กำลังแสดงผล 1 ถึง 5 จากทั้งหมด 5

หัวข้อ: โป้ยก่ายวอนแฟน

  1. #1
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    โป้ยก่ายวอนแฟน

    พี่น้องเอ้ยขึ้นเฮือนใด๋เขากะเว้า
    ไปทางใด๋เขากะซ่า
    ว่าโป้ยก่ายจ่ายผญาหาจีบสาวทั่วบ้าน
    จริงแท้ให้ค่อยฟัง – เอาเด้อ
    อันความในของข้ามหาการโป้ยก่าย
    อธิบายให้ฮู้แจ้งให้ฟังถ่อนอย่ากล่าวขัวญ
    คำสำนวนผญาเว้าอย่าถือเอามาเป็นเรื่อง
    เพียงแต่จาหยอกเหล่นนำเพื่อนหมู่สหาย
    จุดมุ่งหมายได้มาเหล่นซุมแซวกันพอได้ม้วน
    บริสุทธิ์ล้วนล้วนใจนั้นหากซื่อตรง
    ความประสงค์เที่ยงแท้หากถือแต่ความดี
    บ่คนิงคิงเคืองกล่าวเสียไปทางฮ้าย
    แนวคนหลายความเว้าฟังเอาไปตรองเบิ่ง
    เทิงเรื่องดีเรื่องฮ้ายฟังแล้วไปฮิ่นตรอง
    บ่เคยนำมาข้องหมองใจแม่แต่หน่อย
    บ่ได้คอยล้ำจ้องมองเรื่องผู้อื่นไผ
    ฟังแต่หูนิ่งไว้ใจบ่รับวางเสีย
    เรื่องส่วนโตไผเฮาบ่ก่ายเกินแต่พอน้อย
    ไปตามฮอยขบวนตั้งหวังความดีเสริมส่ง
    จรรโลงศีลวาทเว้าภายพื้นถิ่นอี่สาน
    อู้จักกันเป็นหมู่บ้านโฮมกลุ่มเป็นไทเดียว
    ให้กลมเกลียวสามัคคีหากแม่นใจประสงค์ไว้
    อีกต่อไปทางหน้าหนีไกลกันคนละบ่อน
    คันแม่นหลอนพบพ้ออย่าลืมข้อยให้จือจำ - แน่เด้อ


  2. #2
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    ไม่ลืม ไม่ลืม ไม่ลืม ไม่ลืม ไม่ลืม ดำเนิน

  3. #3
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    อย่าฟ้าวลืมผมก่อน อย่าค้อนหรือเคืองหน่ายแหนง
    คอยด้วยใจเต้นแฮงมิตรแห่งกำลังใจ
    จืดกะยังบ่จางห่างกะยังชิดใกล้ วอนขอกำลังใจ
    บ่ลืม บ่ลืม แฟน แฟน บ่ลืม บ่ลืม แฟน แฟน บ่ลืม แฟน แฟน...


    ขอบคุณสำหรับพวงมาลัยแบ้งค์ห้าร้อย อิอิ...

  4. #4
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963
    ฟังคำผญาอ้อนวอนแฟน พี่น้องเอ๋ย
    โป๊ยก่ายเผย ควมในใจ ฟังเอาไว้เด้อน้องหล่า
    ยามเพิ่นแซว ว่าอยากต้อน อยากขอซ้อน อย่าไปซา
    เพิ่นมาว่า อยากขอเกี้ยว เจ้าอย่าเทียวหลงคารม


    ...เอ...ค่อยเว้าถือบ่อ้ายโป๊ยก่าย...อิอิ

  5. #5
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    ว่าไปโลดท่าน คือสิถืกอยู่ดอก อิอิ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •