ก้อยบักหอยเดื่อ...

[คนตระการ...]

มื่อนี่พอดีมีอ้ายเอาบักหอยเดื่อมาให้ เพิ่นมาแต่เกาะช้างครับ เพิ่นว่าคนแถวนั่นบ่อกินกัน
ต่อไปนี่คือสิดับอยู่ดอกคนอีสานเฮาไปพ้อแล้ว ::)
ผมกะเลยคิดอยากกินครับ จัดการเองเลย
.

แต่ว่าผมสิต้มก่อน แล้วค่อยเอามาย่างให้แห้งๆครับ
หรือบางคนกะย่างเลย บ่อต้ม

.



ย่างสุกแล้วเด้อนี่ แล้วกะหั่น หนาบางตามที่มักครับ

.

ก้อยเสร็จแล้วมาเด้อพี่น้อง

.

อันภาพสุดท้ายนี่ มีปลาหมึกนำครับเพิ่นเอามาให้ ว่าให้กินแก้โรคคอพอกแน่ว่าซั่น
กินแต่อาหารอีสานหลาย ::)::)


.

[อ้ายเซียงเบิร์ด]

คือเป็นตาแซบแท้....อ้ายเอ้ย:g

[DK ยโสธร]

อยากกินเด้ เป็นตาแซบหลาย :g:g:g

[บ่าวนิติกร]

ฮ่วย คือบ่อเอิ้นกันก่อน อยากหยุ๋ม คำใหญ่ ๆ จักบาด
อั่น แนวเป็นวุ้น ตามไป จักครึ่งแก้ว คือสิม่อนคอ น้ออาว

[อ้ายเซียง]

แซบบ่อล่ะน้อ อั่นคือวา อ้ายเซียงบ่อเคยกินคือกันผู้เฒ่าเพินบ่อพากินแหม อยากลองกินจักเทือคันมีโอกาสสิไปยามเด้อ::)

[เเมงสะดิ้ง]

หอยอันนี่กะพ้ออยู่เดิ่นหลังบ้านอยู่เด๊ะค่า
แต่บ่กล้ากินเพิ่นดอก เห็นเป็นตาฮักกะเลยเลี้ยงไว้ดูเล่นสั่นดอก

[ลักเกิบกำนัน]

คนใต้บ่กิน เเต่คนอีสานกิน::)เเนวได๋เอิ้นบ่ขาน คนอีสานกินได้เบิดคับ ...เฮ็ดเป็นตาเเซบคับมักๆอยากคุ้ยจักคำเด้

[ติ๋ม เปอร์โย]

หว่ายยยย...หอยอันนี่กินได้อยู่ตี้...ยามหน้าฮ้อนมีอยู่สวนหลังบ้านหลายขนาด...บ่เคยคึดว่ากินได้จักเทือ...

[เซียงเหมี่ยงเมืองสุรินทร์]

ฮ่า ๆ คนอีสานเฮา อยู่ง่ายกินง่าย กินได้ทุกแนว ตั้งแต่ใต้ดิน บนดิน ยอดไม้ เทิงฟ้า....
ก้อยหอย กินกับผักกูดสดเด้อครับ แซบ ๆ ...

[มันฑนา]

ป๊าด ผู้บ่าวเมืองตระการ นอกจากรูปงามแล้ว กะยังเฮ็ด กับแกล้ม โอ๊ะ กับข้าวเก่งเน๊าะ
เป็นตาแซบเด้ อ้าย.... หอยนั่นแหม

ส่วนคอพอก...อย่าลืมกินเกลือไอโอดีนนำเด้อจ้า....กันไว้ อิอิอิ