อ่ำเป็ด ลาบเป็ด สุดยอดเป็ดย่าง เมนูเด็ดจากฅนภูไท
ช่วงปีใหม่ฅนภูไทมีโอกาสได้ไปเยี่ยมเสี่ยวอยู่สุพรรณบุรี เสี่ยวเพิ่นติดใจฝีมือลาบเป็ดของฅนภูไท เลยอยากกินอีกฅนภูไทเลยบ่ขัดศรัทธา ให้เสี่ยวหาเป้ดมาฅนภูไทกะเลยจัดการ ทั้งอ่ำ ทั้งลาบ แล้วกะย่างสุดยอดเป็ดนำ มาเบิ่งกันเลยครับ
เมื่อได้เป็ดมาแล้วเฮากะจัดการคัวเป็ดถอนขนให้เรียบร้อย เลือดมันอย่าทิ้มเด้อเอาใว้เฮ็ดอ่ำ
ทีนี้เฮากะจัดการเอาเป็ดมาเลาะหนังเอาไว้ต้มซอยใส่ลาบ กระดูกมันเอากะเอาไปต้ม ส่วนเนื้อมันเฮากะหั้นเป็นชิ้นบางๆ บีบมะนาว ใส่เกลือลงไป
ทิ้มไว้สักพักกะปั้นเอาน้ำมันออก น้ำมันอย่าทิ้มเด้อ เอาไว้คั่วใส่ลาบ พอน้ำเดือดแล้วเฮากะเอาเนื้อเป็ดไปลวก
อ่ำเป็ด
การเฮ็ดอ่ำเป็ดขั้นตอนแรกเฮากะเอาเลือดเป็ดไปตีกับใบตะไคร้เพื่อดับกลิ่นคาว (ผุเฒ่าบ้านเฮาเขาว่าเลือดเป็ดสดๆเป็นยาแก้ช้ำในตั้ว)
ทีนี้เฮากะมาปรุงกันเลยครับ นำเอาเนื้อเป็ดที่ลวกสุกแล้วมาปรุงกันเลย ใส่เลือดเป็ด พริกคั่ว ข้าวคั่ว ต้นหอม ผักชีผักชีฝรั่ง ลงไป คลุกเคล้าให้เข้ากัน ปรุงรสตามใจชอบ ไผมักส้มกะใส่น้ำบักนาว ส่วนไผมักขมกะใส่บีเป็ดลงไป
ตักใส่จาน โรยด้วยใบสะระแหน่ เพื่อดับกลิ่น แล้วกะพริดทอด กระเทียม กินกับข้าวเหนียวฮ้อน เป๊กบักสองซาวก่อนแล้วซดน้ำต้มตาม 8)
ลาบเป็ด
เนื้ออีกส่วนหนึ่งเฮากะแบ่งไว้เฮ็ดลาบ เผื่อคนบ่มักอ่ำ บ่กล้ากิน
การเฮ็ดลาบกะเฮ็ดคือลาบทั่วๆไป ใส่พริก ข้าวคั่ว ต้นหอมผักชี ผักชีฝรั่ง คลุกเล้าให้เข้ากัน ปรุงรสตามใจชอบ
ตักใส่จานโรยด้วย ใบสะระแหน่ บักพริกทอด เสริฟ พร้อมอ่ำเป็ด แล้วกะต้มเป็ด 8)
มาๆๆ มานั่งกินนำกันครับ
สุดยอดเป็ดย่าง
สุดยอดเป็ด กะคือ หัว ก้น ปีกแล้วกะ ตีน ส่วนนี้ บ่นิยมเอาไปต้ม นิยมเอามาย่างทาบี จัดการหมักด้วยกระเทียม น้ำปลา ทิ้มใว้สักพัก
ทีนี้เฮากะมาย่างกันเลย พอย่างใกล้สุก เฮากะเอาบีเป็ดมาทา
พอสุกแล้วกะใส่จานเสริฟแกล้มเหล้า สุดยอดครับ
จิ้มแจ่วบี สีขมๆ เป๊กเหล้าจักกรึ๊บ สุดยอดครับ อ่ำเป็ด ลาบเป็ด นี้เหมาะกับบักซองซาวคัก ตักลาบใส่ปาก กรึ๊บเหล้า แล้วซดน้ำฮ้อนๆตาม สุดสิบรรยายครับ 8)(t
Bookmarks