หนุ่มบ้านดอนคนโก้ รายงายโต ไดอารี่บ้านป่า

[บ่าวดอนโบม]

มาหละเด้อพี่น้องแม้ว ซุมฮ้องแซวๆ แถวดงบักอี่
มาหละเด้อมามื่อนี่ สิมายามพี่น้องบ้านมหา
จากไปโดนบ่เห็นหน้า กะย้อนว่าทางมันใกล
คิดสิต่าวคืนป่าพงไพร กะนานเหลือล้น
สัปดลในใจเศร้า ได้แต่เหงาคิดฮอดหมู่
คิดฮอดควายบักตู้ หมู่พวกเคยเล่นกัน

คิดถึงพี่น้องที่เคยเว่าม่วนวาจา
คิดถึงพ่อลุงแม่ป้า ทั้งอาวอาและน้าหลาน
ห่างไปน้อแสนนานผ่านมากะหลายปีแล้ว
กลับบ้านมาน้อมื่อนี่ กะบ่ได้มีของมาฝาก
ย้อนว่าทางมานั้นลำบาก สิหิ้วถือกะบ่ทน
กะได้แต่ใจรักที่เต็มล้นปนน้ำตาของชายหล่าผู้นี่..แท้แหล่วพี่น้องเอ้ย

[ขอโทษที่คิดถึง...เด็กดื้อ]

ว่าสิมาเอาขอฝากอยู่แมะ .... ลูกชิ้นกะบ่ถือมาเลยตี้ อิอิอิ

[สายลม]

ยินดีต้อนรับเด้อจ้า ม่วน และม่วนนำกันเด้อจ้า

[khonsurin]

ยินดีต้อนรับค่ะ

[บ่าวดอนโบม]

อบอุ่นเนาะบ้านเฮา มีคนมาต้อนรับหลายๆๆ

ขอบคุณเด้อครับ

[เจ้าซายน้อย]

เป็นจังได๋ล่ะน้ออ้าย หายไปโดนคักยังว่า
ไปหลงป่าทางก้ำ หลงหนองน้ำดอกทางได๋
เขียนผญามาจ่มไว้ ไดอารี่น้อบ้านป่า
เข้ามาหาซอกพ้อ คว้าค้นจังอ่านเห็น...อ้ายเอย

ขอต้อนรับอีกครั้ง หนุ่มบ้านดอนคนบ้านป่า
เสวนาฮ่วมเว่า คือเดิมเค้าแต่เก่าหลัง...เถ่าะนอ
อ้ายเอย หนุ่มบ้านดอนเอย

[บ่าวดอนโบม]

โอน้อ..พี่น้องเอ้ย อันแนวว่าจากบ้าน
ใกลเฮือนซานถิ่นบ้านป่า
มาทำงานอยู่พี่ก้ำฝ่ายทางเมืองหลวง
ใจกลางเมืองกว้างกลางกรุงถิ่นแสงไฟ
กะบ่ได้ไลลืมทิ่มมรดกอิสานบ้านป่า
มาอยู่ใกลบ่ได้ไปเห็นหน้าได้แต่ส่งวาจากับใจอุ่น
เป็นจั่งได๋น้อคนอยู่พุ่นถิ่นเก่าน้อเมืองเดิม

[ฝนหลวง]

สวัสดีคับอ้ายเจ้าคารมคักเนาะ อิอิ

ยินดีที่ได้อ่านไดอรี่ฉบับบนี่คับ แต่ติดใจเรื่องของฝากยุ ติดไม่ติดมือนิดหน่อยกะบ่อมีบ่อคับ อิอิ