ลาบเหนียว

[แหลวแดง]

เมือบ้านปีใหม่หว่างหั่นพอดีได้ปลาขาวน้อยมาสั่นดอกคับ เลยอยากเฮ็ดลาบเหนียวสู่อี่พ่อกิน เลากะว่าเลาอยากอยู่ว่าซั่น ผมกะอยากคือกันบ่ได้กินโดนแล้ว หลายปีแล้ว ลงมือเลยเนาะ

ขอดเกล็ดปลา แล้วกะตัดหัวเอาเครื่องในออก ล้างให้สะอาด สับละเอียดเลยคับ แบบที่เห็นนี้หละ

บีบบักกอกลงไป พริกป่น ข้าวคั่ว ตามลงไป แล้วกะจัดการคั้นเข้าไป คั้นๆๆๆๆๆๆๆจนว่าเหนียวและเข้าเครื่องพุ้นหละ ได้ที่แล้วเฮากะปรุงเลย น้ำปลา ผงชูรส เกลือ ต้นหอม ปรุงเอาจนว่าเจ้าของพอใจพุ้นหละ

แล้วแล้วหน้าตากะออกมาเป็นแบบนี้หละคับ กินแบบนี้กะได้ หรือว่าเอาไปคั่วก่อนกะได้เด้อ เทคนิคในการแบ่งไปคั่วคือว่าแบ่งไปหน่อยๆซะก่อน ห่าเทื่อได้กินดิบแล้วมันแซบสิติดใจ คั่วสุกแล้วมันเฮ็ดให้ดิบบ่ได้เด้เนาะ ยามนี้ผักกะเดาหลายเฮากะกินกับผักกะเดาหั่นหละ อี่แม่เลาปลูกผักซีไว้กะไปเก็บมา มีส้มผักแป้นกะมากินกับกะได้ แซบคือกันคับ

:g:g:g

ปล.ลืมบอกไปว่าอย่าลืมเป๊กจักสองโบกใหญ่ๆเด้อก่อนกินหั่นหนะ และกะกินแล้วอย่าลืมกินยาฆ่าพยาธินำสั่นดอก

[หนุ่มลำซี]

มาชิมไห่ก่อนหมู่แล้วหล่ะ 40 จักจอกน้อคือสิเข้ากัน
หวัดดีปีใหม่ครับอ้าย....:g:g

[เจ้าซายน้อย]

แฮ่...ส้มปากอีกล่ะเด้ อั่น ระวังพยาธิแนเด้อ ดิบๆหั่น อิอิ

[บ่าวคนเดิม]

บ๊ะ..เว้ามาแล้วกะไปเอาดองยามาจักเป๊กก่อนนาชายน้อย...
มากินกับลาบเหียวท่านแหลวแดง มา มา หนุ่มลำชีมาเป๊กนำกัน

อ้า.....โอ้ยออกฮ้อนท้องคัก 8)

[ลูกหินกอง]

เข้าท่าอยู่น้ออ้ายเห็นแล้วน้ำลายไหลหว่าสิลองเฮ็ดเบิ่งอยู่:g:g:g:g

[jack_sarakham]

ป้าด เมนูปลาหลายคัก ช่วงนี้ข้าวใหม่ปลามันหน้อ เป็นตาแซบแท้ครับลาบแบบบ้านเฮ้าแม้ หมากกอกนั้นขาดบ่ได้หน้อลาบปลา:g

[ตรี ศรีเมืองใหม่]

ยอดผักกระโดนโคก พร้อมด้วยข้าวเหนียวฮ้อนๆต้วย บ๊ะ ดึงหูกะบ่อออก

[หนุ่มเหงาคนไกลบ้าน]

บ่อใด่กลับบ้านกะใด่กินคือกันละบาดนิเห็นแล้วน้ำลายสอเลยครับอ้ายฮิๆๆๆเป็กไปนำคือซิคักเนาะครับ

[สาวทุ่งฝน]

ปลาอีหยังจ้า แถวบ้านเิพิ่นเฮ็ดลาบเหนี่ยวปลาตอง อิอิ แล้วหมกแข่นอั้นตั้น

[Boy_ubon]

เหลือใว้ให้ หมกใส่ใบตองแนเด้อ อาว......::)