กำลังแสดงผล 1 ถึง 4 จากทั้งหมด 4

หัวข้อ: เปลี่ยนปีน้องเปลี่ยนใจ

  1. #1
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140

    เปลี่ยนปีน้องเปลี่ยนใจ

    ล่ะ...ปีเก่ากลายผ่านพ้น.. คนเอ้ยคนซ่างลืม...พี่ จำได้บ่คนดี ปีใหม่คราวก่อนนั้น สัญญาไว้ต่อพี่ชาย.....
    บอกว่าน้องและอ้าย สิบ่หล่ายดอกลืมกัน ปีสิผันเปลี่ยนไป ใจของนางยังคงที่
    แม่นสิมีหมื่นชู้ หลายซายมาเตี้ยงต่อ น้องบ่หลงใจหม่อ คิดต่อชายน้อท่อนั้น...สัญญาเว่า..
    ...มื้อเค้าดาว...สาวคนงาม....เอ๊อะ...เออ...เอ้ย....น้อ......
    สิ้นเดือนธันวาลมหนาวก็พาพัดใจหวั่นไหว
    ปีเก่าผ่านไปพอถึงปีใหม่ใจพี่ขื่นขม
    สัญญาอดีตคราวเก่าทำเราระทม
    ปีกลายพี่ยังได้ชมแก้มนวลชวนน้องเค้าดาว...
    .... สาวยังเว้าคราวนั่งตักเฮาเค้าดาวปีก่อน เสียงหวานเจ้าอ้อนคำหมั่นต่อชาย มักแต่แต่อ้ายใจหนึ่งบ่มีสอง น้องยังจาต่อชายหมายไว้ ปีใหม่แล้วน้องไลลาถิ่น ผินหน้าหนีบ้านลงก้ำฝั่งไทย ....
    เหลือ...ไว้เพียงแค่สัญญาปาก
    ก่อนลาเธอฝากรักน้องดูแลหน่อยหนา
    น้องไปทำงานปีใหม่จะย้อนกลับมา
    ให้พี่ตั้งตารอคอยอย่าหลอยมีใคร
    สัญญาให้ไว้แล้วจากไปไม่เคยส่งข่าว
    ทิ้งพี่เป็นบ่าวคอยทางรอน้องคืนนา
    ผ่านฝนผ่านแล้งเสียแฮงที่อ้ายตั้งตา
    พอเจ้ากลับมากานดาน้องควงใครกัน...
    ......ลืม...คำหมั่นที่เฮาคุยกันเค้าดาวปีก่อนๆ สบอ่อนๆกะเจ้าตั่วน่าว่าไว้บ่จำ เดือนเปลี่ยนล่ำกลายผ่านเป็นปี โอน้อคนดีซ่างลืมลงได้ หรือจิตใจความฮักน้องนั้น มันเปลี่ยนมันผันไปกับปีเก่า ปีใหม่มาน้องกะลืมคำเว่าให้เขาซ้อนก่อนชาย....
    เจ้าจากไปทำงานไม่ถึงปี
    โอ้จิตใจคนดีก็เหมือนวันที่ที่เปลี่ยน พ.ศ.
    ไม่จำอดีตว่าปีก่อนให้ใครเขารอ
    ซึ้งแล้วล่ะหนอ พ.ศ. พาเจ้าเปลี่ยนแปลง...
    .....เสียแฮงพี่ชายคอยน้อง นั่งมองจ้องนับวันที่ เปลี่ยนปีเจ้าเปลี่ยนใจซ้ำ ระกำให้ได้แต่เหงา จอบเบิ่งเขาเค้าดาวกับน้อง พี่ซายมองแล้วแสนปวดร้าว โอน้อผู้สาว...ซ่างทำได้......


    .................................................................................
    ความสุขที่แสนเศร้า
    ๑๐ มกราคม ๒๕๕๒


  2. #2
    มิสบ้านมหา 2008 - 2009 สัญลักษณ์ของ หมูหวาน
    วันที่สมัคร
    Sep 2007
    กระทู้
    1,478
    บล็อก
    5

    Re: เปลี่ยนปีน้องเปลี่ยนใจ

    Re: เปลี่ยนปีน้องเปลี่ยนใจ อย่าท้อใจเด้อจ้า สู้สู้ เอาใจซ่อย จ้า

  3. #3
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    Re: เปลี่ยนปีน้องเปลี่ยนใจ

    เคยได้สัญญาไว้แต่ปีกลาย พ.ศ.เก่า
    อ้ายกะว่าฮักเจ้า เจ้าบอกฉักอ้ายแต่ปลายฟ้าเปลี่ยนฝน
    จากไปดนบ่เห็นหน้า...แม่นเจ้าลืมวาจา...เคยเว้ากันบ่ฮู้ข่าว
    ไปพ้อบ่าวต่างบ้านผัดลืมอ้ายผู้นั่งคอย - แล้วบ้อ
    ตะเวนตกค่ำค้อยน้ำหมอกซุ่มหัวลมหนาว
    ลืมเรื่องราวเฮาเทิงสองอยู่ฝั่งหนองแต่คราวนั้น
    อ้ายยังรำพรรณเว้าเอาสองมือประครองกอด
    ยังคิดฮอดตั้งแต่กี้เคยมีน้องนั่งเฮียง
    น้องเคยเอียงสองแก้มแซมมาลาประดับกลิ่น
    ความหลังยังบ่สิ้นยังฝังแหน่นอยู่ว่างใจ นางเอ้ย

  4. #4
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140

    Re: เปลี่ยนปีน้องเปลี่ยนใจ

    ปีมันเปลี่ยนผันแล้ว แก้วนางเอ้ยเจ้าเลยเปลี่ยน
    เดียนมันเวียนผันข้าม นางน้องเลยเปลี่ยนใจ
    ซาอี่หยังตั้งแต่ไม้ ลำใหญ่ยังโค่นเป็น
    เห็นว่าเป็นแฟนกัน ข้วมวันบัดผันจ้อย
    โอเด้น้อหัวใจข่อย เป็นมะลำซำซอย สวอยล้มมื่อสิบเทื่อ
    มาเสียใจเอาเหลือ เทือใด๋เห็นเขาคู่นั้น เคียงกันเล่นหยอกกัน
    ซ่างบ่คิดเห็นบั้น บาดเคยฮ่วมน้อฮักกัน นางเอ้ย
    ซ่างบ่คิดเห็นเลย บาดเก่าเคยสัญญาไว้
    ลงเมือไทยปีเดียวแหล่ว ลืมมันแกวเจ้าเครือเก่า
    ลืมอ้ายบ่าวผู้เคยเว้า ลืมคำเข้าจ้ำแจ่วบอง
    ให้ไปดีสาเด้อน้อง อ้ายขอมองเจ้าสุขลื่น
    รวยเงินแสนเงินหมื่น มีลูกหลายสืบหน้า ผลาล้นให้ซ่อยซู เจ้าเด้อ น้องเอ้ย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •