เมือบ้านปีใหม่หว่างหั่นพอดีได้ปลาขาวน้อยมาสั่นดอกคับ เลยอยากเฮ็ดลาบเหนียวสู่อี่พ่อกิน เลากะว่าเลาอยากอยู่ว่าซั่น ผมกะอยากคือกันบ่ได้กินโดนแล้ว หลายปีแล้ว ลงมือเลยเนาะ


ลาบเหนียว
ขอดเกล็ดปลา แล้วกะตัดหัวเอาเครื่องในออก ล้างให้สะอาด สับละเอียดเลยคับ แบบที่เห็นนี้หละ

ลาบเหนียว
บีบบักกอกลงไป พริกป่น ข้าวคั่ว ตามลงไป แล้วกะจัดการคั้นเข้าไป คั้นๆๆๆๆๆๆๆจนว่าเหนียวและเข้าเครื่องพุ้นหละ ได้ที่แล้วเฮากะปรุงเลย น้ำปลา ผงชูรส เกลือ ต้นหอม ปรุงเอาจนว่าเจ้าของพอใจพุ้นหละ


ลาบเหนียว
แล้วแล้วหน้าตากะออกมาเป็นแบบนี้หละคับ กินแบบนี้กะได้ หรือว่าเอาไปคั่วก่อนกะได้เด้อ เทคนิคในการแบ่งไปคั่วคือว่าแบ่งไปหน่อยๆซะก่อน ห่าเทื่อได้กินดิบแล้วมันแซบสิติดใจ คั่วสุกแล้วมันเฮ็ดให้ดิบบ่ได้เด้เนาะ ยามนี้ผักกะเดาหลายเฮากะกินกับผักกะเดาหั่นหละ อี่แม่เลาปลูกผักซีไว้กะไปเก็บมา มีส้มผักแป้นกะมากินกับกะได้ แซบคือกันคับ
:g:g:g

ปล.ลืมบอกไปว่าอย่าลืมเป๊กจักสองโบกใหญ่ๆเด้อก่อนกินหั่นหนะ และกะกินแล้วอย่าลืมกินยาฆ่าพยาธินำสั่นดอก