สู่ร่างทางม้างกะห่างหนี
    บารมีมอบตอบแทนให้น้ำใจใสสะอาด
    ปรารถนามาตรมุ่ง ให้สมแม้น ดั่งผไท เด้ออ้าย เด้อ.....

    เพิ่นว่าใจใสแล้วผิวพรรณกะผุดผ่อง
    คันจิตหมองหม่นเศร้ากายนั้นกะล่าเหลือง ตั้วนาง


    เฮ็ดใจให้เป็นกลางวางใจให้เป็นหนึ่ง ว่าสั้นเด้เพิ่นว่า[/size]

  6. #6
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    ทางกุศลว่านี้ ศรีบ่หวังยู้ส่ง..ไผเด้อ
    ย้านมันลงโคกคล้อย ถอยเข่าบุ่งหนาม...แข่มควกๆๆ เหอ ๆ ๆ

    แม่นเป็นจั้งใด๋เกาะมุ้งหนามแมะ เคยเห็นแต่มุ้งเหล็กสวยบัว
    อยู่ ส.ณ.พยาไท นั้นหละไปนำเอาใบขับขี้มื่อวานเห็นยุ อิอิ

  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    อ้างถึง:แม่นเป็นจั้งใด๋เกาะมุ้งหนามแมะ เคยเห็นแต่มุ้งเหล็กสวยบัว
    อยู่ ส.ณ.พยาไท นั้นหละไปนำเอาใบขับขี้มื่อวานเห็นยุ อิอิ

    โอ๊ยเนาะ ซังเด้ซุมผู้เถ่าตาบ่ดีนี้แมะ บุ่งหนาม ซั้นเด้ บ่แม่น มุ้งหนาม หืยย
    บุ่งหนาม กะแปลว่า พงหนาม นั้นหละ ให้อธิบายหล่อนปานในหมากกอกใส่ตำหมากหุ่งเหิ่มโพดเว้ย หน่ายหลาย อิ อิ อิ

  8. #8
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ฝากเป็นกลอนอักษรตั้ง โวหังผญากล่าว
    พอให้ชาวพี่น้อง เห็นหม่องแม่นหมาย
    ฝากไปเถิงน้องอ้าย ภายพี่ยินดีดอม
    ขอจงพิจาร์ณาซอม ส่องใสใจแจ้ง
    ยอแสดงในข่อ ตามคำหมอท่านโป๊ยก่าย
    สาธยายแต่งแต้ม แกมแก้กล่าวกลอน
    บทสะท้อน ชีวิตและสังคม
    มีหลายมุมมนกลม เหลี่ยมลายหลายพื้น
    มีจุดยืนหลายบั้น เห็นดีกันคนละฝ่าย
    เป็นเถิงน้องและอ้าย ยังเห็นจ้ายต่างตา
    มนุสสาทั้งหลายล้น พันคนฮ้อยพ่อแม่
    พื้นฐานแปรบ่แน่เนิ้ง เปิงบ้านอ่านบ่เห็น
    สมควรเป็นคติตั้ง ยังใจให้หลิงหล่ำ
    อุเบกข์ธรรมกล่าวไว้ สอนให่ปล่อยวาง
    อย่าไปติดอยู่ท้าง ทางอุ่มซุมหนาม
    ทำดวงจิตให่ใสงาม ปฏิตามพระธรรมเจ้า
    อันใดแนวหมองเศร่า อย่าเก็บเอามาอิงใส่
    ศรีขอไขบอกแจ้ง แสดงไว้ที่ควร พระเฮยฯ


    โวหัง(โวหาร,คำกล่าว) / จ้าย(ฝ่าย,ฝั่ง) / มนุสสา(มนุษย์) / ฮ้อย(ร้อย/จำนวน) / เนิ้ง(เอนเอียง) / เปิง(ธรรมเนียม,วิถีชีวิต) / หลิงหล่ำ(ดูแล) / อุเบกข์(อุเบกขา,วางเฉย) / ท้าง(แอ่ง,ที่ลุ่ม) / อุ่ม(พุ่ม) / ปฏิ(ปฏิบัติ)

  9. #9
    หญ้าคมปาว
    Guest
    นัวแฮงพีเอ้ย...ขอบคุณครับ..8):g:g:g:g:g

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •