ยาบ้า...มันกลับมาอีกแล้ว

[เจ้าซายน้อย]

พี่น้องเอ้ย...
เป็นห่วงหลายยาบ้า กลับเข้ามาทะลักหลั่ง
กลับเข้ามาอีกครั้ง ให้เมืองบ้านสั่นผวา
ตามชายแดนพม่า หรือว่าน้อทางอื่น
เริ่มเป็นข่าวครึกครื้น ตามหน้าสื่อสิ่งพิมพ์
อย่าสิคิดหลงลองลิ้ม มัวเมาปัญญาอ่อน
คึดให้ดีก่อนเด้อเจ้า อย่าหลงเข้าเสพขาย
ตายอย่างเดียวกฎหมายบ้าน กฎหมายเมืองเพิ่นยังว่า
เทิ่งติดคุกอีกซ้ำ เป็นผีบ้ากะเหล่ามี
ปัญญาชนซุมื้อนี้ สูญเสียไปสิ้นคุณค่า...คักเด้อ
พากันเสพยาบ้า พากันขายยาบ้า หาคุณค่าแม่นบ่มี
เดี๋ยวสิคือแต่กี้ วิสามัญกฎหมายถ่อย
ตายบ่หน่อยเต็มบ้าน เสียงปืนลั่นเต็มเมือง
เห็นบ่มีแต่เรื่อง บ่มีแนวดีแม้นจักหน่อย
ซ่อยสอดส่องเบิ่งเด็กน้อย ลูกหลานเจ้านั่นแนเด้อ...พี่น้องเอย

ช่วยกันสอดส่องบุตรหลานของท่าน อย่าให้หลงเข้าไปเสพหรือขายเด็ดขาด
ด้วยความปรารถนาดีจากบ้านมหา.คอมและประชาชนคนไทย

[หนุ่มบุรีรัมย์]

ทางอีสานกะเป็นตาห่วงคือกันครับ
ยาเสพติดจากเพื่อนบ้านมานำทาง
เข่าสู่เมืองกรุง.เห็นจับได้อยู่เรื่อยๆ
ตำรวจ เจ้าหน้าที่ต้องทำงานหนักกว่านี้ครับ
ดูแลลูกหลานดีๆเด้อครับพี่น้อง

[แพรมน]

เห็นด้วยครับช่วยกันดูด้วยนะครับ เป็นยาอัตรายจริงๆครับ

[เขมราฐ]

แม่นอยู่ค่ะเขตบ้านเขมราฐเป็นพื้นที่สีแดงจับกันสนั่นหวั่นไหว..ซุมจับบ่ได้ทะลักเข้ามากะปานนั้นค่ะ