ผญาจ่มให่วัยรุ่น อิอิ

[บ่าวตี๋ คนหล่อฝั่งซี]

ตกมาปีสองพันห่า ประชาไทยมาใจต่างแท่น้อ
เพลงฝรั่งเปิดเปรี้ยงป้าง พิณแคนฮ่างแม่ใหย่เอ้ย
พากันหัวเว่าเย้ย ธรรมเนียมเก่าแต่คาวหลัง
พากันซังมูลมังโต ไปเห่อโซว์แต่ของนอก
เพลงสตริงสตอก บอกว่าม่วนทันสมัย
เปิดหมอลำเพิ่นอยากอาย มาต่ำหลายเหบิดลายโก้
เห็นของโตเป็นของถิ่ม ไปหลงซิมจิ้มของใหม่
เปิดแต่บุญตายาย ลายอิสานที่อ่อยเว่า สิเหลือเค้าแนบ่น้อ

ถ้าซ้ำก้อขออภัยมา ณ ที่นี้ด้วยจ้า อิอิ

[ศรีสะท้าน]

คงบ่ซ้ำดอกท่าน ตามอ่านทานดู
แต่มีหลูหลุยหลุด ตรงชื่อคำนำกระทู้
เพื่อให้ดูดีขึ้น ศรีฯเลยขืนเปลี่ยนให้ใหม่
"วัยรุ่น"เด้อแก้ให้ ภาษาใช้จั่งบ่เสีย

ขออนุนูญาตเปลี่ยนคำในหัวข้อให้ใหม่ จาก วัยสะรุ่น เป็น วัยรุ่น เด้อ เพื่อบ่ให้ขัดกับเจตนารมณ์ เรื่องการใช้ภาษาของเว็บบ้านมหาเพิ่น ครับ

[sompoi]

แจมนำแน่ะ..

เป็นละอ่อนน้อยข้อ คำสอพลอให้ระวัง
คือควมสอนแต่คราวหลัง เบิ่งผุเฒ่าเล้าพาไป
คำเว่ามาปราศัย แทนควมในกะดั่งกัน
เว่าควมดีศรีนั่น เว่าบ่ม่วนคนกะซัง...หล่าเอ้ย