[Radio]jolo/Poem/Phanom.wma[/Radio]
ประวัติองค์พระธาตุพนม
พระธาตุพนมคู่บ้าน คนอิสานแต่เก่าก่อน ได้ขอพรกราบก้ม พนมไหว้ให้ฮุ่งเฮือง
พญาเมืองทั้งห้าได้อาสาบุกบั่น พระอรหันต์ตั้งห้าร้อย ตามฮอยท่านพระกัสสปะ
เพื่อชำระบัตญัติไท้พระวินัยเติมต่อ สังคายนาบทข้อ พระธรรมน้อต่างสมัย
เมื่อท่านพระเทพไท้นิพพานได้ เก้าวันเพ็ญ (3 เดือน) จั่งได้เป็นเวลา สร้างสถาปณาไว้ ..... (สร้างครั้งแรก ชั้นเดียว)
ยามผ่านไปดนเต็มที่ ได้เจ็ดปี เจ็ดเดือนผ่าน มื้อพญาอินทร์ท่าน สั่งการเทพมาไส่ลาย ..... (เพิ่มลวดลายพระธาตุ)
พระวิสสุกัมมาเทวบุตรได้ เติมไส่ลายวิจิตร ที่ประดิษฐานพระอุรังคธาตุไท้ ..... (กระดูกส่วนหน้าอกของพระพุทธเจ้า)
ห้าร้อยปีผ่านได้ เทวาลัยห้าท่านเก่า สำเร็จอรหันต์เข้า เอาใจตั้งมาต่อเติม
เปลี่ยนชื่อเดิมตั้งแต่ต้น ปนพระธาตุกลายเป็นป่า ชื่อ "อุโมงค์ภูกำพร้า" ได้หาพ้อห่อคัมภีย์
พญาสุมิตธรรมวงศานี้ มาจากศรีโคตรบูร ซ่อยเกื้อกูลนำคน กับไพร่พล สร้างเมืองบ้าน
เวลากาลกะเหมิดสิ้น ได้แปรปิ้นกลายเป็นป่า จนชาวเมืองชวา ได้กลับมาพบพ้อ จั่งขอสร้างแต่งเติม ....(เมืองชวา คือหลวงพระบาง)
พญาโพธิสาลเพิ่ม เติมแต่งธาตุอีกหน ลูกชายโทนไชยเชษฐา ทุกพรรษามากราบไหว้ (สร้างเพิ่มเติม เป็นสองชั้น)
ดนนานหลายปีพ้น จนเหมิดช่วงยุคสมัย จนผ่านไปสองพันปีจารึกมี มาอีกช่วง (ประมาณปี พ.ศ. ๒๑๕๗)
............. ตองสอน - ตอน 2 ต่อบาดหนิ..........
สองพันหนึ่งร้อยห้าสิบเจ็ดปี จั่งเกิดมีผู้เติมต่อ คนที่มาพบพ้อต่อเติมสร้างแม่นพญา เผิ่นนั้นได้ชื่อว่า
พญานครหลวงพิชิตราชธานีศรีโคตบูรหลวง (เมืองนครเก่าอยู่ใต้เมืองท่าแขกฝั่งประเทศลาวเดี๋ยวนี้ )
ปั้นแต่งช่วงข้างกำแพง ได้สร้างแปงเหมิดสี่ด้าน กะเนิ่นนานในช่วงนี้ เจ็ดสิบหกปี ได้เลยผ่าน (ปี ๒๒๓๓ - ๒๒๔๕)
มีสมเด็จพระสังฆราชาอีกท่านมีญาณพ้อได้ส่องเห็น กะได้เป็นผู้ทรงโปรดชื่อว่า สมเด็จพระสังฆราชาสัทธัมมโชตนญาณวิเศษ
(เจ้าราชครูหลวงโพนสะเม็ก)
ได้สร้างเขตชุมชนไหม่ พาบ้านเฮือนสามพันได้ อาศัยซ้นบนถิ่นธรรม ยกกันมาจากก้ำ นครใหญ่เวียงจันทร์ หฤหันต์สับสน
หลายผู้คนจั่งลาบ้าน มาเฮ็ดงานซ่อยสร้าง บางแต่งอยู่สิบปี จนธาตุมีความได้สูงฮุ่งเฮือง ขึ้นมาได้ (สูง ๔๕ เมตร)
เอาสิ่งของหาบ่ได้ แก้วแหวนทองของมีค่า พระพุทธรูปทองล้ำค่า มาเติมไว้ไส่อยู่กลาง (กลางองค์พระธาตุ)
แล้วจากปรุงแต่งสร้าง เลยได้วางตั้งเป็นชื่อ ธาตุปะนม นี่หล่ะคือ ชื่อเผิ่นตกแต่งไว้ ให้เฮาใช้ได้ต่อมา
ข้ามผ่านสู่แผ่นฟ้ารัตนโกสินทร์ จากแผ่นดินเวียงจันทร์ สายสัมพันธ์คือเดิมเค้า
(พ.ศ. ๒๓๔๙ - ๕๖ เป็นสมัยต้นแห่งกรุงรัตนโกสินทร์ ตกอยู่ในรัชกาลที่ ๒)
มาแต่งเติมกะคือเจ้า อนุวงศ์ประธานใหญ่ จากเวียงจันทร์บ่ไกลไกล้ ศัทธาไท้ได้เบิ่งแยง
ผู้ร่วมแฮงกะคือท่านพระบรมราชาสุตตา (เจ้าเมืองนครพนม) กับพระจันทสุริยวงศา แห่งเจ้าเมืองมุกดาพุ้น( เจ้าเมืองมุกดาหาร)
เฮ็ดทางปูนพูนตั้ง หอระฆัง ทั้งหอพระ ทางระยะยาวโค้งโน่ง ติดโขงน้ำแม่นที
ผ่านหลายปี ซ่อมครั้งห้า มีพระครูเดินทางมา จากอุบลฯ เมืองคนหล่อ วัดทุ่งศรีเมืองพุ้นน้อ มาขอซ่อมโบกปูน
ได้เพิ่มพูลให้แสงส่อง เฮ็ดลงรักษ์ปิดทอง พ้องติดดาวระฆังใหญ่ เอาแผ่นทองหุ้มยอดไว้ ไสวแจ้งบาดล่ำมอง
พระะครูวิโรจน์รัตโนบลพี่น้อง ผู้เทียวท่องเป็นประธาน จนว่างานสำเร็จ ทั้งเฮ็ดแปงกำแพงชั้น
............ไกล้สิจบแล้วหล่ะ จั่งสิว่าต่ออีกเทื่อเด้อครับ พี่น้องเอ๊ย............
Bookmarks