กำลังแสดงผล 1 ถึง 9 จากทั้งหมด 9

หัวข้อ: ผญา อย่าสิลืมอีสานเด้อ

  1. #1
    ศิลปิน นักร้อง นักแสดง สัญลักษณ์ของ พงศ์น้อย ส กสิน
    วันที่สมัคร
    Jan 2007
    ที่อยู่
    ผมไม่รู้ ผมนอนนา
    กระทู้
    1,171
    บล็อก
    5

    ผญา อย่าสิลืมอีสานเด้อ

    บทผญากลอนนี้แต่งขึ้นมาเพื่อถามข่าว ถึงลุงป้าอาอาวหนีไปไกลจากบ้าน ลืมเฮือนฮ้างแล้วไป่น้อ

    ตั้งแต่จำความได้น้อยเท่าใหญ่อยู่อีสาน เลี้ยงด้วยความกันดารจั่งสิแกร่งขึ้นมาได้
    ความสัมพันธ์ผูกไว้ดินแดนทองหม่องเฮาอยู่ ตั้งแต่ปุ้ดแต่ปู้เฮาเคยได้ดอกพักเซา
    คิดฮอดใหญ่จารย์เฒ่านอนนาอยู่ท่งเก่า ลาวเป่าแคนหยอกเย้าสนูเว่าดังไกล
    ความเอื้อเฟื้อหาได้บ่ว่าไก่หรือปูปลา หากินตามประสาอยู่ท่งนาคราวกี้
    บ่มีสิน บ่มีหนี้ ยิ่งทวีความเป็นอยู่ ที่เขาว่ากะแม่นอยู่อีสานเฮาแห้งแล้งแต่บ่แห้งทางน้ำใจ เด้น้อ

    มาเบิ่งทุกมื้อนี้จักสิดีหึสิชั่ว พี่น้องเอ้ย ความเจริญอ้อมฮั้วตีกรอบให้อีสาน
    หลายคนหนีจากบ้านไปหางานเมืองใหญ่ บ่หวังความเป็นใหญ่ขอแค่ข้าวลงท้องและมีหม่องให้พักเซา
    เมื่อยกันบ่ล่ะเจ่าอยากถามข่าวเบิ่งจักคราว ขอให้สู้เด้อลุงอาวเพราะทางหลังยังคอยถ่า
    แต่หลายคนหลงฟ้าเมืองวิวาห์กรุงเทพใหญ่ ลืมพ่อใหญ่แม่ใหญ่ลืมพ่อแม่พี่น้องที่คองถ่าอยู่อีสาน
    หนีไปไกลจากบ้านอย่าลืมทางที่เคยหย่าง อย่าลืมอู๋แอ่งน้ำที่เคยเลี้ยงเจ้าใหญ่มา เด้อพี่น้องเอยยยยยยย


    ผญา  อย่าสิลืมอีสานเด้อ


  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    Re: ผญา อย่าสิลืมอีสานเด้อ

    อย่าสิลืมลาถิ่มแดนอีสานบ้านเก่า
    อย่าได้ละฮีตเค้าเปิงบ้านหย่านหลัง
    เถิงสิไปอยู่ยั้งเนาว์ถิ่นแดนไกล
    อย่าสิไลลาเสียให่ต่าวคืนมายามบ้าง
    วิถีทางของคนนั้นหากมีกันคนละบ่อน
    แต่อย่าลืมข้าวก้อน เหนียวปั้นปลาแดกบอง

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23

    Re: ผญา อย่าสิลืมอีสานเด้อ

    ยินดีต้อนรับผญาน้อยคนใหม่จร้า.. :g มาๆส่อยอ้ายศรีเล้าแน่ะพงษ์น้อย.. เล้าจ่มดู๋คักดอก..เบื่อผู่เถ่าซั่นดอกหว๋า..
    Re: ผญา  อย่าสิลืมอีสานเด้อ

  4. #4
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    Re: ผญา อย่าสิลืมอีสานเด้อ

    โอ๊ะแน่ะ...เขาให้มาเว้าผญา ผั่นมาพื้นคนเนาะ สวกเอ้ย


    อีสานดินแดนก้ำ วัฒนธรรมเฮาสูงส่ง
    ให้จรรโลงสืบไว้ อย่าไลถิ่มถุ่มถาง
    อย่าฟ้าววางลืมสิ้น ผืนดินให้ฮักแก่น
    อย่าฟ้าวลืมเสียงแคน เสียงพิณเตาะต่อยต้อง หมอลำร้องโอ่กลอน

  5. #5
    แบ่งปันความรู้และประสบการณ์
    วันที่สมัคร
    Aug 2008
    กระทู้
    18

    Re: ผญา อย่าสิลืมอีสานเด้อ

    อย่าสิไลลืมบ้าน เมืองอีสานบ้านพ่อแม่
    ให้แวคืนเมือบ้าน ไปแปงสร้างซ่อยกัน
    หันกลับไปฟูเฟื่อง เมืองอีสานบ้านเฮาแน๊
    อย่ามัวแต่ติ๊พุ้นพี้ แม่นดีฮ้ายกะถิ่นเฮา

  6. #6

    Re: ผญา อย่าสิลืมอีสานเด้อ

    บ่อใด่ไล่ลืมทิ่มดินแดนอิสาน
    แต่ทีหนีจากบ้านสู้งานดอกต่างแดน
    แม่นลำบากยากแค้นกะทนสู่เพื่อมีหวัง
    เพื่อคนที่อยู่หลังใด่อยู่ดีสำบาย
    ยามบาดหาเงินใด่ซิอ้วยดอกคืนมือ

  7. #7
    แบ่งปันความรู้และประสบการณ์ สัญลักษณ์ของ Lerm ubon
    วันที่สมัคร
    Jan 2009
    ที่อยู่
    Chonburi-BASF The Chemical company
    กระทู้
    309

    Re: ผญา อย่าสิลืมอีสานเด้อ

    คึดฮอดเด้..คึดฮอดบ้าน.. ก้ำเกิดเมืองไกล..
    คึดฮอดสองตายาย..ถ่าลูกซายเมือบ้าน..
    มาเฮ็ดงานทางชลบุรีนี่.. ซำบายดี..อยู่ดอกพ่อ..
    ปานใด๋น้อ..สิได้เมือบ้าน.. ไปกราบเท้า..อีแม่เฮา..

  8. #8
    ร่วมถ่ายทอดความรู้สู่สังคม สัญลักษณ์ของ หัวหน้าจ๋าย
    วันที่สมัคร
    Jul 2008
    ที่อยู่
    ทำงานอยู่แถวสะพานใหม่
    กระทู้
    488

    Re: ผญา อย่าสิลืมอีสานเด้อ

    ผมแต่งผญา เขียนผญากะบ่อเป็นดอกครับ..:):)
    แต่ว่ามักเพลงอาจารย์ เทพพร เพชรอุบล เพิ่นร้องไว้...Re: ผญา  อย่าสิลืมอีสานเด้อRe: ผญา  อย่าสิลืมอีสานเด้อ

    ว่า.....ได้ยินเสียงฟ้าฮ้อง ข้วมภูพาน มาฮื้น..ฮืน..
    ฟังเสียงฝนสะอื้น ฟังเสียงลมพัดอู้..
    ปานเสียงซู้ ฮ้องสั่งแฟน ฮ้องสั่งแฟ้น..นั่นหละหน่า..:g
    ผมฟังยามได๋น้ำตาคลอเบ้าทุกครั้ง...คึดฮอดหลายๆอย่าง อิพ่อ อิแม่ บ้านเฮือน ทุ่งนา...Re: ผญา  อย่าสิลืมอีสานเด้อRe: ผญา  อย่าสิลืมอีสานเด้อ

  9. #9
    สาวบ้านเชียงเจ๊า..
    Guest

    Re: ผญา อย่าสิลืมอีสานเด้อ

    เฮ้าเว้าผญา บ่เป็นแต่มักฟังหลายๆๆเด้ออ้าย..:g

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •