แกงบวดมันข้าวก่ำ+มันสำปะหลัง

[ติ๋ม เปอร์โย]

เป็นของหวานทางอุดรฯเนาะค่ะ แกงบวดมันข้าวก่ำ บ่ฮู้ว่าทางจังหวัดอื่นขะเจ้าเอิ้นกันแบบใด๋...
ซื้อมันข้าวก่ำมาจากร้านแขกนะจ้า มันสำปะหลังเหลืออยู่หัวหนึ่งกะเลยเอามาเฮ็ดใส่กันเลยเนาะ...
ลองเฮ็ดเบิ่งเด้อจ้า แซบพอกินอยู่เด๋...ดีกว่าอยู่ซื่อๆ...นอนหลายกะเซ็งเนาะ55++

ส่วนผสม...กะมีมันข้าวก่ำ+มันสำปะหลังปอกเปลือก ล้างให้สะอาดหั่นเป็นชิ้นตามมัก แล้วกะนึ่งให้สุก
กะทิ1กระป๋องเล็ก...น้ำตาลตะโหนด2ก้อน...เกลือ1/2ช้อนชา...น้ำ1/2แก้ว
ต้มน้ำใส่น้ำตาลจนละลาย...ใส่กะทิพอเดือดใส่เกลือกับมันที่นึ่งไว้ ปิดไฟ
บ่ต้องต้มโดนดอกจ้า..สุกแล้ว...

ตักใส่ถ้วยเสริ์ฟ...ผู้ใด๋มักมันๆกะเฮ็ดน้ำกะทิมาราดหน้าเอาเด้อจ้า...ของหวานไทยๆทางอีสาน...
ง่ายเนาะพี่น้อง...ลุกได้บ่สร้างหยัง เฮ็ดแต่แนวใส่ท้อง...5555+++