มะขวิด หมากขวิด บักขวิด ครับ ทางเหนือเอิ้นว่ามะฟิต หน่วยคือบักตูมนี่ล่ะครับ หน่วยสุกเนื้อกะกินได้คือบักตูม หน่วยกะพอ ๆ กัน แต่ต่างกันกับบักตูมคือกลิ่นครับ หอมคนละอย่าง เป็นต้นไม้ยืนต้นขนาดกลาง แตกกิ่งก้านสาขาตรง บริเวณส่วนยอดของลำต้น ตามกิ่งก้านจะมี หนามแหลมคมขึ้นอยู่ทั่วไป เปลือกลำต้น เป็นสี เทาเกือบดำ ใบมน ๆ บ่อมีหยัก ดอกสีขาวครับเนื้อของลูกสุกเอามาเฮ็ดผลไม้กวนได้ครับ คุณค่าทางอาหารกะมีสารเพคติน กรดอินทรีย์ วิตามินซี น้ำตาล และอื่น ๆ เนื้อมะขวิดดิบ มีกรดอินทรีย์ มีสารฝาดสมาน มีวิตามินซี มีสารเพคติน และอื่น ๆ ใบสดจะมีน้ำมัน หอมระเหย ส่วนรูปที่นำมาให้เบิ่งนี่ผมกะได้เพาะเม็ดไว้แล้วครับ กะว่าเอาต้นตอไว้เสียบยอดบักนาว บักหูด บักส้มโอ ไว้แจกพี่น้องยามพี่น้องมาหาครับ เพาะว่าฮากบักขวิดนี้หาอาหารเก่งครับ เสียบยอดเป็นหน่วยยามใด๋สิเอารูปมาให้เบิ่งเด้อขอรับ...กระผม...
Bookmarks