หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

หัวข้อ: ตั้งแต่กี้

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    ตั้งแต่กี้

    ตั้งแต่กี้ เฮียกพี่เคยจา
    คำขานขา มธุราหอมล้วน
    คำแถมถ่วน นวลหูมิหายห่าง
    บัดนี้ลืมละม้าง ถางถิ่มอิ่มพอ

    นั่งคึดคล้อย ถอยจากจางจิต
    สำนึกในมะโนคิด อ่าวหวนเห็นพ้อ
    แต่มิหาญไปส่อ ซอเสียงให้เคียงเคียด
    ย้านรังเกียจต่อนฮ้าย ผะอายอ้ายเอ่ยความ


  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    (บู๋ยย เพิ่นได่ฟิวส์ ไปหาลี้แต่งอยู่แกได๋ล่ะเพิ่น คริๆๆ) >:d
    .แต่งม่วนโพด.อยากอายตอบ.เว่าเอาได่บ่อ. คึดฮอดเจ้าคือเก่าเด้อ..อิอิ

  3. #3
    แบ่งปันความรู้และประสบการณ์ สัญลักษณ์ของ บักหล่าลูกกก
    วันที่สมัคร
    Oct 2008
    กระทู้
    159

    ซุมื่อนี่

    ซุมื่อนี่ เห็นต่าง ตีต่ำค่าเพียงทราย
    ยามย่างกายเบิดเมิน พออยากถ่มน้ำลายซ่ำ
    คักกั่วคำ ป้อยดุด่า แม้หางตายังบ่แล
    ซะมาเฮ็ดคักแท่ แม้แต่หน้า ยังบ่มองหมองม่างคักเนาะใจ

    บ่มีแนวแก้ได้ หมางใจ บัดเก่าก่อน (เลยตี้)
    คือบ่หาทางถอน คือหลักล่ามงัวนั่น
    คั้นดึงดัน แต่ทางข้าง บ่มีทางสิถอนถั่ง (ดอกเด้อ)
    ให้เจ้าดึงทางตั้ง จั่งออกจ้อย จั่งถอนได้ไม้หลักตอกล่ามงัว

    บ่ต่างกันดอกตั้ว กับใจมัวเมาโมหัน
    ควมหมางกันฐิถิ ให้ปล่อยวางมันไว้
    ขึ้นกับใจ โตของเจ้า อภัยเขาเอาไว้แหน่
    ทางธรรมคือทางแก้ แค่เปิดไว้ ใจของเจ้าสิซ่วงเย็น เด้

  4. #4
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    อ้ายศรีเอ้ย ..อันว่าแนวนามเชื้อบักหอยหน้าหน้ากล่ำ
    ดำกะดำแต่หน้า ทาแป้งกะหลาขาว
    ดาวเดือนด้าง เพิ่นยุห่างไกลดิน
    บ่ถวิลถิ่นคำ เกินว่า..
    บ่ได้คิดไกลหน้า เอิ่นอ้าง ว่าห่างเหินดอกอ้ายเอ้ย...

  5. #5
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ทุกมื้อนี้เพิ่นลาจากเมินหมาง
    หนีจากไปคนทางปล่อยวางความเว้า
    ของมีเจ้าเขาหวงหอมค่า จริงแหลว
    วาสนาส่ำอ้ายตาซ้ายเพิ่นบ่แนม

  6. #6
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    ตั้งแต่กี้น้องยังบอกฮักอ้ายบ่แหนงหน่ายหนีป๋า
    เคยได้สัญญาฮักอยู่ฮ่มโพธิ์ศาลน้อย
    คำเคยออยเอยอ้างนางบ่จำสังลืมง่าย
    ตั๋วให้อ้ายฮักน้องคองถ้าเจ้าผู้เดียว
    ทางเคยเทียวหาอ้ายกะเลยกายเป็นป่า
    ฮกเป็นดอนเหล่าเหี้ยบ่เหลือหม่อง ย่างเทียว - แท้น้อ

  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ตั้งแต่กี้ เคยกล่าววาจา
    เป็นใดนาพี่ชาย สบายบ้อ
    หลายคำส่อ สอพลออ้อยอิ่น
    จิตถวิลห่วงล้ำ นำเจ้าบ่วาง
    ใจอ้างว้าง วางจากแสนสนิท แลนอ
    เกินภวังค์ความคิด ข่าวคราวบ่ทาวทุ้ง
    มีการหยุ่ง รุงรัง สังบ่กล่าว
    ป๋าอ้ายสาวสืบข่อ โอนอเจ้ากะซ่างเป็น

  8. #8
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ตั้งแต่กี้กาลก่อน สะออน-อก
    เคยโอภาสาธก ส่งสนทนาต้าน
    กาลหมุนย้าย หยับกลายก้าวก่าย
    พะอวนลืมพี่อ้าย หายฮ้างห่างเหิน พี่แหลว

  9. #9
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    ตั้งแต่กี้เคยจาเว่าสู่แลงเซ้าบ่อห่างตา
    เทิ้งข้อความพีเอ็มมาส่งหาสู่แลงเซ้า
    บาดตั้งแต่อ้ายไหลลงใต้ไกลสู่ป่า
    หลงลืมสาวบ้านนา..เมสเสสนั่นกะบ่อเห็น..น้ออ้ายเอ้ย..


    ปล..จะแม่นเพิ่นมักคักดอก..ป่าใต้ต้นสำสาทางนั่นน่ะ..หึยย

  10. #10
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    ตั้งแต่กี้กาลก่อนเสน่หา
    วาจาดอมม่วนในมโนแม่ง
    แลงหรือเซ้าเอาใจบ่เหินห่าง
    นางและอ้ายเสมอพร้อมดั่งเดียว
    บัดนี้ใจรดเลี้ยวเหินห่างไกลกัน
    บ่อาลัยใยดีดั่งเดิมดาเค้า

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •