กำลังแสดงผล 1 ถึง 9 จากทั้งหมด 9

หัวข้อ: อ่อนล้า

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    อ่อนล้า

    อ่อน อิดแม้งแฮงบ่ม ระบมจิต
    ล้า หลากหลายความคิด ค่ำคืนฝืนเพ้อ
    อ่อน ละเมอมัวเฝ่าทนเหงา บ่แจ้งส่อง
    ล้า ดวงจิตหม่นหมอง หนทางปองขีดขั่น บ่เห็นบั้น บ่อนสิไป


  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    อ่อนรนทนไว่...ท่องในใจเด้ออ้าย
    บ่ดนนานผ่านไป...ควมเมื่อยได่ส่างซา
    เป็นคือกันดอกเด้อจ้า..คนที่ว่าเดินดิน
    มีวันที่ดับดิ้น..มีวันเศร่าทุกข์หมอง
    มื้ออื่นผ่านผันผ่อง..ทุกข์ทั้งผองกะล่องลืม..ดอกอ้าย


    ..มาให้กำลังใจเด้อ..อย่าสุมาติกลอนกันเด้อ.. บ๋าเอาไว่ก่อนดอก..คริๆๆ..เดวมาแจมเรื่อยๆดอกอ้าย.เอาแบบสไตน์แป้นปีกนิล่ะ..มันจั่งสำบายใจดี..สำลีแปะหัว(นำ)..อิอิ.. >:d

  3. #3
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    อ่อนล้าอ้าย อยากกลายจากลาหนี เสียแหลว
    สร่างความดีเพียงพอ ต่อประชาชนเชื้อ
    พอได้เฟือยาไส้ หากินไปตามชาติ
    บ่ห่อนอาจไต่เต้า คือเขานั้นท่านผู้สูง
    อาศัยจูงไทบ้าน สนุกหนานม้มมื้อส่วง
    ยากงานหลวงพั่งพลาด การราษฎร์ย้านเพิ่นเสียฯ

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    เกิดเป็นคนใต้ฟ้าพลาดแน่ะหน๋าอภัยตน
    บ่อมีไผ๋เลิศล้นเกินคนธรรมดา
    เพียงเฮามองเห็นคุณค่าในโตตนของเฮา
    สูงเทียมเมฆแผ่นเค้า...สุดท้ายกลายสู่ดิน..คือกันดอกอ้ายเอ้ย

  5. #5
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    อ่อนล้าแล้ว อยากลาหล่วงปวงชน
    อ่อนแฮงหลายมาดน กะแค่คนถมพื้น
    บ่อาจยืนหยัดได้ ตามวิสัยคุณค่า
    เป็นบาทาย่างก้าว ให้เขาข่วมก่ายเกิน

    แสนสิเอิ้น วอนเหนี่ยวเทียวกลับ
    กาลเวลาไลลับ ล่วงเลยเหยพ้น
    สอพลอหม่น มลทิลกินในนอก
    สัพพะปลอกลอกลิ้น กินซ้ำซากโครง พี่หนาฯ

  6. #6
    แบ่งปันความรู้และประสบการณ์ สัญลักษณ์ของ บักหล่าลูกกก
    วันที่สมัคร
    Oct 2008
    กระทู้
    159
    กระทู้ต้นฉบับโดยคุณ ศรีสะท้าน
    อ่อน อิดแม้งแฮงบ่ม ระบมจิต
    ล้า หลากหลายความคิด ค่ำคืนฝืนเพ้อ
    อ่อน ละเมอมัวเฝ่าทนเหงา บ่แจ้งส่อง
    ล้า ดวงจิตหม่นหมอง หนทางปองขีดขั่น บ่เห็นบั้น บ่อนสิไป
    ขอเปลี่ยนหม่อง คำว่า "เฝ่า" เป็น "เฒ่า" ซะครับอาจารย์ คือสิเปนตะเหมื่อยแฮงโพดครับ

    "ช่วงนี้หล่า ไฟ ข่อนข้างสิแฮงแหน่จักหน่อย กะเพราะว่า ได้สองเดือน" หุหุหุ

  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    น้าน..หั่งว่าตั๊ว คนสิมาหาซอมโตหนังสือกัน...หืย ตาซังเนาะ เหอ ๆ ๆ

  8. #8
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    ศรีเอ้ยศรี
    คันโตอิดอ่อนล้าให้พักผ่อนกายา
    อย่าสุฝืนสังขารท่านสหายแพงเพื่อน
    วันเดือนปีหมุนไปหน้าก่อนเวลาบ่หยุดย่อน
    ชีวิตจรบ่อยู่หยั่งไปหน้าบ่อวยคืน ท่านเอ้ย


    คันเมื่อนกะนอนเซามีแฮงเอาเด้อหมอเอ้ย

  9. #9
    ทรงมาเมื่อยเอาฮ้าย ยากหลายบ่คับพี่ งานทวีมากล้นจนโซล้าอ่อนแฮง แท้นออ้ายเอย ขอไขเขยแกะคำต้าน ทรมานให้หายส่วง สาเนอ พอได้เหยาะย่วงน้าว ให้สาวถิ่มสิ่งบ่ดี ในวาระโอกาสนี้ ปีใหม่มาเถิง ขอให้เฮิงๆใส ดั่งมณีนิลแก้ว แนวซุมเซื้อนักกวีศรีปราญช์ ผู้ฉลาดแต่งแต้ม ให้แหลมคำคมขีด คองประณีตฮีตเค้า เขียนคำเว้าให้ม่วนยิน คือเก่าอ้ายเอย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •