กำลังแสดงผล 1 ถึง 10 จากทั้งหมด 10

หัวข้อ: ... อยากมีเธอเป็นแฟน ...

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ... อยากมีเธอเป็นแฟน ...


    ... อยากมีเธอเป็นแฟน ...
    [wma]http://baanmaha.us/jolo/Other/Girlfriend.wma[/wma]

    ปราถนาเคียงข้าง พอได้ย่างตางควงแขน ปราถนาเป็นจั่งแฟน มาทดแทนยามเหงาฮ้าย

    มีบ่หลายหมายอยากให้ นั่นคือใจไผดวงหนึ่ง ด้ายความฮักลักคิดถึง จารำพึงถึงแต่เจ้า อ้ายหลงเว้าอยู่ผู้เดียว

    มื้อได้เหลียวไปมองหน้า มื้อได้จาคำเอื่อนเอ่ย มื้อได้เกยคางเบิ่งเจ้า ย่านความเศร้าแม่นบ่มี

    ดอกราตรีผู้หอมเอ้า ดอกคัดเค้าผู้หอมกลุ่น สิซ่ำซูนหอมแก้มเจ้า หยังสิเท่าแน่บ่น้อ

    หากสิขอเป็นแฟนอ้าย เฮ็ดหยังหลายอยู่บ้ออุ่น จากผู้เริ่มต้นจากศูนย์ สิค้ำคูนเฮ็ดนำเจ้า บ่กล้าเว้ายิ้มส่งอ้ายแน่เด้อ

    ::)



  2. #2
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    กระพริบตา Re: ... อยากมีเธอเป็นแฟน ...

    อ้ายเอ้ย ....คั่นบ่จริงอย่าฟ้าวเว้า คั่นบ่เอาอ้ายอย่าว่า
    ย่านตะเป็นลมส่า พัดแต่ใบตองแห้ง ให้หมาน้อยได้แต่มอง......นั่นแหล่ว
    ย้อนว่าแนวนางน้อง คือกาดำบ่ห่อนเวิน ..บ่อาจเหินเฮียบข้าง ทางเจ้าเพิ่นผูดี ดอกอ้ายเอ้ยย.......


    Re: ... อยากมีเธอเป็นแฟน ...


    ปล...สบีดาย สบายดีบ่น้อ เจ้าของกะทู้คือมิดคือบักหอยไข้แทะน่อ... ::)

  3. #3

    Re: ... อยากมีเธอเป็นแฟน ...

    ใจประสงค์มาดแม้นคงใด่ซิเป็นคู่
    ฮู้ก้อฮู้ว่าเจ่านั่นมีเจ่าของอยู่แล้ว
    ใจนี่อยากใด่น้องมาเป็นแฟนน้อเคียงกาย
    ตงซิสมดั่งหมายหางนางน้องนั่ยิมยอม..........พะนางเ
    อ๋ย



    มักๆๆๆๆๆอ้ายเพลงนี่นะ

  4. #4
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    Re: ... อยากมีเธอเป็นแฟน ...

    คือมาถามข่าวผ่านบอร์ดจ้อแท้หล่ะน้อไก่น้อย เนาะ อันถามว่าซำบายดีบ่ กะตอบว่า พออยู่ แต่ว่าลางเทื่อกะพอกิน ลางเทื่อกะบ่พอปากน้องเอ๊ย
    ฮ่า ๆ ๆ ดิ้นหลายโพดหรือจั้งได๋บุ คิดฮอดท่าน ทุกคนเด้อครับ อันคือว่าอ่ะหล่ะ บอร์ดผญา กะมีคนอ่านบ่หลายปานได๋
    เขียนลงดู๋หลาย ไทยบ้านกะสิเอียน หนิหล่ะ ขอโทษขออภัยนำผู้ได๋เอียนแล้วเด้อครับ ฮ่า ๆ ๆ

    ::) ::) ::)

  5. #5
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23

    Re: ... อยากมีเธอเป็นแฟน ...

    บ๋า.. มะส่างว่า..คนอ่านหลายอยู่ตั้วอ้าย.. บ่อเสื่อถามอ้ายศรีเล้าเบิ่ง..แฟนคลับหลายจนแจกลายเซนต์บ่ทัน พะนะ.. ::)

  6. #6
    ศิลปิน นักร้อง นักแสดง สัญลักษณ์ของ ไอ้เก่ง คนเลย
    วันที่สมัคร
    Feb 2008
    กระทู้
    186

    Re: ... อยากมีเธอเป็นแฟน ...

    สุดสะแนนงามเหลือฮ้าย.....ไผ๋กะหมาย....อยากเป็นคู่

    เขียวเอ๊ยเขียวใบพลู ......ยอดมันสูงกว่าต้น .....ไผ๋เล่าสิโก่งเถิง

    เลื้อยไปอยู่เจิ้งเทิง..... โอบรัดดอก....พันหนา

    พันวัล บุปผา .........แกมสกุณา...ยอกเย้า

    วาสนาของเขาแท้........ คือมาดี.....เอาหลายหนี่

    โตอ้ายดำขี้หลี่ ......ขี้ฮ้ายส่ำดอกหญ้า .....ไผ๋น้อจั่งสิสน

    แต่กะหนีบ่พ้น .....ทางใจคิด.....อยากเป็นแฟน

    อยากสิเดินควงแขน.....ประกาศไป......ให้คนฮู้

    นึกอดสู....เอาฮ้าย......คือสิอาย....คนเขาส่า

    ย่านเปรียบ.....ไปอ้ายหว่า...ส่ำหมาวัด.....ขี้เฮี้ยน

    ได้เคียงคู่ดอกพยอม..........จั่งซั้นหล่ะ นางเอย.........น้องหล่าเอย

  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    Re: ... อยากมีเธอเป็นแฟน ...

    อยากมีเธอเคียงข่าง ศรีสำอางค์เกี้ยวก่าย
    นั่งเฮียงเบียดไหล่ซ้าย กายกุ้มกอดกุม
    ผ้าแพรปกป่ายตุ้ม เต็งตอบอายหนาว
    แนมเบิ่งดาวเคียงเดือน เด่นดวงนภาพื้น
    อยากไปยืนแนมฟ้า ดาราใสส่อง
    มีแต่อ้ายและน้อง สองก้ำคู่เดียว พู้นแหลวฯ

  8. #8

    Re: ... อยากมีเธอเป็นแฟน ...

    ::) ::) ::) ตะเอง ศรีสำอางค์มาแล้ว

    เรียกเขาทำไมเหยอ.........พอดีได้กลิ่นธูปอ่ะ ฮั่นแน่มาบอกว่าอยากได้ศรีสำอางค์ เป็นแฟนจริงอ่ะ ::) ::) ::)Re: ... อยากมีเธอเป็นแฟน ...

  9. #9
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    Re: ... อยากมีเธอเป็นแฟน ...

    โอ๊ยยยย..อันคำว่า ศรีสำอางค์ หนะเขาเปรียบเทียบ หมายถึงน้องคนไค น้องคนสวย ซั้นเด้เดียวนี้ หวืยยย แต่ถ้าแม่นหมายถึงผู้โผล่มากะแฮ่งดีหละหวา เอิ๊ก ๆ ๆ ๆ

  10. #10
    แบ่งปันความรู้และประสบการณ์
    วันที่สมัคร
    May 2007
    กระทู้
    184

    Re: ... อยากมีเธอเป็นแฟน ...


    ไผเด๊น้อสิพอลุ้น เป็นแดดอุ่นมื้อลมหนาว

    เป็นฟ้าขาวถ้าเคียงเดือน มื้อฝนเลือนบ่มีครึ้ม

    สิเป็นฟืมสอดเส้นด้าย เป็นแพลายพอตุ้มห่ม

    เป็นสายลมมื้อฮ้อน ฮ้อน เป็นหมอนข้างไว้ต่างเหงา

    สิเป็นเงาพอเคียงข้าง มื้อน้องย่างอยู่เดียวดาย

    เป็นความหมายคำว่าเฮา ใจพักเซาอยู่นำอ้าย ได้บ่น้อ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •