กำลังแสดงผล 1 ถึง 8 จากทั้งหมด 8

หัวข้อ: .........วันที่บ่มีอ้าย...........

  1. #1
    แบ่งปันความรู้และประสบการณ์
    วันที่สมัคร
    May 2007
    กระทู้
    181

    .........วันที่บ่มีอ้าย...........

    [SIZE="3[MUSIC]http://dc167.google.co.th/img/62674288/2e97e4d5/dlink__2Fdownload_2FfLtKNxn5_3Ftsid_3D20110622-115941-8c150953/preview.mp3[/MUSIC]

    .........วันที่บ่มีอ้าย...........


    มาฮอดมื้อบ่มีอ้าย ทุกความหมายบ่มีค่า ดึงเวลากลับบ่ได้ ไปทางหน้ากะบ่เป็น
    แสงจันทร์เพ็ญเด่นกลางฟ้า สิคอยถ้าผู้ได๋เบิ่ง ความคิดเถิงคำคิดพ้อ มีความท้อรอรับขัวญ
    หนทางเทียวหม่องฮั่น คิดฮอดวันนั้นข้างพี่ ยามบ่มีอ้ายอีกแล้ว หัวใจแป้วแนวห่วงหา
    มีเฮ็ดหยังน้อแผ่นฟ้า ดวงดาราท้าแสงส่อง ใจหม่นหมองน้องขาดอ้าย สิหายหน้ากล้าอยู่ไส
    น้ำตาไหลไต่ตามแก้ม แถมใจหม่นปนผิดหวัง ทุกความหลังยังทวงถาม ฮอดมื้่อยามบ่มีอ้าย
    หยิบเม็ดทรายหลายเต็มพื้น เป็นล้านหมื่นนับบ่ไหว เทียบกับใจฮักพี่ชาย สิแม่นหลายกว่าทรายแท้


    .........วันที่บ่มีอ้าย...........


    .
    [/SIZE]
    แก้ไขครั้งสุดท้ายโดย sompoi; 22-06-2011 at 18:53. เหตุผล: แก้ไขลิงค์เพลงจ้า

  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    อ้ายต้องจำจากจ้อย พอยพรากสะเหนหา
    วันเวลาเวียนลับ บ่อาจกลับคืนโค้ง
    คำประสงค์บ่สมแม้ง ยางสะแบงดอกไกลหง่า
    อินถะหวาสะมั่งเอื้อง สิไกลเบื้องบ่อนกระถาง
    จำปาจางสีเศร่า อับเฉาหลุดหล่น
    คือดั่งคนส่ำอ้าย สิกลายพ้นหลีกหนี
    หลบหลีกลี้ หนีไปอยู่หนไกล
    แม่นว่าใจคะนิงนำ กะส่ำพอเพียงเว้า
    ขอทนเหงาเอาใจสู้ บู๋ดงพงป่า
    บ่เห็นหน่านาดน้อง ผองเซื้อเผื่อได้ลืม
    ความในใจ อ้ายหากแสนปลาบปลื้ม หลายสิ่งที่เคยเป็น
    บ่อยากเห็นพานพบ แค่อยากจบใจยั้ง
    คนทุกขังคืออ้าย อายเขาคนเว้าว่า
    แนวอีกา ปารถนาฮ่วมห่อง หงส์นั้นหากบ่ควร แท้นาฯ


    สะเหนหา(เสน่หา) / ยาง,สะแบง(ดอกยาง.ดอกสะแบงที่มีปีก ระยางค์ยื่น หมุนได้) / อินถะหวาสะมั่งเอื้อง(ชื่อดอกไม้) / บู๋(บุก.แหวกเข้าไป) / คนทุกขัง(คนจน)
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    วันที่เคยมีอ้าย...............หลายความหมายได่สอนสั่ง
    สิทุกข์สุขหลายกะตาม..........อยู่นำใจโตเด้อหล่า
    มื้อนี้อ้ายมาลาไล............ตายจากไปกะดั่งกัน
    แต่ว่าอ้ายคนนั้น.............ในมโนนางจำบ่ลืม
    คนที่ยืมกุมมือเว่า...........คุยทุกข์เศร่าสู่กันฟัง
    ถึงวันนี้สิอ้างว้าง............แต่หนทางยังต้องสู้
    อ้ายเป็นคนสอนให้ฮู้..........ให้อยู่ได่ในวันบ่อมีอ้าย..แท้นา.
    ..................................................................ปล. มุดเอาแม๋ะอ้ายศรี..อิอิ..และขอบคุณเพลงและกลอนเพราะจากน้องแพรจ้า..8)
    มองต่าง..อย่างปลง

  4. #4
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    หนีแหน่ ส้มป่อย..อย่ามาอิซิอิมซิมนำเขาหลาย คนพวมกะลังสิจีบสาวอยู่แมะ..ไก่น้อย เฝ้าต้นทางให้อ้ายแหน่เด้อ อิ อิ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  5. #5
    แบ่งปันความรู้และประสบการณ์
    วันที่สมัคร
    May 2007
    กระทู้
    181


    เห็นแต่ความอ้างว้าง ทางเส้นเหงาเงาเป็นหมู่ คนที่อยู่ในใจนี้มีเพียงอ้ายนั่นผู้เดียว

    ฮอดมื้อเกรียวสัมพันธ์ฮ้าง ความจืดจางวางแทนที่ ความหวังดีส่งน้องยิ้ม คือวางทิ่มซ่างบ่แล

    มีเพียงแคร์ฝากนำอ้าย ถึงสิหน่ายจำนรรจา ความห่วงหาทาคิดถึง ยังจ่องดึงยุเด้ออ้าย

    ถึงสิกลายเป็นอื่นแล้ว บ่เห็นแนวมาเชื่อมต่อ น้องยังห่อความรักใคร่ กับใจช้ำไว้อยู่เด้อ

    ยิ้มเสมอฟังข่าวอ้าย ยามเผิ่นกลายเป็นดาวเด่น บ่ได้เห็นบ่ได้เว้า เอาใจช่วยด้วยหนึ่งคน

    กัดแข่วทนฟังความเศร้า ว่าอ้ายเหงาบ่มีหมู่ คนที่อยู่ไกลจากอ้าย บ่เคยย้ายจากห่วงหา

    บ่เป็นหยังดอกเด้อจ้า ไผสิว่าข้อความได๋ บ่หวั่นไหวในคำลา กะย่อนว่า "ใจดวงนี้ลืมอ้ายบ่เป็น"




  6. #6
    แบ่งปันความรู้และประสบการณ์ สัญลักษณ์ของ สาวพุเตย
    วันที่สมัคร
    Apr 2009
    กระทู้
    298
    หึยยยยยยยยยยยยยยยย...อยากไห้เด้บาดนิ สาวแพรเอ้ย

  7. #7
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,229
    บล็อก
    5


    บ่มีอ้ายให้ห่วงหา แนมสายตาถ่าคอยอ้าย
    :heart:
    ลมหายใจยังจดจ่อ ตั้งตารอพ้อแต่หน้า
    :heart:
    เบิ้ดเวลาแล้วหรือบ่ ปล่อยคนง้อรอควมหวัง
    :heart:
    บ่อาจยั้งทางหัวใจ ถอดวางไว้ให้ญาพี่
    :heart:
    ชีวิตนี้พลีให้ชาย กะคืออ้าย ....แต่ผู้เดียว
    :heart:
    เทียวมาถามตามหาใจ ขอพี่ชายอย่าลาร้าง
    :heart:
    คึดถึงนางแน้บ่น๊อ....รอวาจา..ว่าฮักน้อง...คองถ่าจนว่าโดน..เด๊ละอ้าย


    แก้ไขครั้งสุดท้ายโดย ต่าย; 16-07-2009 at 18:49.

  8. #8
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23














    เห็นแต่ความเดียวดาย มื้อที่อ้ายพ่ายทางฝัน
    บ่มีวันสิลืมได้ ไกลข้างหว่างพี่ซาย
    สิเป็นอื่นไปได่ เพียงแต่ภายภาคหน้าที่
    แต่ทางใจของน้องนี้ บ่มีวันจากกันไกล
    ส่วนวันที่บ่มีอ้าย.....นางน้องยังต้องเดิน..อ้ายเอ้ย







    มองต่าง..อย่างปลง

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •