มื้อนี่อยากกินผัดไทยใส่กุ้งสดแฮงจ้าพี่น้อง...เครื่องปรุงบ่ครบ แต่กะเฮ็ดจ้า...ลงมือโลดเนาะ
อันดับแรกแช่เส้นก๋วยเตี๋ยวจันทร์ก่อนจ้า เคิงห่อพอ พอเส้นนุ่มกะใช้ได้แล้วจ้า
ในระหว่างถ่าเส้นนุ่ม กะต้มหมากขามเปียก เนื้อหมากขามปั้นประมาณทอไข่ไก่หนี่หละ
คั้นแล้วกรองเอาแต่เนื้อหมากขาม ใส่น้ำเพิ่มประมาณแก้วกว่าๆ เอาขึ้นตั้งไฟ ต้มต่อไป
ใส่น้ำตาลปึกเคิ่งก้อน ปรุงรสซีอิ๊วขาว เกลือ น้ำปลา ซีอิ๊วดำหวาน รสดี ใส่กระเทียมเจียว พริกป่น..
เอาไว้เป็นน้ำผัดไทยจ้า
เครื่องปรุงอื่นๆ กุ้งสดปอกเปลือกผ่าหลัง หอมแดงซอย ต้นหอมหั่น ผักชีหั่น บ่มีใบผักแป้นจ้า(กุ่ยช่าย)
ไข่ไก่ ถั่วงอก หัวไซโป๊วสับกะบ่มี น้ำมันพืช...
จัดการผัดหอมแดงพอสุก ตักใส่น้ำปรุงผัดไทยไว้จ้า เอากุ้งลงผัดพอสุกตักใส่จานไว้ แล้วเทน้ำปรุงผัดไทยใส่กระทะ ผัดเส้นให้สุก พรมน้ำไปนำ เพื่อให้เส้นนุ่ม กันไปไว้ข้างกระทะ
ใสน้ำมันพืชนิดหน่อย เอาไข่ลงไปทอดพอสุก เอาเส้นลงมาผัดใส่กัน ใส่กุ้ง
ต้นหอม ถั่วงอก ผัดไฟแรงๆ พอเข้ากัน ใส่ผักชี ถั่วลิสงคั่ว ติ๋มใช้เม็ดมะม่วงฯอบป่นแทนจ้า
ตักใส่จาน เสริ์ฟกับถั่วงอกสด มือแม่นมากๆ บ่ได้ปรุงรสเพิ่มเลย อิอิอิ แซบแล้ว::)
ยามกินตักแบ่งใส่จานคือเก่าหละพี่น้อง มักเผ็ด เติมพริกป่น มักส้มกะบีบหมากนาวจ้า
ขาดกุ่ยช่าย กับหัวปลี...กินตามมีตามเกิดเนาะจ้า ตามประสาคนไกลบ้าน.....
Bookmarks