หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 21

หัวข้อ: อีแล้ว ? ผญา เพิ่นขอมา

  1. #1
    อิแหล้โสตาย
    Guest

    อีแล้ว ? ผญา เพิ่นขอมา

    อันว่าเครือบุ่นเกี้ยวเครือบุ่นซ้ำผัดตาย อันว่าเครือหวายเกี้ยวเครือหวายซ้ำผัดเน่า อันว่าชู้เก่าน้องทางบ้านก็บ่มี ดอกนา
    เอิกๆๆ


  2. #2
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,876

    Re: อีแล้ว ? ผญา เพิ่นขอมา

    แจ่มครับ เอาอีก....ให้ไป 1 คะแนน

  3. #3
    บ่าวสายฟ้า
    Guest

    Re: อีแล้ว ? ผญา เพิ่นขอมา

    เหอ เหอ ผญาเครือๆ

  4. #4
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    Re: อีแล้ว ? ผญา เพิ่นขอมา

    """ สาวแหล่เอ๊ยยยย..คันบ่อมีเครือเกี้ยว สังมาเป็นยามย่าง แท้น้อแหล่...คันใต้ล่างบ่อกว้าง สังมาได้ผูกควาย น้อ...
    ......อันวาจายิงนี่หาเป็นตาพึงเซื่อ คือเทเกลือใส่น้ำ ละลายจ้อยบ่อโดน นั้นแหลว...
    อ้ายกะเห็นมาแล้ว แนวคนเว้า ทะเล่ย ยามเฮาหนี เห็นแต่หัวเยาะเย้ย นำก้นส่งตามนั้นแหลว....
    ......ผูกซ้างม้า มวลมิ่งงัวควาย กะบ่อคือสายใจผูกเคียนพันแหน่น....บ่อว่าแสนคนน้าว สองพันซาวดึงจ่อง..
    หากว่านุดทะนาดน้องถือหมั่น บ่อสั่นกวย นั้นแหลว......

  5. #5
    บ่าวอุบลมิวสิค
    Guest

    Re: อีแล้ว ? ผญา เพิ่นขอมา

    เว้ามาฮอดเครือนี้ มีเครือดีอยู่หลายอย่าง เครือยานางแกงหน่อไม้ มาคือแซบ แม่นอีหลี
    เครือหัวปลีแม่นเครือกล้วย หอมฮวยๆยามสุกฮ่อม เหลียวเบิ่งหน่วยอ้อมป้อม พอปานกล้วยหน่วยสลึง
    เครือตำลึงเด็ดยอดไว้ แตกใบบ่เกี้ยวต่อ หน่วยตำลึงกะข่อหล่อ กินได้ แซบหลาย
    เครือที่เหนียวเอาฮ้าย โบราณว่าเครือซูด ดึงบ่หลุดจากข้อ พอๆแล้ว ดึงบ่ไหว
    เบิดหม่องไปแล้วบัดนี้ สิขอลาไปสาก่อน เทิงหิวนอนกะปานนั้น หนาวสะบั้นย้อนแอร์ (ไผมาเร่งแอร์น้อบัดนี่ มาคือหนาวกะด้อกะเดี้ยแท้)

  6. #6
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    Re: อีแล้ว ? ผญา เพิ่นขอมา

    แม่นตั้ว...หล่า (อ่านแบบกลอนทางสั้นเด้อ) เครือๆนี่มีดีหลายอย่าง มันหากมีต่างๆตามแต่สายพันธุ์ มีเครือมัน เครือกลอย เครือเพิ่ม สุกเอิ่มเติ่ม นั่นเครือหมากอื๋อทาม เครืองามๆนั้นแมนเครือหวายน้อย อันเครือผ่อยนั้นแมนเครือส้มลม เครือกลมๆล่ะแมนเครือหวายนั่ง เครือหมากดั่งล่ะเกิดอยู่นำโพน เครือใกล้โกนมีพออ่อยห่อย เฮาจังเว้าค่อยๆ ถามหมอลำผู้ยิง คันบ่อบอกความจิง จังเอาค้อนตีหง่อน เทาะน้อเจ้า.....
    .............................................................................................................................................................
    ...สอยๆๆๆ สาวขี้หล้ายไปนั่งหน้าสนาม..ผู้บ่าวบ่อถามละงวกพุ้นงวกพี้.....ป๊ะ เมือเถาะอีแม่ ข่อยอยากนอน...อิ อิ อิ อิ ฮิ๊วววว

  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    Re: อีแล้ว ? ผญา เพิ่นขอมา

    ""มาแล้วเด้อ พี่น้อง ข่อยเอาของมาฝาก...มีหลายหลากอั่งล้น เต็มเป้ ไถ่ถง หมากไฟดงหมากขามป้อม สีหอมหอมดอกสะมั่ง ขากั่งจั่งแมนอึ่งย่าง เห็ดกระด้างดอกจั่งหู นำขอนผู๋ข้อยเก็บได้ เห็ดไคเทิงละโงก กลายป่าโคกหมากหว่าเก็บมาต้อนหมู่สาว สีขาวขาวเอามาเอ้ สะเลเตดอกหอมอ่อน พีพ่วนแดงอ้อนต้อน เอามาพร้อมพร่ำกัน นอกจากหั่นกะมีหมู่สาโท โซนพายไห่ไต่คูคันแทล้ม มีหมกส่มปลาขาวนา ปลาแดก เทิงพ่องแตกใส่ส่ง เหม็นตึ้มทั่วกาย เอามายายมวลเจ้า ผักกะเดายอดอ่อนอ่อน เทิงส้มต่อนกะพ่องนั้นหัวเกาะคั้น ว่างเมื่อวาน เทิงผักหวาน ผักเสี่ยน เต็มกระเบียนพาถาด มาแม้ป๊าด..พี่น้อง มาเอาไว้ถ่าใส่แลง..โอยยเมื่อยยยย..ฮึ..""

  8. #8
    อิแหล้โสตาย
    Guest

    Re: อีแล้ว ? ผญา เพิ่นขอมา

    บะมาผญาถืกใจแท้น้ออ้าย

  9. #9
    อิแหล้โสตาย
    Guest

    Re: อีแล้ว ? ผญา เพิ่นขอมา

    เอาพวงมาลัยให้ 1พวงเลยอ้าย

  10. #10
    baanna
    Guest

    Re: อีแล้ว ? ผญา เพิ่นขอมา

    มามีหลายเครือแท้

    อั้นวาเครือนั้นมีหลายอย่าง ฮ้ายสุดคือเครือหมามุ้ย ไผนอนเกือกนอนกิ่งคันปานลิงกัง
    คั้นวาตดหมา เหม็นคั่กเด้อ 8)

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •