ผญาคุยสาว

[น้าสัก เสือหวาน]

โอนอ.........นางเอ๊ย...หัวอกคนขาดซู้ ขาดคนซูฝันซอย ขาดคนคอยชิดใกล้ เลยได้แต่นั่งเหงา สั้นแหลว...
โอเด๋........อ้ายส่ำเฮือลอยน้ำ ขาดคนพายเข้าสู่ฝั่ง ฝากความหวังไว้กับน้อง สาวห้องบ้านมหา สั้นแหลว...
เห็นผญานี่แล้ว พอมีแววแนหรือบ่ อยากสิขอให้เจ้า ลองเว้าแก้เบิ่งดู๋...

[โป้ยก่าย]

นางเอ้ย
เจ้าผู้ดวงดอกฟ้าสูงค่าเพียงแสน
หญิงในแดนโลกาบ่อาจมาเทียมได้
คนในแดนภายพื้นบ่มีไผปุนเปรียบ
บ่อาจเทียบค่าน้องผู้สูงลำ้ลื่นคน
สังมาจนใจอ้ายมโนหมายมุ่งมาด
แนวว่าซาติต่ำชั้นกระสันต์เชื้อไฝ่สูง
ได้แต่มุ้งหมายเบิ่งเพียงตา
ปราถนานำหงษ์ไฝ่สูงเทียมฟ้า
สักกุณาแนวเชื้อกาดำชั้นต่ำ
แนวว่าคำค่าล้านอย่าฝันถ่อนว่าสิเห็น นางเอ้ย
์

[หนุ่ม เกินร้อย]

:g@ "สมภารเบื้องบารมีเฮียงฮอดกันน้อ อยู่ไกลกันสุดขอบฟ้ายังมาพ้อพบกัน ย้อนว่าบุญเก่าเกี้ยวได้สร้างฮ่วมเฮียงกัน ไผ่ฮ่อดขัดขืนเซินบาปบุญบ่มีได้ บุญหากมาเถิงแล้วไกลปานได่กะได๋จวบกันแล้ว แม่นว่าสุดขอบฟ้าทะยานยื้อหยั่งเถิง ไทยเฮาได้มีบุญวาสนาบุพเพสร้างปางหลังจั่งได้ฮ่วม ไกลแสนไกลสุดขอบฟ้าได้มาพ้อพบกัน ย่อนว่าบุพเพสร้างปางหลังแต่ชาติก่อน บุญจั่งหลอนพบพ้อมาเห็นหน้าบัดทื่อลุน" @:g

[พงศ์น้อย ส กสิน]

ชะตาสร้างนางอ้ายจั่งมาพบ เพิ่นกะยังว่าหล่าเอ้ยยย
อยู่ไกลจนขอบฟ้า กะยังได้ดอกพบกัน
สิ่งที่ชายหมายหมั่น คือได้นางมาร่วมบ่อน
คั่นว่าพ่อแม่น้อง บ่ขีนข้องกะดีหลาย
ส่วนว่าทางโตอ้าย ยอมถวายเหมิดสุอย่าง
หลงถลำฮักเจ้าแล้ว บ่มีแคล้วสิเปลี่ยนใจ นางเอ้ยยยย
อ้ายเบิ่งซ่งสายตาแล้ว น้องมีแววว่าฮักพี่
เว่าตรงตรง ที่หลี่ นางหล่าอย่าอ่วยคำ
ลายสายตาบอกย้ำ ให้อ้ายหล่วงลงค้นหา
คำเฉลยในแววตา มาส่างมาหวานฮ้าย

[ไก่น้อย]

อ้ายเอ้ย .........คั่นแม่นหลังบ่ซังส่วง สิเห็นฮวงฮอดข้าวกล่ำ พุ้นแหล่ว
แหลวพอใจไก่น้อย หอยจี้สิเปิดไง ยุตั้วอ้าย...... (บึ่ยย)

[พลายแก้ว]

เขาส่าว่าสาวบ้านนี้ มีตั้งแต่เก่งผญา
มาพ้อคารมสาว สมจั่งเว้าอยู่ดอกเด้อ
สาวไก่น้อยเอย...คือมาซงติแถลงเอิ้น เซิน ๆ เข้าไปนั่งแท้นอ
บาดว่าไปนั่งแล้ว น้ำจักแก้วสิได้กิน บ่นอ นางเอย...

[ไก่น้อย]

.......บ่าวก๋าคามเอ้ย
คั่นแม่นใจประสงค์ต้อน สวนหมอนกะสิย่าง
ใจประสงค์เฮียบข้างทางอ้าย น้องบ่ถอย ....สั่นแหล่ว

คั่นบ่จริงน้องบ่เว่า คั่นบ่เอาน้องบ่วา
รับฟ้าผ่า (อ้ายศรี) กะได่ ใจน้องนิเที่ยงสัน สั่นแหล่ว

[ศรีสะท้าน]

อ้างถึง.......บ่าวก๋าคามเอ้ย
คั่นแม่นใจประสงค์ต้อน สวนหมอนกะสิย่าง
ใจประสงค์เฮียบข้างทางอ้าย น้องบ่ถอย ....สั่นแหล่ว

คั่นบ่จริงน้องบ่เว่า คั่นบ่เอาน้องบ่วา
รับฟ้าผ่า (อ้ายศรี) กะได่ ใจน้องนิเที่ยงสัน สั่นแหล่ว

โอนอฟ้า..สังสิผ่าทางศรี
เว้าสองคนอยู่ดีๆมาเกี่ยวศรีอีหยังน้อ
ขอกะขอหยังได้มาจังไรปากว่า
รับฟ้าผ่ามาใส่ข้อยสินำป้อยฮอดเฮือน พู้นแหลว ปอบ

[บักหล่าลูกกก]

รับติดตั้ง สายล่อฟ้า มีทั้งแบบเสาสามเหลี่ยม และแบบ วงจรไฟฟ้าป้องกัน
สนใจติดต่อ

บักหล่าลูกกก (soulful พ่อลูกอ่อน) ถามหาได้ที่บอร์ดบ้านมหา แถว ๆ คำผญา สุภาษิต

ปล. อาจสิบ่ว่างเพระไปอยู่โรงบาล ถืกฟ้าผ่ามาคือกัน ขอรับ

[บักหล่าลูกกก]

อ้ายเอ้ย .........คั่นแม่นหลังบ่ซังส่วง สิเห็นฮวงฮอดข้าวกล่ำ พุ้นแหล่ว
แหลวพอใจไก่น้อย หอยจี้สิเปิดไง ยุตั้วอ้าย...... (บึ่ยย)

อันคำจาไก่น้อย อยากหลอยเอาไว้เฮ็ดแนว เบิ่งเด้
เลี้ยงไว้ให้ไข่แล้ว กกไว้ให้บ๋อแตก
เอาความฮักตางอุ่นแลก คึดฮอดแทรกตางฮังอุ่น
เติบโตเป็นไก่รุ่น พอได้ต้มใส่ใบมอญ บ่น้อ

ต้มส้ม ๆ ซด โก้กกกกกกกกก เบิ่งเนาะ ตักไปสู่จารย์ศรีจักถ้วยกะน้า